EZEKIEL 7:2 - Pathien Lekhabu Inthieng (BSI)

² “Nang mihriem naupa, Israel ram kuoma chun Lalpa Pathien chun hieng ang hin a tih; Tâwpna, tâwpna chu ram kil lia inthawkin a hung tlung tah.

EZEKIEL 7:2 ပူးပေါင်းရင်းမြစ်များ

INṬANNA 6:13

Chun, Pathienin Noa kuoma chun, “Tisa po po suktâwpna ding thu ka sukthlûk tah: anni leiin hnuoi hi inpâwngnêknain a sip zo ta si a: chuongchun, ngai ta, a hnuoi pumin ka sukbohmang ding a nih.

2 CHANCHIN SUINA 34:7

Chun, maichâmhai chu a sukchim a, Asera chu, milim a kera kerhai le chun a vuok nâwi vawng a, Israel ram po poa inthawk chun nisa milimhai po po chu a phûr thlûk vawng a, Jerusalema chun a kîr nâwk ta a.

ISAI 47:7

Chun, “Kei hi kumkhuoin lalnuah um ka tih,” i ti a; chuongchun, chuong thilhai chu i lungrilin i ngaituo naw a, a tâwpna ding hlak chu i hriet zing bawk naw a.

JEREMIA 12:4

Ieng chen am ram chun sûnin, ram pumpui hlohnahai chu a vuoi ding a na? chutaka an rîtlona um zing lei chun, ramsahai le vatehai khawm chu an bohmang a, “Ei ni hnungtieng tâwpna chu hmu naw ni,” an ti leiin.

JEREMIA 5:31

zâwlneihai chun indik lotakin an lo hrillâwk a, thiempuhai hlak chun anni thu ang angin ro an lo rêl ta a, ka mihai hlak chun, chuong chu nei an lo châk bawk si a: a tâwpa chun ieng am thâw tâng i ta?

JEREMIA 51:13

Aw nang tui tamtakhai chunga chêng, hausaknaa bit, i tâwpna a hung tlung mêk a, i hringna hrui ân tan tah.

ṬAP HLA 1:9

A tirdakumna chu a puonah a kai a, a tâwpna ding hrim a ngaituo nawh, Chuleiin, maktakelin a tlâwm a, thlamuongtu hrim a hmu nawh; En ta, aw Lalpa, ka rimsikzie hi, ka hmêlma chu ama le ama ân chawimawi si a!

ṬAP HLA 4:18

Ei kehnunghai an sui a, chuongchun, ei kawtthlêrhaia khawm ei fe thei naw a; Ei tâwpna chu a hnai a, ei nihai chu suk tlung a na, ei tâwpna chu a hung tlung ta leiin.

EZEKIEL 11:13

Chun, thu ka hril lai chun Benaia naupa Pelatia chu a thi ta a. Chun, ka hmaia hnuoi sikin ka bawkkhup a, râwl inringtakin ka khêk a, “A khai, Lalpa Pathien! Israel la um sunhai hi i suktâwp el ding am a nih?” tiin.

EZEKIEL 12:22

“Mihriem naupa, hi thuvar Israel rama in inei, ‘Nihai chu sukseiin a um a, thilhmulâwkhai tin chu a puitling ta nawh,’ ti hi ieng tina am a na?

EZEKIEL 21:2

“Mihriem naupa, i hmai chu Jerusalem tieng innghat la, i thu chu hmun inthieng tieng inthla la, Israel ram chunga chun thu hril rawh;

EZEKIEL 21:25

Chun, nang aw thi khawp raua hliem mi rilo, Israel lal, ama ni chu a hung tlung mêk a, a tâwpnaa hremna huna hin;

EZEKIEL 21:4

Nangmaa inthawka mi fel le mi rilohai chu ka sât thlâk ding a nih ti hmuin, simtienga inthawka hmârtieng chenin, ka kâwlhnâm chu tisa po po chu doin a bâwma inthawk chun phawi suok nîng a ta;

EZEKIEL 21:7

Chun, i kuomah, ‘Ieng am i thuokindawng pui leh?’ an ti pha chun, ‘Chanchinhai leiin, a hung tlung mêk si a,’ tîng i ta; chun, lungril tin chu intui a ta, kut po pohai chu hung châu an ta, thlarau tin chu hung châuhâwp an ta, khûphai po po khawm chu tui angin hung zawi an tih; ngai ta, a hung mêk a, thaw khawm a ni ngei ding a nih, Lalpa Pathien chun a tih, tîng i tih,” a ta.

EZEKIEL 35:5

Hun tâwpa hremna huna, an vângsiet lai hunah Israel thlahai chu kâwlhnâm thilthawtheina kuoma i lo pêk a, anni chu hmêlmâkna rê lo i nei leiin;

EZEKIEL 40:2

Pathien thil hmulâwknaa chun Israel ramah a mi ṭhuoi a, tlâng insângtak, a simtienga chun khawpui riruong chu a um a, chutaka chun a mîn ṭhum ta a.

EZEKIEL 7:1

Chu nawa khawm, Lalpa thu chu ka kuomah a hung tlung a,

EZEKIEL 7:3

Tuhin tâwpna chu i kuoma chun a um a, i chunga chun ka lunginsenna chu ka hung tir ding a nih; i umdânhai ang peiin i chungthu rêl ka ta, i tirdakumnahai leiin hrem ka ti che.

JOEL 1:15

Chu ni chu a chung a rik ie! Lalpa ni chu a hnai ta si a, Iengkimthawtheia inthawka bohmangna ang hung tlung a tih.

AMOS 8:10

In ruoiṭhehai chu lungngainaa le in hlahai po po chu ṭapnaah inchangtir ka tih; kâwng po po chu saiip puon indierkeitir ka ta, lu tin sîpa chun kâwkna hung intlungtir ka tih; chun, naupa khât nei sun ta dinga lungngaina ang le, a tâwpna chu khâkna ni angin siem ka tih.

AMOS 8:2

Chun, ama chun, “Amos, ieng am i hmu a?” a ta. Keiin, “Nisapuithei bâwm,” ka ti a. Chun, Lalpa chun ka kuomah, “Ka mi Israelhai chungah tâwpna a hung tlung tah; anni chu khêl nâwk ta naw ning,” a ta.

MATTHAI 24:6

Chun, indo thu le indo thuthang la hrieng in ta; in lunginzîng nawna dingin fîmkhur ro; chuong chu a hung tlung ding hrim a nih; nisienlakhawm, tâwpna chu la ni hri naw nih.

DÂN PAHNINA 32:20

‘Inbîk hmangsan ka ta, Iengtin am an um hrim hrim,’ a ta. Suon rilo an nih, Ringum lo nauhai.

1 PETER 4:7

Nisienlakhawm, thil po po tâwpna chu a hnai ta a, chuleiin, in ṭawngṭai theina dingin lungril feltak putin fimkhur ro.

THUPUONGSUO 20:8

hnuoi kil lia hnamhai, Gog le Magog chu, hlêma, indonaa ṭhuoi khâwm dingin fe suok a tih; chuonghai tamzie chu tuipuia phaiphin ang el an nih.

THUPUONGSUO 7:1

Chu hnunga chun khawmuola le tuipuia le, thing hrim hrima chun thli hrim a hrâng nawna dingin, hnuoi thli pali chu chelin hnuoi kil lia ngîr vântirko pali ka hmu a.