EZRA 10:14 - Pathien Lekhabu Inthieng (BSI)

¹⁴ Kan mi ṭhahai hi mipui aiaw dingin thlang ni hai sienla, hi thil hi sukfel a ni hmakhat, kan chunga Pathien lunginsenna ṭiumtak chu hlîpthlâk a ni hmakhat chun, kan khuohaia hmêlmak nuhmei neituhai chu, khaw tina upahai le rorêltuhai leh hun ruotahai chun hung lem raw hai se,” an ta.

EZRA 10:14 ပူးပေါင်းရင်းမြစ်များ

2 LALHAI 23:26

Chuong sa khawm chun Lalpa chun a lunginsenna nasatak Manassein a lo suklungsenna po po leia Juda chunga a lunginsenna chawk chu a la sukbo chuong naw a.

2 CHANCHIN SUINA 28:11

Chuleiin, tuhin mi lo ngai unla, in unauhai ngei sala in hung ṭhuoihai, salhai chu tirkîr nâwk vawng ro, Lalpa lunginsenna ṭiumtak chu in chungah a um si a,” a ta.

2 CHANCHIN SUINA 29:10

Tuhin, einia inthawka a lunginsenna ṭiumtak chu lâk hmang a ni theina dingin Israel Pathien Lalpa le chun thuthlung siem ka lungril a nih.

2 CHANCHIN SUINA 30:8

In thlatuhai an ni angin mi kâwmâwhai ni naw unla; nangni chu Lalpa kuomah inpe lem ro; kumkhuoa dinga sukthieng tah, a hmun inthienga chun lût unla, nangnia inthawka a lungsenna ṭiumtak chu ân kieng theina dingin Lalpa in Pathien rawng chu bâwl ro.

EZRA 10:13

Amiruokchu, mipui hi tamtak an na, ruo nasatak sûr lai a ni bawk a, tuola hin kan um zing thei naw a, ni khat ni hni sin el khawm a ni bawk naw a, hi thil chunga hin nasatakin kan lo bawsiet ta si a.

EZRA 10:15

Asahel naupa Jonathan le Tikva naupa Jahzeia chau chun hi thu hi an kal a, Mesullam le Sabbethai Levi mihai chun anni chu an thlawp thung a.

INPÂKNA HLABU 78:38

Nisienlakhawm, ama chu lainatnaa a sip leiin an rîtlona chu a ngaidam a, anni chu a sukbohmang nawh; Anih, vawi tamtak a lunginsenna chu a lâk kîr a, A lunginsenna chu a rêngin a chawktho nuom ngai nawh.

ISAI 12:1

Chu nia chun hieng ang hin la hril i tih, “Aw Lalpa, lâwmthu hril ka ti che; ka chungah lo lunginsen ta la khawm, i lunginsen chu a bo ta a, nangin i mi thlamuon ta a ni hi.

NAMBAR 25:4

Chuongchun, Mosie kuomah, “Mipuihai ṭhuoituhai po po chu ṭhuoi la, Lalpa lunginsenna ṭiumtak el chu Israelhai chunga inthawka ân kieng theina dingin sûn varah Lalpa hmaah khaihlum rawh,” a ta.

DÂN PAHNINA 13:17

Râllâk sum chu a ieng ieng khawm in tâwk ding a ni nawh, Lalpa chun a lungsenna nasatak chu inlêt a ta, zângaina inhmutir a ti cheu a, lunginsiet a ti cheu a, a sukpung ding cheu a nih; in pi le puhai kuoma ṭawng a lo inkhâm ta ang khan;

DÂN PAHNINA 17:9

chu huna thiempu Levi mi le rorêltuhai kuoma chun fêng in ta, anni râwn in ta; chun, anni chun thu sukthlûk dân ding an lo khîkhmu ding cheu a nih.

JOSUA 7:26

A chunga chun lung an intieng vûm thûr a, tu chen hin a la um a; chun, Lalpa lunginsenna nasatak chu a re ta a; chuongchun, chu hmun hminga chun tu chen hin Akor ruom an la ti zing a.