EZRA 1:6 - Pathien Lekhabu Inthieng (BSI)

⁶ Chun, an vêla mi po pohai chun, inhâwktaka an inhlân po po bâka chun, tangka dâm, rângkachak dâm, thuomhnawhai dâm, ranhai dâm le thil hlutakhaiin an kuthai chu an sukhrât a.

EZRA 1:6 ပူးပေါင်းရင်းမြစ်များ

1 CHANCHIN SUINA 29:9

Chun, mipuihai chu phaltaka an inhlân lei chun an hlim a, lungril tluongtaka Lalpa kuoma an inhlân lei chun; chun, lal David ngei khawm chu namênin a lâwm naw a.

EZRA 1:4

Chun, mi tukhawm ân pêmna hmun khâwlaia khawm mâksan a um chun, ama hmuna mihai chu tangkaruo le, rângkachak le, thuomhnawhai le, ranhaiin nuomthua pêk bâkah ṭhangpui raw se,’ ” tiin.

EZRA 8:33

A ni li ni chun a nih, chuong rângkachak le tangkaruo le bûr le bêlhai chu kan Pathien ina chun thiempu Uria naupa Meremoth kuta bûkin kan inhlân chu; ama le chun Phinehas naupa Eleazar chu a um nghe nghe a; chun, anni le chun, Levi mihai, Binnui naupa Noadia le Jesua naupa Jozabad chu an um bawk a;

NEHEMIA 6:9

“An sinthaw chu an puitling thei nawna dingin an kuthai chu suksietin um a tih,” tiha mi hrilṭi nuom ruok an nih. Chuongchun, aw Pathien, ka kuthai hi mi hung sukhrâtpêk raw aw.

INPÂKNA HLABU 106:46

Sala ṭhuoituhai po po chu, Anni a lunginsiettir a.

INPÂKNA HLABU 110:3

I mihai chu i thilthawtheina nia chun mâni nuomthuin an inpêk hlak a, Inthieng mawinaah, zîngkâr phîng sûnga inthawkin, I tleirâwl daidaw chu i nei a.

FESUOKNA 12:35

Israel mihai chun Mosie thu ang pei chun an thaw a; Aigupta mihai chu silfên le, rângkachak le tangkaraw incheinahai an hni tâwl a;

FESUOKNA 12:36

chuongchun, Lalpain Israel mihai chu Aigupta mihai mithmua chun ditsakna ân hmutir a, an hni taphawt chu an pêk pei el a. Chuong ang chun Aigupta mihai chu an suksiet ta a.

ISAI 35:3

Kut hrâtnawhai chu sukhrât unla, khûp zawihai chu sukdet ro;

2 KORINTH 9:7

Mi tinin inro puma pe lovin, pêk naw thei naw anga ngaia pe bawk lovin, an lungrila an tum ang peiin pe seng raw se; Pathien chun hlimtaka petu chu a nih a hmangai chu.