EZRA 10:18 - Pathien Lekhabu Inthieng (BSI)

¹⁸ Chun, thiempuhai naupasalhai lai ngei khawm chun hmêlmak nuhmei lo neituhai chu hmusuok an hung ni ta a: hming lamin hieng, Jozadak naupa Jesua naupasalhai, an unauhai leh; Maaseia, Eliezer, Jarib le Gedalia hai hi.

EZRA 10:18 ပူးပေါင်းရင်းမြစ်များ

EZRA 10:17

Chun, thla khatna, ni khat ni chun hmêlmak nuhmei nei mihai po po chu an zo ta a.

EZRA 2:2

chuonghai chu Zerubbabel, Jesua, Nehemia, Seraia, Reelaia, Mordekai, Bilsan, Mispar, Bigvai, Rehum le Baana hai ruolin an hung ve a. Israel chi patling zât chu:

EZRA 2:36

Jesua sûngkuo, Jedaia thla thiempuhai chu za kuo sâwmsari pathum.

EZRA 3:2

Chun, Jozadak naupa Jesua le a unau thiempuhai, Sealtiel naupa Zerubbabel le a unauhai le chun an tho a, Pathien mi Mosie dâna ziek angin, chutaka chun pumrawhmang thilinhlânna dingin Israel Pathien maichâm chu an siem ta a.

EZRA 3:8

Chun, Jerusalema Pathien ina an hung chin a kum hninaa, thla hninaa chun, Sealtiel naupa Zerubbabel le, Jozadak naupa Jesua le an unau dang thiempuhai le, Levi mihai le, sala intâng suoka Jerusalema hung po pohai chun an ṭan a; Levi mihai chu kum sâwmhnia upa le a chung tieng pohai chu Lalpa ina sinthawna chu enkawl dingin an ruot ta a.

EZRA 5:2

Chun, Sealtiel naupa Zerubbabel le Jozadak naupa Jesua chu an tho a, Jerusalema um, Pathien in chu an bâwl ṭan ta a; chun, an kuoma chun Pathien zâwlneihai chu anni ṭhangpuiin an um bawk a.

EZRA 9:1

Hieng thilhai hi thaw a ni zo chun, mi ṭhahai chu ka kuomah an hung a, “Israel mipuihai le thiempuhai le Levi mihai hi hieng a rama um Kanaan mihai, Hit mihai, Periz mihai, Jebus mihai, Ammon mihai, Moab mihai, Aigupta mihai le Amor mihaia inthawk hin insiekieng lovin, an tirdakumnahai chu an thaw ve zing el a nih.

EZRA 9:2

An naupasalhai le annihai ta ding ngei khawma an naunuhmeihai an nei si a; chuongchun, chi inthieng chu annia hin hieng rama mihai le hin ân chawkpawl ta a; anih, hi bawsietnaa hin mi ṭhahai le rorêltuhai hi a hmaṭhuoi an ni nghe nghe a nih,” an ta.

NEHEMIA 12:10

Chun, Jesua chun Joiakim chu a nei a, Joiakim chun Eliasib a nei a, Eliasib chun Joiada a nei a,

NEHEMIA 13:28

Chun, thiempu lal Eliasib nau, Joiada naupa pakhat Horon mi Sanballat mâkpa a na, chuleiin, ka kuoma inthawk chun kân tlânhmangtir ta a.

NEHEMIA 8:4

Chun, chuong ang dinga an siem hrim thing dawkân insânga chun lekhaziektu Ezra chu a ngîr a, a sir changtienga chun Mattithia, Sema, Anaia, Uria, Hilkia le Maaseia hai an ngîr a; chun, a vawitienga chun Pedaia, Misael, Malkija, Hasum, Hasbaddana, Zekaria le Mesullam an ngîr a.

NEHEMIA 8:7

Jesua, Bani, Serebia, Jamin, Akkub, Sabbethai, Hodia, Maaseia, Kelita, Azaria, Zojabad, Hanan, Pelaia, Levi mihai chun mipuihai kuomah Dân an hrilfie a: mipuihai chu an ngirhmuna chun an um zing a.

JEREMIA 23:10

Ram chu uirehaiin an sip a, ṭawngsie lei chun ram chun a sûn a; thlalêra hlo petna hmunhai khawm chu a ṭâwl zo a; an lampuihai chu a ṭha naw a, an hrâtna khawm chu ân dik nawh.

JEREMIA 23:11

Thiempu le zâwlnei chu sukpawrche an ni ve ve si a; anih, ka ina chun an khawhlona chu ka hmu a nih, Lalpa chun a tih.

JEREMIA 23:14

Jerusalema zâwlneihaia khawm thil râpthlâktak ka hmu a; anni chun uiretna thil an thaw a, thukhêlah an fe a, thilsuol thawtu kut chu an sukhrât a, chuongchun, tukhawm an khawhlonaa inthawkin an kîr nawh; an rêng el chun ka ta ding chun Sodom ang an na, chutaka a hluotuhai chu Gomorra ang an nih.

EZEKIEL 44:22

Nuhmei ding khawma hmeithai amanih, mâka um amani chu an nei ding a ni naw a; amiruokchu, Israel sûngkuo chia mi nunghâk hnakhathai an lâk ding a nih; annawleh, hmeithai, thiempu nuhmei a thisan.

LEVI DÂN 21:7

Nawchizawr amanih, hming se tah amanih, a pasal imâk hnung amanih an nei ding a ni nawh; thiempu chu a Pathien ta dingin mi inthieng a ni si a.

HAGGAI 1:1

Lal Daria inlal kum hnina, thla ruknaa, chu thla ni khat nia chun, zâwlnei Haggai hmangin Sealtiel naupa Zerubbabel, Juda ram rorêltu le Jehozadak naupa Josua, thiempu laltak kuoma chun Lalpa thu chu a hung tlung a.

HAGGAI 1:12

Chuongchun, Sealtiel naupa Zerubbabel le, Jehozadak naupa, Josua, thiempu lal le, chu chi la um sunhai chun Lalpa an Pathien râwl le, Lalpa an Pathienin ama a tir angin, zâwlnei Haggai thuhai chu an pawm ta a; chuongchun, mipui chun Lalpa chu an ṭi ta a.

HAGGAI 2:4

Anachu, Aw Zerubbabel, tuhin insukhrât rawh,’ Lalpa chun a ti a nih; Lalpa chun, ‘Aw Josua, nang Jehozadak naupa thiempu lal, insukhrât la, a rama mi po pohai, insukhrât unla, sin chu thaw ro,’ a tih, nangni lai ka um si a, mipuihai Lalpa chun a tih:

ZEKARIA 3:1

Chun, thiempu lal Josua Lalpa vântirko hmaa ngîr le, Setan chu a khingpui ni dinga a changtienga ngîr chu a mîn entir a.

ZEKARIA 6:11

anih, tangkaruo le rângkachak lapêk la, lukhum siem la, Jehozadak naupa thiempu lal Josua lua chun bel rawh;

1 TIMOTHE 3:11

Chuong ang bawkin nuhmeihai khawm mi inzâum an ni ding a nih; hêktuhai ni lovin, insûm thei le iengkima ringum an ni ding a nih.