ESTHER 8:8 - Pathien Lekhabu Inthieng (BSI)

⁸ Chuongchun, ṭha in ti angin, lal hmingin Judahai kuoma chun lekha ziek unla, lal kutsebi hin nam ro; lal hminga lekha ziek a, lal kutsebia nam chu, tukhawma an sukdanglam thei âwm si naw a,” a ta.

ESTHER 8:8 ပူးပေါင်းရင်းမြစ်များ

ESTHER 1:19

Lal hin ṭha a ti zâwng a ni chun lal kuoma inthawk hin lal thupêk chu suok sienla, ‘lal Ahasuer hmaa hin Vasti hi hung ta ngai hrim hrim naw raw se,’ tiin Media le Persia dân thleng nâwk ngai ta lohai ang chun ziek ni raw seh; chun, lal hin a lalnu nina hi ama nêka ṭha lem mi dang kuomah pe bawk raw seh.

ESTHER 3:12

Chun, thla khatna, ni sâwmpathum ni chun lal lekhaziektuhai chu ko an ni ta a, chi tinhai lalhai kuoma le, rambung tina rorêltuhai kuoma le, lal ram awptuhai kuoma chun Hamanin thu a pêk ang taphawt chun lekha chu ziek a ni ta a, rambung tinah chutaka inziek ang tak le, chi tin kuomah an ṭawng ang ngeiin; lal Ahasuer hminga ziek a na, lal kutsebi ngeia namdet a ni bawk a.

DANIEL 6:8

Tuhin, aw lalpa, chu dân chu sukdet la, Media le Persia mihai dâna sukdanglam a ni nâwk nawna dingin i hming ziek rawh,” an ta.

ESTHER 8:5

Chuongchun, Esther chu a tho a, lal hmaa chun a ngîr ta a. Chun, ama chun, “Lal ṭha ti zâwng a na, a mithmua hin ditsakna ka chang a, hi thil hi lal kuomah indika ân lang chun, le a mit ka tlung chun, Agag mi Hammedatha naupa Hamanin Juda mi lal rambung po poa umhai sukbohmangna dinga a ziek lekhathawnhai chu sukdanglam dinga ziek ni raw se:

1 LALHAI 21:8

Chuongchun, Ahab hming chun lekha a ziek a, a namna chun a nam a; chun, lekha chu a umna khuoa Naboth tuolbâwm upahai le mi ṭhahai kuomah ân phur a.

2 TIMOTHE 2:19

Nisienlakhawm, Pathien lungphûm nghet chu a la ngîr zing a, hi inchikna hi a nei a, “Lalpa chun ama tahai chu a hriet,” ti le, “Lalpa hming lam taphawt chun suol fe san raw se,” ti hi.

ESTHER 8:10

Chun, ama chun lal Ahasuer hmingin a ziek a, lal kutsebi chun a nam a, lal sinthawnaa hmang hlak sakawr hrât mi sakawr sâwizawi chunga chuongin, sakawr chungah lekhathawnhai chu dâkah a thawn ta a;