EZEKIEL 2:2 - Pathien Lekhabu Inthieng (BSI)

² Chun, ka kuoma thu a hril lai chun thlarau chu ka sûnga chun a hung lût a, ka kehai chun a mîn ngîrtir a; chun, ka kuoma thuhriltu chu ka ngai ta a.

EZEKIEL 2:2 ပူးပေါင်းရင်းမြစ်များ

NEHEMIA 9:30

Nisienlakhawm, kum tamtak anni chu i daw a, i thlaraua i zâwlneihai hmangin i kâwk hlak a; nisienlakhawm, an na an suksêt a; chuleiin, chu rama mihai kuta chun i pêk ta a.

EZEKIEL 11:5

Chun, Lalpa thlarau chu ka chungah a hung tlung a, ka kuoma chun, “ Lalpa chun hieng hin a tih ti hril rawh: Aw Israel sûngkuohai, chuong ang chun in hril am a ni; in lungrilhaia thil hung lûthai chu ka hriet si a.

EZEKIEL 24:3

Chun, sûngkaw hel hmanghai kuoma chun tekhithu hril la, an kuoma chun, ‘Lalpa Pathien chun hieng ang hin a tih: Sumbepui inchuon unla, inchuon unla, A sûnga chun tui buok unla;

EZEKIEL 3:12

Chun, thlarau chun a mi dawm kâng a, ka hnungtieng chun râwl ri nasatak ang ka hriet a, “Ama hmuna inthawka suok Lalpa ropuina chu inpâkin um raw se,” tiin.

EZEKIEL 3:14

Chuongchun, thlarau chun a mi dawm kâng a, a mi lâk hmang ta a; lungawilotak le lunginsen êm êmin ka fe ta a; chun, Lalpa kut chu ka chunga chun a hrât hle a.

EZEKIEL 3:24

Chun, thlarau chu keimaa chun a hung lût a, ka kehai chun a mîn ngîrtir ta a; chun, a mîn biekpui a, ka kuomah, “Fe la, i inah inkhâr khum rawh.

EZEKIEL 36:27

Nangnia chun ka thlarau sieng ka ta, ka thuruothai chu inhrawtir ka ti cheu a, ka thupêkhai chu zâwm in ta, thaw bawk in tih.

DANIEL 8:18

Ka kuoma thu a hril lai chun ka hmai chu hnuoi tieng innghatin inhniktakin ka in a; nisienlakhawm, a mi them a, a mîn tungtho ta a.

THUPUONGSUO 11:11

Chun, ni thum le a chenve hnunga chun Pathien kuoma inthawka hringna thuok an sûngah a hung lût a, an kein an ngîr ta a, chuongchun, a hmutuhai chun an ṭi ta bêk bêk a.

RORELTUHAI 13:25

Chun, Zora le Estaol inkâra Mahane-dana chun Lalpa thlarauin ama chu a khîkhar ṭan ta a.

1 SAMUEL 16:13

Chuongchun, Samuel chun hriek bâwm ki chu a lâk a, a unauhai lai chun ama chu hriek a nâl a, chun, Lalpa thlarau chu nasatakin chu nia inthawk chun David chunga chun a hung tlung ta a. Chuongchun, Samuel chu a tho a, Rama khuoah a fe ta a.