EZRA 1:3 - Pathien Lekhabu Inthieng (BSI)

³ A mi po pohai, nangni laia mi tukhawm kuomah a Pathien chu um raw se! Juda rama Jerusalema chun hang fe sienla, Lalpa Israelhai Pathien (ama chu Jerusalema um Pathien chu a nih) in chu hang bâwl raw se.

EZRA 1:3 ပူးပေါင်းရင်းမြစ်များ

1 LALHAI 18:39

Chun, mipuihai po poin chu chu an hei hmu chun an bawkkhup a, “Lalpa hi a lo nih, Pathien chu, Lalpa hi a lo nih, Pathien chu,” an ta.

1 LALHAI 8:23

“Aw Lalpa, Israelhai Pathien, i siehlaw an lungril po poa um ṭhahai kuoma thuthlung hlena lunginsietna suklang hlaktu, i siehlaw ka pa David kuoma thutiem hlentu, chungtieng vâna le hnuoitieng hnuoia hin nangma ang hi Pathien dang hrim hrim an um dêr nawh;

1 CHANCHIN SUINA 28:20

Chun, David chun a naupa Solomon kuoma chun, “Insukhrât la, insukhuoi la, thaw el rawh; ṭi naw la, beidawng bawk naw rawh; Lalpa Pathien, ka Pathien ngei chu i kuomah a um si a; Lalpa ina rawngbâwlna sin po pohai chu zo a ni vawng hmakhat chun inhlawsamtir naw ni che a, nghatsan bawk naw ni che.

EZRA 1:4

Chun, mi tukhawm ân pêmna hmun khâwlaia khawm mâksan a um chun, ama hmuna mihai chu tangkaruo le, rângkachak le, thuomhnawhai le, ranhaiin nuomthua pêk bâkah ṭhangpui raw se,’ ” tiin.

EZRA 4:3

Nisienlakhawm, Zerubbabel le Jesua le Israel pahnam upa danghai chun an kuomah, “Kan Pathien ta dinga in bâwl dingin keini le hin iengkhawm thaw ding in nei nawh; Persia lal Kurain keini thu a mi pêk angin, Israelhai Pathien, Lalpa ta dinga in chu keini khât ngeiin bâwl lem kan tih,” an ti a.

EZRA 5:13

Nisienlakhawm, Babulon lal Kura inlal kum khatnaa chun, lal Kura chun hi Pathien in hi bâwlna dingin thupêk chu a siem ta a nih.

EZRA 5:3

Chu hun lai chun vadung râl tieng rorêltu Tattenai le Setharbozenai le an ruolhai chu an kuomah an hung a, an kuomah, “Hi in bâwl ding le, kul hi siemzo dingin tuin am thu a pêk cheu a?” an ta.

EZRA 6:7

Juda rorêltu le Juda upahai chun hi Pathien in hi a hmun ngeia chun bâwl el raw hai se.

INPÂKNA HLABU 132:13

Lalpa chun Zion chu a thlang si a; A umna dingin a dit a nih.

INPÂKNA HLABU 83:18

Nangma chau hi JEHOVAH hming put, Hnuoi chung po poa Achunghnungtak i nih ti an hriet theina dingin.

ISAI 37:16

“Aw sipaihai Lalpa, Israel Pathien, cherubhai chunga ṭhung, nang hi, nang chau hi, hnuoi chunga um po pohai Pathien chu i nih, nang chun hnuoi le vân hi i siem a nih.

ISAI 44:28

Kura chungchâng thua, ‘Ama chu ka berâm vêngtu a nih, Jerusalem chungchâng thua, siemin um nâwk a tih, ti le, Pathien biekin kuoma, I lungphûm chu remin um nâwk a tih, ti hiel khawpin ka dit zâwng po po chu thâwng a tih,’ titu ka nih,” tiin.

ISAI 45:5

Kei hi Lalpa chu ka na, a dang hrim an um nawh, keima naw chu Pathien hrim hrim an um nawh, mi hre ngai naw la khawm i kâwng khitpêk ka ti che:

JEREMIA 10:10

Amiruokchu, Lalpa chau Pathien diktak chu a na, Pathien hring chu a na, chatuon lal a nih; a lunginsenna chun hnuoi chu ân thin a, a lungawi nawna chu hnamhai chun an tuor thei nawh.

DANIEL 2:47

Chun, lal chun Daniel chu a dawn a, “Indiktakin, i Pathien chu pathienhai Pathien, lalhai Lalpa, hi thurûk hi i puong theizie hmu hrim hin, thurûkhai puongtu chu a ni ngei hi,” a ta.

DANIEL 6:26

Thupêk chu ka siem a; ka ram leilunga mi po pohai chun Daniel Pathien chu ṭiin a hmaa chun inthin raw hai se. Ama chu Pathien hring, chatuona pângngai zing a ni si a, A ram khawm chu suksiet ni ngai naw ni a, A rorêlna chu chatuonin um zing lem a tih.

MATTHAI 28:20

thu ka ipêk po po cheu pawm dingin inchûktir ro. Chun, ngai ta u, kei kumkhuoin khawvêl tâwp chen khawmin in kuomah um pei ka tih,” a ta.

THILTHAWHAI 10:36

Ama chun thlamuongna Chanchin Ṭha Isu Krista baua hrilin Israel mipuihai kuomah thu ân phur a, (Isu chu mi po po Lal a nih).

DÂN PAHNINA 32:31

An lungpui chu ei Lungpui ang a ni naw a, Ei hmêlmahai ngei ngaidân khawma.

JOSUA 1:9

Hrâttak le huoitakin um rawh; ṭi naw la, zâm bawk naw rawh, Lalpa i Pathien chu i fena taphawtah i kuomah a um pei ding annâwm,”tiin, a hril a.