ESTHER 8:7 - Pathien Lekhabu Inthieng (BSI)

⁷ Chun, lal Ahasuer chun lalnu Esther kuoma le Mordekai Juda mi kuoma chun, “Ngai ta u, Haman in hi Esther kuoma chun ka pêk ta a, ama chu khaihlumnaa chun an khai hlum ta bawk a; Juda mihai chunga a kut ân let leiin.

ESTHER 8:7 ပူးပေါင်းရင်းမြစ်များ

EZRA 4:6

Chuongchun, Ahasuera rorêl lai, a rorêl ṭan hlimin Jerusalem le Juda rama umhai chunga hêkna an ziek ta a.

ESTHER 7:10

Chun, lal chun, “Chutaka chun ama kha khai hlum ro,” a ta. Chuongchun, Mordekai ta dinga khaihlumna a buotsaia chun Haman chu an khai hlum ta a. Chun, lal lunginsen chu a hung dam ta a.

ESTHER 7:9

Chun, lal hmaa um hlak, mi tillâkhai laia mi pakhat Harbona chun, “Ngai ta, lal ta dinga thu ṭha hriltu Mordekai ta dinga khaihlumna tawng sâwmngaa insâng Hamanin a siem chu, Haman ina khun ân phun a nih,” a ta.

ESTHER 8:1

Chu ni chun lal Ahasuer chun Judahai hmêlmapa Haman in chu lalnu Esther kuoma chun a pêk ta a. Chun, Mordekai khawm chu lal hmaa chun a hung ta a; Esther chun ama chu a ieng am a ni chu a lo hril ta si a.

THUVARHAI 13:22

Mi ṭha chun a tuhai ta ding chenin rohluo ding a mâkpêk hlak a, Mi suol hausakna chu mi fel ta dinga siekhâwl chau a nih.

GALATI 3:13

Krista chu ei aia ṭawngsephur chu lo niin, Dân ṭawngsiea inthawk chun a mîn tlan suok ta a; (“Thinga khaikâng taphawt chu ṭawngsephur an nih,” ti ziek a ni si a).