EZRA 3:10 - Pathien Lekhabu Inthieng (BSI)

¹⁰ Chun, in bâwltuhai chun Lalpa biekin lungphûm chu an phûm lai chun thiempuhai chu tawtawrâwt chawiin an thuoma inthuomin an ngîr a, chun, Israel lal David thupêk angin Lalpa chu inpâk dingin Asaph naupasal Levi mihai chu dârbenthekhai leh an ngîr bawk a.

EZRA 3:10 ပူးပေါင်းရင်းမြစ်များ

1 CHANCHIN SUINA 15:24

Sebania, Josaphat, Nethanel, Amasai, Zekaria, Benaia le Eliezer, thiempuhai chun, Pathien bâwm hmaa chun tawtawrâwthai an mût a; chun, Obed-edom le Jehia chu bâwm vêngtuhai chu an nih.

1 CHANCHIN SUINA 15:27

David chu puon zai inhmi puonin ân thuom a, Levi mihai po po bâwm zâwntuhai le, hlasaktuhai le, hlasaktuhai hotu Kenania hai le chun chuong ang bawkin an inthuom a; David chun zakawsîng puon zai inhmi chu a hâk bawk a.

1 CHANCHIN SUINA 16:37

Chun, ni tina sin ṭûlzie ang peia rawngbâwl zing zing dingin, Asaph le a unauhai chu Lalpa thuthlungna bâwm hmaa chun a sie ta a;

1 CHANCHIN SUINA 16:42

anni laia Heman le Jeduthun chu, ân ring zing ding dârbenthek le tawtawrâwt le chun an um a; Pathien hlahai sakna dinga hlasakna thuomhnaw kim le chun, chun, Jeduthun naupasalhai chu dai kawtkhâra um ding an nih.

1 CHANCHIN SUINA 23:5

chun, sâng ruk dang chu hotuhai le rorêltuhai an nih; sâng li chu kawtkhâr vêngtuhai an na; sâng li dang chun, “Inpâkna dinga ka siem,” Davidin a ti, chuong thuomhnawhai le chun Lalpa chu inpâk ding an nih.

1 CHANCHIN SUINA 25:25

a sâwmparietna chu Hanani chungah, a naupasalhai le a unauhai leh sâwmpahni an nih;

2 CHANCHIN SUINA 35:14

Chun, chu hnunga chun anni ta ding le thiempuhai ta ding chun an buotsai ta a; Aron naupasalhai thiempuhai chun pumrawhmang thilinhlân le a thâuhai chu zân chenin an buoipui ta a; chuleiin, Levi mihai chun anni le Aron naupasal thiempuhai ta ding chun an buotsai el a nih.

2 CHANCHIN SUINA 35:15

Chun, David le Asaph le Heman le lal zâwlnei Jeduthun thupêk angin hlasaktuhai, Asaph naupasalhai chu an hmuna chun an um a; chun, kawtkhâr vêngtuhai chu dâi kawtkhâr tina chun an um bawk a; an sinthawhai chu an mâksan a ṭûl naw a, an unau Levi mihai chun an ta dingin an buotsaipêk leiin.

2 CHANCHIN SUINA 5:12

Levi mi chutaka hla saktuhai khawm chu an rêngin, Asaph hai, Heman hai, Jeduthun hai, an naupasalhai le an unauhai leh puon zai inhmi puona inthuomin, perkhuong leh, ṭingṭang leh dârbenthekhai leh maichâm tâwp saktieng panga chun an ngîr a; anni lai chun thiempu za le sâwmhni tawtawrâwt mûttuhai an um bawk a):

EZRA 2:41

Asaph thla, hlasaktuhai za khat sâwmhni pariet.

EZRA 5:16

Chun, chu Sesbazzar bawk chu a hung a, Jerusalema um Pathien in lungphûm a phûm ta a; chutaka inthawk tah tu chen hin bâwl a ni ta zing a, zo fel lo a la ni zing a nih,’ tiin.

INPÂKNA HLABU 150:5

Dârbenthek ri thûm miin ama chu inpâk unla, Dârbenthek ri infiek miin ama chu inpâk ro.

HAGGAI 2:15

Chuleiin, Vawisuna inthawkin fimkhur takin ngaituo ro, Lalpa biekina lung chunga lung intieng a ni hma hun hai kha;

ZEKARIA 4:10

Thil chînhai ni chu tuin am a hmusit hlak hrim a? Hlim an ta, Zerubbabel kuta chun enremna, hieng pasarihai ngei, chuong Lalpa mithai ngei chu an hmu ding a ni si a; anni chu khawvêl po po kil tin kil tanga chun an tlân vêl ta a,” tiin.

ZEKARIA 4:6

Ama chun ka kuomah, “Hi hi Zerubbabel kuoma Lalpa thu, ‘Sipaiin ni lovin, thilthawtheina khawma ni lovin, amiruokchu, ka thlarauin,’ tia sipaihai Lalpain a hril chu a nih,” a ta.

ZEKARIA 4:7

Aw tlâng lien, tu am i na? Zerubbabel hmaa chun phaizâwl hung ni el i tih, chun, ama chun a chungah, “Zângaina, zângaina,” ti khêkrihai leh lung chunghnungtak chu hung la suok a tih.

ZEKARIA 6:12

chun, a kuoma chun hril la, ‘Sipaihai Lalpa chun hieng ang hin a tih: Ngai ta, mi pakhat a hming chu Kau a nih; ama chu a hmuna inthawkin hung inṭhang a ta, Lalpa biekin chu hung bâwl a ta:

ZEKARIA 7:3

sipaihai Lalpa thiempuhai kuoma le zâwlneihai kuoma chun, “Kum khâng chena ka lo thaw ta hlak ang khan, keima chu insuktumin, thla kuonaa hin ka ṭap ding am a nih,” tia indawn dingin an tir a.

1 SAMUEL 22:18

Chun, lal chun Doeg kuoma chun, “Nang nghakîr la, thiempuhai kha thaw rawh,” a ta. Edom mi Doeg chu a nghakîr a, thiempuhai chu a thaw a, chu ni chun puonzai inhmi sil thiempu zakawsîng hâk, mi sâwmriet le panga a that a.