EZEKIEL 7:9 - Pathien Lekhabu Inthieng (BSI)

⁹ Ka mit chun hla naw ni, lunginsietna nei bawk naw ning; i um dânhai ang peiin i chungah hung intlungtir ka ta; i tirdakumnahai chu nangmaah a um si a; chun, kei Lalpa hin ka hrem che a nih ti hre tâng i tih.

EZEKIEL 7:9 ပူးပေါင်းရင်းမြစ်များ

THUPUONGSUO 20:13

Tuisuoriet chun a sûnga mithi umhai chu ân suoktir a, Thina le Mithi Khuo chun an sûnga mithi umhai chu an insuoktir bawk a; chun, mi tin an thilthaw ang peia rêlpêkin an um ta a.

GALATI 6:7

Hlêmin um naw ro; Pathien chu hmusit zie a ni nawh; miin a ithe ang ang, chu bawk chu a sîk ding a ni si a.

MIKA 6:9

Lalpa chun khawpui chu a khêkkhum a nih, varna nei mi chun i hming chu ṭîng a tih; “Hembâwk le a buotsaitu chu hre ro.

ISAI 9:13

Nisienlakhawm, mihai chun anni vawtu tieng chu an ngha chuong si naw a, sipaihai Lalpa chu an zawng chuong bawk nawh.

JEREMIA 21:7

Chu hnunga chun, Lalpa chun a tih: Juda lal Zedekia le, a siehlawhai le, mipuihai, hi khawpuia hripuia inthawka hlaa la umhai, kâwlhnâm le ṭâma inthawka la hlaa umhai chu Babulon lal Nebukadnezzar kuta dâm, an hmêlmahai kuta dâm, an hringna lâk tumtuhai kuta dâm chun pêng ka tih; chun, ama chun kâwlhnâm ngeiin that a ta; anni chu hla naw ni a, lunginsiet bawk naw ni a, zângaina nei bawk naw ni.

ṬAP HLA 2:17

Lalpa chun thaw a itum chu a thaw ta a; Tienlai nihaia thu a pêk thuhai chu a hung sukpuitling ta a; A pei thlâk ta a, a lunginsiet naw a; Hmêlmahai chu lâwmin a siem ta a; I hmêlmahai ki chu a chawimawi ta a ni hi.

EZEKIEL 7:8

Tuhin sâwt nawteah ka lunginsenna chu i chungah hung bunthlâng ka ta, i chunga ka lunginsenna chu sukpuitling ka tih; i um dânhai ang peiin i chungah ro rêl ka ta, i tirdakumnahai po po leiin hrem ka ti che.

EZEKIEL 7:10

Ngai ta, ni chu, ngai ta, a hung tlung; i chungrikna chu a fe suok ta a, hmawl chu ân dâwn a, chapona chu a kumûm tah.

EZEKIEL 23:49

Chun, in hurna chu in chungah thung an ti cheu a, in milimhai suolna chu phur in ta, chun, Lalpa Pathien chu ka nih ti mi hre tâng in tih,” tiin.

JEREMIA 13:14

Anni chu inbawtuotir ka ta, pahai le an naupasalhai ngei chu inbawtuong an tih, Lalpa chun a tih; lunginsiet naw ning a, hla naw ning a, hmangaina khawm nei naw ning a, anni chu ka sukbohmang nawna dingin, iengkhawmin mi dâl naw ni.

JEREMIA 36:31

Chun, ama le a thla le siehlawhai chu an suolna leiin hrem ka ta, chun, an chunga le, Jerusalem hluotuhai chunga le, Juda rama mihai chunga chun, an chunga tlung dinga ka hril, thil ṭha nawhai po po kha intlungtir ka tih; nisienlakhawm, an la ngai naw rawp a,” tiin.

EZEKIEL 5:11

Chuleiin, ka hring zing angin, i tirdakumna po po le i thilpawrchehai po po chun ka hmun inthieng chu i lo sukpawrche tâk leiin hung sukriral ngei ngei ka ti che a, ka mit khawma hla naw ni che a, kei khawma lunginsietna nei bawk naw ning che.

EZEKIEL 22:22

Tangkaruo chu pûmmeia ân tui angin chuong ang chun chutaka chun intui in tih, chuongchun, kei Lalpa hin in chungah ka lunginsenna chu ka hung bunthlâk a nih ti hre tâng in tih,” tiin.