EZEKIEL 3:3 - Pathien Lekhabu Inthieng (BSI)

³ Chun, ka kuoma chun, “Mihriem naupa, hi lekhabu zuol ka pêk che hi fa la, i phîng kha sukkhawp rawh,” a ta. Chuongchun, ka fâk ta a; ka baua chun ân hnik dân chu khuoizu ang el a nih.

EZEKIEL 3:3 ပူးပေါင်းရင်းမြစ်များ

JOB LEKHABU (THE BOOK OF JOB) 23:12

A hmûrhaia inthawka thupêkhaia inthawk chun ka fe pêt ngai naw a, Ka fâk ding pawimaw nêka nasa lemin a baua thuhai chu ka sie khâwl lem a.

INPÂKNA HLABU 119:103

I thuhai hi ka bau ta dingin a va thlum de; Anih, ka bau ta ding chun khuoizu nêkin a thlum lem.

INPÂKNA HLABU 119:11

I chunga thil ka suksuol nawna dingin, I thu chu ka lungrilah kân khâwl khâwm a.

INPÂKNA HLABU 119:97

Aw, i dân hi ka va ngaina de aw! Sûnnithlâka ka ngaituo hlak chu a nih.

INPÂKNA HLABU 19:10

Chuong chu rângkachak nêka ditum a na; anih, rângkachak inthieng tamtak nêk khawmin. Khuoizu le khuoithlâr nêk khawmin a thlum lem bawk a nih.

INPÂKNA HLABU 19:11

Chu nawa khawm chuong thuhai chun i siehlaw hi vaulâwkin ka um hlak a. Chuong zâwm chu lâwmman nasatak neina a ni hlak.

JEREMIA 15:16

I thuhai chu hmu suok a ni ta a; chuong chu ka fâk a; chuongchun, i thuhai chu ka lungrila hlimna le, ka ta dinga lâwmna a nih; Aw Lalpa sipaihai Pathien, i hming chawia ko ka ni si a.

JEREMIA 20:9

Chun, ama chanchin hi hril nâwng ka ta, a hmingin thu hril naw ningah, ti ding ni lang, ka ruhai sûnga mei khâr nela chawk ang elin ka lungrila hin a um a, ka topui ṭawk ṭawk thei naw a, ka umpui thei naw a.

JEREMIA 6:11

Chuleiin, Lalpa lunginsenna chun ka sip a; insûm zing chu ka nghawk a nih; kawtthlêra chun naupanghai laia chun bunthla la, tlangvâl inkhâwmhai laia le chun; pasal chu a nuhmei le chun lâk nîng an ta, mi upatak le tartak khawm.

EZEKIEL 2:10

ka hmaa chun a hung phar a, a sûngtieng le a puotienga ziek a na; chutaka chun sûnna le, ṭâna le chungrikna ziek a nih.

EZEKIEL 2:8

Nisienlakhawm, nang mihriem naupa, i kuoma ka hril chu ngai ta; chu sûngkuo hel hmang ang chun hel hmang ni ve naw la; i bau chu ka la, ka pêk che chu fa rawh,” a ta.

EZEKIEL 3:4

Chun, ama chun ka kuomah a hril a, “Mihriem naupa, fe la, Israel sûngkuohai kuomah va fe ta, an kuoma chun ka thu hi va hril rawh.

JOHAN 7:38

Tûkhawm a mi ring chu Pathien Lekha hril angin, tui hring vadunghai a phînga inthawkin hung luong suok a tih,” a ta.

KOLOSSA 3:16

Krista thu chu varna tinrêngin nangnia chun um ṭeu raw se; inpâkna hla dâm, Pathien hla dâm, thlarau tieng hla dâma inchûktirin inkâwk tuo unla, lungrila lâwmna neiin Pathien chu hla sakpêk ro.