EZRA 10:3 - Pathien Lekhabu Inthieng (BSI)

³ Chuleiin, tuhin, chuong nuhmeihai po po chu ma ding le, annia inthawka pieng taphawt chu sie hmang dingin, Lalpa le ei Pathien thupêka inthintuhai rorêl ang peiin, ei Pathien leh thuthlung siem ei tiu; chuongchun, dân ang taka thaw ni raw se.

EZRA 10:3 ပူးပေါင်းရင်းမြစ်များ

2 LALHAI 11:17

Chun, Jehoiada chun Lalpa le lal le mipuihai kâra chun Lalpa mihai an hung nina dingin thu a thlung ta a; lal le mipuihai kâra khawm chun.

2 CHANCHIN SUINA 29:10

Tuhin, einia inthawka a lunginsenna ṭiumtak chu lâk hmang a ni theina dingin Israel Pathien Lalpa le chun thuthlung siem ka lungril a nih.

2 CHANCHIN SUINA 30:12

Chun, Juda rama khawm chun Lalpa thua hotuhai le lal thupêk ang chu thaw dingin inthuruolna Pathienin a pêk a.

2 CHANCHIN SUINA 34:21

“Fe unla, kei le, Juda le Israel rama mâksana la umhai ta ding hin lekhabu hmu suoka um thu ang khan Lalpa mi hung râwnpêk ta u; lekhabua ziek po po, ang taka thaw dinga, ei thlatuhai chun Lalpa thu chu an lo pawm ta naw lei khan, Lalpa lunginsenna ei chunga bunthlâka um hi a nasa a nih,” tiin.

2 CHANCHIN SUINA 34:27

hi hmun le a sûnga chênghai chungthua, thuhai chu i hriet phinga i lungril ân nêm a, nangma le nangma chu Pathien hmaa chun în sukhnuoi leiin le, i puonhai i keithlêr a, ka hmaa chun i ṭap leiin kei khawma ka hung hriet ve che a nih.

EZRA 10:11

Chuleiin, tuhin, in thlatuhai Pathien Lalpa kuoma chun thuphachawina siem unla, a dit zâwng chu thaw ro: chuongchun, hmêlmak nuhmeihaia inthawk le hi ram mihaia inthawkin nangni chu insiehre ro,” a ta.

EZRA 10:44

Hienghai po po hin hmêlmak nuhmei chu an lo nei ta a; ṭhenkhat lem chun an nuhmeihaia chun nauhai dâm an lo nei hiel ta a.

EZRA 10:9

Chuongchun, Juda le Benjamin rama mi po pohai chu ni thum sûngin Jerusalema chun an hung inkhâwm ṭeu el ta a; chu chu thla kuona, ni sâwmhni ni tak a nih: chuongchun, mipuihai chu ruopui nasatak lei le, hi thu lei hin inthin pumin Pathien in tuol hmun âwla chun an ṭhung tâwl ta a.

EZRA 9:4

Chun, sal intâng suokhai an bawsietna leia Israel Pathien thua lo inthin hlakhai po kha ka kuoma chun an hung inkhâwm a; chun, kei chu zântieng thilinhlân hun chenin maktiin ka ṭhung ta zing a.

NEHEMIA 10:1

Chuongchun, a mi namdetpuituhai chu Hakalia naupa, ram awptu Nehemia le Zedekia,

NEHEMIA 8:14

Chun, Lalpain Mosie hmanga zâwm dinga thu a pêk dâna chun thla sarina ruoiṭhe laia Israel mipuihai sâwlbûka an um ding thu le,

NEHEMIA 9:38

Chuong po po lei chun thu dettak kan thlung a, kan ziek a, kan mi lienhai, kan Levi mihai le kan thiempuhaiin an namdetpui a.

INPÂKNA HLABU 119:120

Ka tisa hi nangma ṭîin ân thin a, I rorêlnahai chu ka ṭî bawk a.

INPÂKNA HLABU 119:59

Ka um dânhai ka ngaituo a I thuinhriettir tienga chun ka ke ka pên ta a.

ISAI 66:2

Hieng thil iengkim hi ka kutin ka siem a ni si a, chuongchun, hieng thil iengkim hi a hung um tah a nih, Lalpain a tih; amiruokchu, hi mi rimsitaka um, lungrila insîr ngawi ngawi, ka thua inthin hlaktu tieng hi en lem ka tih.

ISAI 8:20

Dân thu le Inhriettirna Thu chu râwn lem ding a nih,” tiin. Chuong ang thu ang peia an hril naw chun an ta dingin khuo hrim hrim var dêr naw nih.

EZEKIEL 9:4

Chun, Lalpa chun a kuoma chun, “Khawpui laia chun, Jerusalem laia chun fe suok la, chu sûnga tirdakumnahai thawa um tahai po po leia khêk a, thuokdawnghai bâwkhaia chun inchikna sie rawh,” a ti a.

DÂN PAHNINA 29:12

Lalpa in Pathien ṭawng inkhâm le a thuthlung Lalpa in Pathienin tuta nangni laia a thlunga hin in lût theina ding le,

JOSUA 9:6

Chun, Josua kuomah Gilgala an riebûka chun an va fe a, a kuoma le Israelhai kuoma chun, “Ram hlataka inthawka hung kan na; chuongchun, kan kuoma hin thu thlung ro khai,” an va ti a.