EZRA 2:1 - Pathien Lekhabu Inthieng (BSI)

¹ Hienghai hi chu ram mihai, sala ṭhuoihmanga um, Babulon lal Nebukadnezzarin Babulon tienga a ṭhuoi hung suok nâwk a, Juda le Jerusalema mâni khuo tieng senga hung kîr nâwkhai chu an nih;

EZRA 2:1 ပူးပေါင်းရင်းမြစ်များ

2 LALHAI 25:11

Chun, khawpui sûnga mi la um, inpehai, mipui la umhai chu vêngtu pâwl hotu Nebuzar-adan chun salah a ṭhuoi vawng a.

1 CHANCHIN SUINA 9:1

Chuongchun, Israel mihai po po chu thla insui dâna tiem vawng an na, Israel lal lekhabua chun ziek an nih: Judahai ruok chu an bawsietna leiin Babulona sala ṭhuoihmangin an um a.

1 CHANCHIN SUINA 9:2

Chun, an hmun nei an khawpuihaia um hmasatakhai chu Israelhai, thiempuhai, Levi mihai, Nethinim mihai hi an nih.

EZRA 1:11

Rângkachak le tangkaraw bûr le bêl po pohai chu sâng nga le za li an nih. Hienghai po po hi Sesbazzar chun, sal intânghai Babulona inthawka Jerusalema an hung ṭhuoi ruol chun a hung lâk ve a nih.

EZRA 2:2

chuonghai chu Zerubbabel, Jesua, Nehemia, Seraia, Reelaia, Mordekai, Bilsan, Mispar, Bigvai, Rehum le Baana hai ruolin an hung ve a. Israel chi patling zât chu:

EZRA 2:70

Chuongchun, thiempuhai, Levi mihai le chi ṭhenkhathai le, hla saktuhai le, kawtkhâr vêngtuhai le temple siehlawhai chu an khuohaia chun an um ta a; chuongchun, Israel mi po po chu an khuoahai chun an um ta bawk a.

EZRA 5:8

Juda ram bielah, Pathien in ropuitaka chun kan fe a, chu chu lung ropuitakhaia bâwl a na, a banghai chu thinga siem a na; chun, sin chu taimataka thaw pei a na, an kuta chun a hung hlawtling hle el a nih ti hi lal chun lo hre raw se.

EZRA 6:2

Chun, Media biela lal inah Akmethaa chun lekha zuol hmu suok a ni ta a; chutaka chun hriet zingna dingin hieng anga ziek hi a na,

EZRA 8:35

Chun, sal intâng mihai intângnaa inthawka hung suokhai chun Israel Pathien kuoma chun Israelhai po po puolah; bâwngchal sâwmpahni le, berâmchal sâwmkuo paruk, berâmte sâwmsari pasari le; kêlchal sâwmpahni suol thilinhlâna dingin; pumrawhmang thilinhlânah an inhlân ta a; hieng po po hi Lalpa kuoma pumrawhmang thilinhlân a nih.

NEHEMIA 12:1

Sealtiel naupa Zerubbabel le Jesua kuoma fe ve thiempuhai le Levi mihai chu hieng hi an nih; Seraia, Jeremia, Ezra,

ESTHER 1:1

Ahasuer hun lai chun hieng hi a hung na, (hi Ahasuer hi Indiaa inthawka Ethiopia chena, rambung za sâwmhni pasari chunga rorêltu a nih),

ESTHER 1:11

lalnu Vasti chu lallukhum khuma lal hmaa chun hung ṭhuoia, mi ṭhahai le mipuihai chu a hmêl ṭhatzie chu inentir dingin thu a pêk ta a; hang en hin ama hlak chu a hmêl a ṭha hle el bawk si a.

ESTHER 1:3

a rorêl a kum thumnaa chun a mi ṭhahai le a siehlawhai po po ta dingin ruoi a ṭhe a; Media le Persia ram thilthawtheihai, mi ṭhahai le lal nauhai, chu rambunga mihai chu a hmaa chun an um a;

ESTHER 1:8

Chun, dâwn dân khawm chu dân ang takin a na; tukhawma an thawlui thei naw a; lal chun mi tinin mâni nuom tâwk ang senga an thawna dingin a ina manmihai chu mi po po ta dinga vêngtu dingin a ruot a.

ESTHER 8:9

Chuongchun, chu huna chun, thla thumna, Sivan thla, chu thla ni sâwmhni pathum ni chun lal lekhaziektuhai chu koin an um ta a; chuongchun, Mordekaiin Juda mihai kuoma thu a pêk ang po poin, rambung za sâwmhni pasari, Indiaa inthawka Ethiopia chena rambunga lalhai, rorêltuhai le ram awptuhai kuoma chun, rambung tin kuoma chutaka ziek ang peiin, chi tinhai kuomah an ṭawng ang peiin. Juda mihai kuomah an ṭawng ang pei le an ziek dân ang peiin, ziek a hung ni ta a.

ISAI 48:20

Babulona inthawkin suok unla, Kaldaihai chu tlân hmangsan ro, hi hi hla sak riin inhriettir unla, hril unla kâwlkawdawng chen khawma sukri ro, “Lalpa chun a siehlaw Jakobhai chu ân tlan tah,” ti ro.

JEREMIA 50:19

Israel chu a tlatna hmuna chun hung ṭhuoi nâwk ka ta, Karmel le Basana chun tlâng a ta, a thla chu Ephraim le Gilead tlângahai chun lungawi tâwk tâng a tih.

ṬAP HLA 1:3

Sukrinumna le sal nina nasatakah Juda chu salin a fe ta a, Awi naw mihai laia chun a khawsa a, châwl hrim a hmu nawh; Ama sukrimsituhai po po chun hmun inchêptakah an nangchîng a.

ṬAP HLA 1:5

A khingtuhai chu lu an hung na, a hmêlmahai chu an hung hlawtling a; A bawsietna tamtak el lei chun Lalpain ama chu a sukrimsi si a, A nau le têhai chu a hmêlmahai hmaa chun salah an fe a.

ṬAP HLA 4:22

Aw Zion naunu, i suolna hremna chu a famkim ta a nih; Sal ninaa chun hrên zing ta naw ni che a, Aw Edom naunu, i rîtlona chu hung hrem a ta; I suolnahai chu hmusuok a tih.

ZEPHANIA 2:7

Chu vakam hrûl chu Juda sûngkuo a la um sunhai ta ding kha nîng a ta, chutaka chun an ran ruol chu intlattir tâng an ta, Askelon inhaia chun zânah riek an tih; Lalpa an Pathien chun anni chu hung sir a ta, an sal intângna chu a hlîppêk ta ding a ni si a.

THILTHAWHAI 23:34

Bawrsâp chun a tiem zoin Paula umna ram ân dawn a. Chun, Kiliki ram mi a nih ti a hriet phingleh,