EZEKIEL 7:3 - Pathien Lekhabu Inthieng (BSI)

³ Tuhin tâwpna chu i kuoma chun a um a, i chunga chun ka lunginsenna chu ka hung tir ding a nih; i umdânhai ang peiin i chungthu rêl ka ta, i tirdakumnahai leiin hrem ka ti che.

EZEKIEL 7:3 ပူးပေါင်းရင်းမြစ်များ

INṬANNA 6:13

Chun, Pathienin Noa kuoma chun, “Tisa po po suktâwpna ding thu ka sukthlûk tah: anni leiin hnuoi hi inpâwngnêknain a sip zo ta si a: chuongchun, ngai ta, a hnuoi pumin ka sukbohmang ding a nih.

ISAI 47:7

Chun, “Kei hi kumkhuoin lalnuah um ka tih,” i ti a; chuongchun, chuong thilhai chu i lungrilin i ngaituo naw a, a tâwpna ding hlak chu i hriet zing bawk naw a.

JEREMIA 13:14

Anni chu inbawtuotir ka ta, pahai le an naupasalhai ngei chu inbawtuong an tih, Lalpa chun a tih; lunginsiet naw ning a, hla naw ning a, hmangaina khawm nei naw ning a, anni chu ka sukbohmang nawna dingin, iengkhawmin mi dâl naw ni.

EZEKIEL 11:21

Nisienlakhawm, an lungrilhaia an tirdakumna le an pawrchenahai zâwmtuhai chu, an lu chunghaia ngei chun an suol maw chu innghat ka tih, Lalpa Pathien chun a tih,” tiin.

EZEKIEL 16:38

Chun, nuhmei inneina dân bawse le, mâni nau thisen insuo chunga rorêl angin i chungah rorêl ka tih; i chunga chun îtthîkna le lunginsenna thisen chu hung intlungtir ka tih.

EZEKIEL 16:43

I tleirâwl lai nihai kha i hriet zing ta naw a, amiruokchu, hieng thilhaia hin i mi suklungsen a; chuleiin, ngai ta, kei khawma i nun suol maw chu i lu chungah hung intlungtir ka tih, Lalpa Pathien chun a tih; chun, pawrchenahai po po belsain hi khawhlona hi thaw ta naw ti nih.

EZEKIEL 16:59

“Lalpa Pathien chun hieng hin a tih: thuthlung bawsea, inkhâmna hmusita nangin i lo thaw ta ang khan nanga chunga khawm thâwng ka tih.

EZEKIEL 18:30

Chuleiin, Israel sûngkuo, mi tin chu a thilthawhai ang peiin rêlpêk ka tih, Lalpa Pathien chun a tih. Hung kîr unla, in bawsietnahai po poa inthawkin hung kîr ro; chuongchun, suolna chu in tlûkna lung hung ni naw nih.

EZEKIEL 21:25

Chun, nang aw thi khawp raua hliem mi rilo, Israel lal, ama ni chu a hung tlung mêk a, a tâwpnaa hremna huna hin;

EZEKIEL 22:31

Chuleiin, ka lunginsenna chu an chunga chun ka bunthlâk a, ka lunginsenna mei chun anni chu ka kâng hmang ta a; an lampuihai chu anni lu chunga ngei chun ka hung intlungtir ta a, Lalpa Pathien chun a tih,” tiin.

EZEKIEL 24:14

Kei Lalpa chun ka hril ta a, hung tlung ngei a ta, thaw khawm thâwng ka tih, kîr nâwk naw ning a, hla naw nîng a, insîr bawk naw ning; i um dânhai ang pei le i thilthawhai ang peiin ro rêlpêk an ti che, Lalpa Pathien chun a tih,” tiin.

EZEKIEL 33:20

Amiruokchu, ‘Lalpa lampui chu ân ang vawng nawh,’ in la ti rawp chun, Aw Israel sûngkuo, mi tin chu ama lampuihai ang sengin, a chungah rorêl ka tih,” tiin.

EZEKIEL 36:19

hnamhai laia chun ka sukdar ta a, rambunghaia chun an lo indar ta a; an um dân ang pei le, an thil thawhai ang peiin an chunga chun ro ka rêl a.

EZEKIEL 5:12

Nanga hmun thuma ṭhea hmun khat chu hripuiin thîng an ta, i sûnga chun ṭâmnaa fâkzoin um an tih; chun, hmun thuma ṭhea hmun khat chu i vêla chun kâwlhnâmah tlûng an ta; chun, a hmun thuma ṭhea hmun khat dang chu the dar ka ta, an hnunga chun kâwlhnâm keidawk ka tih.

EZEKIEL 5:13

“Chuongchun, ka lunginsenna chu sukpuitling ni tâng a ta, ka lung inthakna chu an chunga chun suktlai tâng ka ta, inhawi ti tâng ka tih; chun, an chunga ka lung inthakna ka sukpuitling pha chun kei Lalpa hin ṭhahnemngaia ka lo hril a ni ti hre tâng an tih.

EZEKIEL 7:2

“Nang mihriem naupa, Israel ram kuoma chun Lalpa Pathien chun hieng ang hin a tih; Tâwpna, tâwpna chu ram kil lia inthawkin a hung tlung tah.

EZEKIEL 7:27

Lal chu lusûnin um a ta, hotu khawm chu beidawngnain inthuom a tih; chun, rama mipuihai kuthai chu sukbuoi nîng a ta; an um dânhai ang peiin an chungah thâwng ka tih; chun, an ngaithana ang peiin rorêlpêk ka ta; chun, Lalpa ka ni ti mi hre tâng an tih,” tiin.

EZEKIEL 7:4

Ka mit chun hla naw ni che a, lunginsietna khawm nei naw ning che; nisienlakhawm, i um dânhai leiin hrem ka ti che, i tirdakumna chu nangmaah a um si a; chun, Lalpa chu ka nih ti mi hre tâng i tih.

EZEKIEL 9:10

Chuongchun, keia ta ding khawma, ka mitin hla naw ni a, lunginsietna nei bawk naw ning, amiruokchu, an suol man chu an lu chungah innghat lem ka tih,” a ta.

HOSEA 12:3

Sula khawm khan a unaupa chu a kekhawngah a hung man a, A hung puitling khan Pathien chu ân beipui a,

AMOS 8:2

Chun, ama chun, “Amos, ieng am i hmu a?” a ta. Keiin, “Nisapuithei bâwm,” ka ti a. Chun, Lalpa chun ka kuomah, “Ka mi Israelhai chungah tâwpna a hung tlung tah; anni chu khêl nâwk ta naw ning,” a ta.