EZEKIEL 2:3 - Pathien Lekhabu Inthieng (BSI)

³ Ka kuoma chun, “Mihriem naupa, Israel thlahai, hnam helhai, keima chunga helhai kuoma chun tir ka ti che; vawisûn ni chen hin, anni le an thlatuhai khawmin ka chungah an bawsiet a nih.

EZEKIEL 2:3 ပူးပေါင်းရင်းမြစ်များ

2 LALHAI 17:14

Chuong sa khawm chun an pawm nuom naw a, an pi le pu, Lalpa an Pathien ring nuom nawhaiin an lûlul an insuo angin an lûlul an insuo ve a.

2 LALHAI 17:15

Chun, a thuruothai, an pi le puhai kuoma a thuthlunghai, an kuoma thu inhriettirhai chu an pawisa nuom naw a; thil teplo mei mei an pawm a, teplo mei mei an hung ni ta a; an chungchâng thua Lalpain, “Anni ang chun thaw naw ro,” a lo ti tah, an kâwl vêla hnamhai thaw dân chu an lâk ve a.

EZRA 9:7

Kan thlatuhai hun laia inthawk tah vawisûn ni chen hin suol namên lovin kan suol ta a; kan khawhlonahai lei hin kan lalhai le kan thiempuhai chu hieng ram lalhai kuthaia hin pêk suokin an um ta a; vawisûn ni ang chen khawm hin hmêla hamhaina le, suksietnaa le sal intângnaa le kâwlhnâm kuoma pêkin an um hi.

NEHEMIA 9:26

Nisienlakhawm, an hung kâwmaw a, i chungah an hel a, i Dân chu an hnungsawn dai a, nangma tieng innghattir nâwk tumtu i zâwlneihai chu an that a, lungsenumtak tak thilhai an thaw a.

INPÂKNA HLABU 106:28

Baal-peor tieng chun an kawp a, Mithi kuoma thilinhlânhai chu an fâk ve ta a.

ISAI 30:1

Lalpa chun, “Nau helhmanghai chu an chung a rik ie! chuonghai chun mi an râwn a, kei ruok chu an mi râwn si naw a, an suol chunga suol an belsana dingin inkhumnain an inkhum a, ka thlarau thu ruok chun an inkhum si naw a;

JEREMIA 1:7

Nisienlakhawm, Lalpa chun ka kuomah hieng hin a hril a: “Naupang el ka nih, ti naw rawh, Tu kuoma khawm ka tirna phawt che kuoma chun i fe ding a ni si a; Thu ka pêk ang pei che chun thu hril bawk i tih.

JEREMIA 3:25

inzakin zâl ei tiu khai, ei muolphona chun mîn khum raw se; Lalpa ei Pathien chunga chun thil ei lo suksuol ta si a; ei tleirâwl laia inthawk tah vawisûn chen hin eini ni leh, ei thlatuhai ni leh; chuongchun, Lalpa ei Pathien râwl chu ei lo awi ta naw a nih.

JEREMIA 36:2

“Lekhabu zuol la la, chutaka chun Israel ram chungthu le, Juda ram chungthu le, hnam po pohai chungthu, Josia hun laia inthawka i kuoma thu ka hril nia inthawka vawisûn ni chena mi hi, thu ka hrilhai po po chu ziek rawh.

JEREMIA 44:20

Chun, Jeremia chun, mipui po po, pasalhai, nuhmeihai, mi po po chu dawnnaa ama dawntuhai kuoma chun a hril a,

JEREMIA 44:21

“Jerusalem kawtthlêrahai le, Juda rama nangni le, in thlatuhai le, in lalhai le, in rorêltuhai le, chu rama mihaiin riminhnik in raw hlak kha Lalpa chun a hriet zing nawin, a lungril khawm a hung tlung naw am a nih?

JEREMIA 7:2

“Lalpa in dai kawtkhâra chun ngîr la, chutaka chun hi thu hi puongdar la, hieng hin hril rawh: Lalpa be dinga hi dai kawtkhârhaia lût, nangni Juda mihai po po, Lalpa thu hi lo hre ta u.

EZEKIEL 17:12

“Sûngkaw hel hmanghai kuoma chun thu hril la, ‘Hieng thilhai hi ieng tina am a na ti in hriet naw maw?’ tiin, hril rawh, ngai ta, Babulon lal chu Jerusalema chun a hung a, chutaka lal le, chutaka lal nauhai chu a ṭhuoi a, ama kuomah Babulona chun a fepui ta a;

EZEKIEL 24:3

Chun, sûngkaw hel hmanghai kuoma chun tekhithu hril la, an kuoma chun, ‘Lalpa Pathien chun hieng ang hin a tih: Sumbepui inchuon unla, inchuon unla, A sûnga chun tui buok unla;

EZEKIEL 40:4

Chu mi chun ka kuomah, “Mihriem naupa, i mithai khan en la, i nahai khan lo ngai bawk la, ka în hmutir dinghai che po po chunga chun i lungril sie rawh; i kuoma kân hmutir theina ding chea hi tienga hung ṭhuoi i ni hrim a; chuongchun, i hmuhai po po chu Israel sûngkuo kuoma chun puong rawh,” a ti a.

AMOS 7:15

Lalpa chun berâm ruol vêngnaa inthawk chun a mi lâk a, Lalpa chun ka kuomah, ‘Fe la, ka mi Israelhai kuomah thu hril rawh,’ a mi ti a.

MALAKI 3:7

“In thlatuhai hunhaia inthawkin ka thupêkhaia inthawk chun in inher hmang a, in lo pawm ta naw a. Ka kuomah hung kîr unla, kei khawm in kuomah hung kîr ka tih, sipaihai Lalpa chun a tih. Nangni hlak chun, ‘khâwtieng am hung kîr kan ta?’ in ti lem a.

NAMBAR 20:10

Mosie le Aron chun pungkhâwmhai chu lungpui bula chun an inumkhâwmtir a, an kuomah, “Mi hel hmanghai, ngai ta u, hi lungpuia inthawk hin tui kan lâk suokpêk ding cheu am a nih?” an ta.

THILTHAWHAI 7:51

“Mi kâwmawhai, lungril le naa sertanlohai, in thlatuhaiin an thaw hlak ang khan, Thlarau Inthieng chu in dodâl kumkhuo a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:15

Tir an ni naw chun iengtin am thu hril an ta? “Thil ṭha chanchin lâwmum intluntuhai ke chu a va mawi de!” tia ziek ang khan.

DÂN PAHNINA 9:24

Ka hriet tîr cheua inthawk tah Lalpa chunga hel hmang mi in ni hrim a.

DÂN PAHNINA 9:27

I siehlaw Abraham hai, Isak hai, Jakob hai chu hre zing la, hieng mihai hi an kâwmaw zie dâm, an rîtlozie dâm, an suolziehai dâm ngaimaw naw rawh;