EZRA 2:68 - Pathien Lekhabu Inthieng (BSI)

⁶⁸ Chun, an pahnama lu ṭhenkhathai chun, Jerusalema um, Lalpa inah an hung lai chun, a hmun ngeia tungding a nina dingin Pathien in ta ding chun inhâwktakin thil an inhlân:

EZRA 2:68 ပူးပေါင်းရင်းမြစ်များ

1 CHANCHIN SUINA 21:18

Chun, Lalpa vântirko chun, Jebus mi Ornan hrizâwla chun Lalpa ta dinga maichâm hang bâwl dingin David chu fe dingin, David kuoma hril dingin Gad chu thu a pêk ta a.

1 CHANCHIN SUINA 22:1

David chun, “Hi hi Lalpa Pathien in a na, hi hi Israel ta dinga pumrawhmang thilinhlânna mâichâm chu a nih,” a ta.

2 CHANCHIN SUINA 3:1

Chun, Solomon chun Moria tlânga a pa David kuoma Lalpa chu ân lâr a, Davidin a lo buotsaina hmun, Jebus mi Ornan hrizâwla a lo thlangna hmun Jerusalema chun Lalpa in bâwl chu a ṭan ta a.

EZRA 2:67

sanghâwngseihai chu za li sâwmthum panga; sabengtunghai chu sâng ruk za sari sâwmhni an nih.

EZRA 2:69

sinthawna tienga sum ina chun an thei ang tâwk sengin an pêk a, rângkachak darik sîng ruk sâng khat, tangkaruo mane sâng nga bûk le thiempu silfên za khat leh an pêk a.

EZRA 3:3

Chuongchun, maichâm chu ân ṭhutnaa chun an inṭhut ta a; chuong rama mihai lei chun an chunga chun ṭitna chu a um si a; chuongchun, pumrawhmang thilinhlânhai chu chutaka chun Lalpa kuomah, pumrawhmang thilinhlânhai ngei chu zîng le zânin an inhlân zie ta a.

EZRA 9:9

Sal intâng kan na, amiruokchu, kan sal intângnaa khawm chun kan Pathien chun a mi nghatsan ngai naw a, Jerusalem le Juda rama kulhai mi pe ding le, chutaka in siehai chu siem ṭha ding le kan Pathien in chu tungding dinga thathona mi pe dingin, Persia lalhai mithmua chun kan chungah lunginsietna a hung sukpung ta lem a.

INPÂKNA HLABU 110:3

I mihai chu i thilthawtheina nia chun mâni nuomthuin an inpêk hlak a, Inthieng mawinaah, zîngkâr phîng sûnga inthawkin, I tleirâwl daidaw chu i nei a.

FESUOKNA 25:2

“Israel mihai kuoma chun hril la, ka ta dingin thilpêk dâwl raw hai se; mi tin an lungrila inhâwktaka petuhaia inthawk chun ka ta dinga thilpêk chu in lâk ding a nih.

FESUOKNA 35:21

Mi tin lungril phûrna nei le mi tin lungrila inhâwkna nei taphawt chu an hung a; intuokna puon in sina ding le, chutaka rawngbâwlna po poa ding le, silfên inthieng dinga hmang ding Lalpa thawlâwm chu an hung chawi a.

FESUOKNA 35:29

Israel mihai pasal tin le nuhmei tin an lungrila pêk nuomna neihai chun Lalpain Mosie hmanga thu a pêk tah sin po po thâwnaa dingin anni nuomthua Lalpa ta dinga thilpêk chu an hung pêk a.

FESUOKNA 36:3

Anni chun Israel mihaiin Hmun Inthieng bâwlnaa hmang dinga nuomthua thilpêk an hung chawihai po po chu Mosie kuoma inthawkin an lâk a. Zîng tinin ama kuoma chun mâni nuomthua thilpêk chu an la hung chawi zing a.

2 KORINTH 8:12

Inzona chu a um phawt chun, mi a nei naw sa ni lovin, a neizie ang peia a pêk chu lâwm tlâk a ni si a.

2 KORINTH 8:3

An theitâwk ang peiin, anih, an theitâwk nêka nasa lemin anni thu thuin an pêk ti ka hrietpui a nih:

2 KORINTH 9:7

Mi tinin inro puma pe lovin, pêk naw thei naw anga ngaia pe bawk lovin, an lungrila an tum ang peiin pe seng raw se; Pathien chun hlimtaka petu chu a nih a hmangai chu.