ESTHER 9:3 - Pathien Lekhabu Inthieng (BSI)

³ Chun, rambunghaia lalhai le, ram awptuhai le, rorêltuhai le lal sin thawtuhai chun Judahai chu an ṭhangpui a; Mordekai ṭina chu an chunga chun a um tlat ta leiin.

ESTHER 9:3 ပူးပေါင်းရင်းမြစ်များ

EZRA 2:2

chuonghai chu Zerubbabel, Jesua, Nehemia, Seraia, Reelaia, Mordekai, Bilsan, Mispar, Bigvai, Rehum le Baana hai ruolin an hung ve a. Israel chi patling zât chu:

EZRA 8:36

Chun, lal thupêkhai chu vadung râla lal ram awptuhai le rorêltuhai kuoma chun an pêk suok ta a; chun, Pathien in le mipuihai chu ṭhangpuina an pêk ta a.

ESTHER 3:12

Chun, thla khatna, ni sâwmpathum ni chun lal lekhaziektuhai chu ko an ni ta a, chi tinhai lalhai kuoma le, rambung tina rorêltuhai kuoma le, lal ram awptuhai kuoma chun Hamanin thu a pêk ang taphawt chun lekha chu ziek a ni ta a, rambung tinah chutaka inziek ang tak le, chi tin kuomah an ṭawng ang ngeiin; lal Ahasuer hminga ziek a na, lal kutsebi ngeia namdet a ni bawk a.

ESTHER 8:17

Chun, rambung tin le khaw tinah, lal thupêk a tlungna taphawta chun, Judahai chun lâwmna le hlimna an nei a, ni ṭha le ruoiṭhena dâm an nei ta bawk a. Chun, chu rama chi tamtakhai laia mi chu Juda an hung ni ve ta a; an chunga chun Juda mihai ṭitna chu a tlung ta si a.

ESTHER 8:5

Chuongchun, Esther chu a tho a, lal hmaa chun a ngîr ta a. Chun, ama chun, “Lal ṭha ti zâwng a na, a mithmua hin ditsakna ka chang a, hi thil hi lal kuomah indika ân lang chun, le a mit ka tlung chun, Agag mi Hammedatha naupa Hamanin Juda mi lal rambung po poa umhai sukbohmangna dinga a ziek lekhathawnhai chu sukdanglam dinga ziek ni raw se:

ESTHER 8:9

Chuongchun, chu huna chun, thla thumna, Sivan thla, chu thla ni sâwmhni pathum ni chun lal lekhaziektuhai chu koin an um ta a; chuongchun, Mordekaiin Juda mihai kuoma thu a pêk ang po poin, rambung za sâwmhni pasari, Indiaa inthawka Ethiopia chena rambunga lalhai, rorêltuhai le ram awptuhai kuoma chun, rambung tin kuoma chutaka ziek ang peiin, chi tinhai kuomah an ṭawng ang peiin. Juda mihai kuomah an ṭawng ang pei le an ziek dân ang peiin, ziek a hung ni ta a.

DANIEL 3:2

Chun, lal Nebukadnezzarin milim ân ngîrtir chu inhlân dinga hung dingin, lal Nebukadnezzar chun biel awptuhai, ram awptuhai, sipaihotuhai, lalhai, tangka sum enkawltuhai, rorêltuhai, dân hre mihai le ram bunga rorêltuhai po po chu a ko khâwm vawng a.