ESTHER 8:3 - Pathien Lekhabu Inthieng (BSI)

³ Chun, Esther chun lal kuoma chun thu a la hril nâwk a, a ke bulah a bawkkhup a, Agag mi Haman thil sukpawi le, Juda mihai chunga a thil phierrûkna rawt chu siehmang dingin mitthli pumin a ngên a.

ESTHER 8:3 ပူးပေါင်းရင်းမြစ်များ

2 LALHAI 4:27

Chun, tlânga Pathien mi kuom a hung tlung chun a kephahai chu a chel tlat a. Gehazi chu ama hnawtkieng ding chun a hung hnai a, nisienlakhawm, Pathien mi chun, “Tosan phawt el rawh, a sûngah a lungril a lungngai a nih, Lalpa chun chu chu a thup a, ka kuomah a la hril hri si nawh,” a ta.

ESTHER 3:1

Hieng thil hnunga hin lal Ahasuer chun Agag mi Hammedatha naupa Haman chu ân kaisângtir a, ama chu a siesâng a, a ṭhunghmun chu ama ruolpui milienhai po po chunga chun a sie a.

ESTHER 7:4

sukchimit ding le, that ding le, sukbohmang ding sa, kei le ka chipuihai hi zawr kan ni ta si a. Amiruokchu, siehlawpahai, siehlawnuhai ding ang dâma zawr ni inlang chu, lal sietna ding chu hmêlma chun a thung zo naw ding khawma, ka to ṭawk ṭawk ding a na,” a ta.

ESTHER 8:2

Chun, lal chun Hamana inthawka a lâk, a kutsebi chu a lâk thlâk a, Mordekai kuoma chun a pêk ta a. Chun, Esther chun Haman in chu Mordekai chu ân enkawltir ta a.

ESTHER 8:4

Chun, lal chun rângkachak hmawl chu Esther kuoma chun a lâk kâng a.

ISAI 38:2

Chuongchun, Hezekia chu bang tieng ngha chun ân let a, Lalpa kuomah a ṭawngṭai a.

HOSEA 12:4

Anih, vântirko ân beipui a, a hne tah, A ṭap a, ditsakna a ngên a, Bethel hmuna chun ama a hmu ta a, Chutaka chun a kuomah thu a hril a;

HEBRAIHAI 5:7

Ama chun hnuoi taksa a put lai nihaia khan thinaa inthawka ama sandam theitu kuoma khan nasataka khêkin, mitthli tla pumin ṭawngṭainahai le hninahai ân hlân a, inzâ taka ân pekna leiin ngaithlâkin a um a,

1 SAMUEL 25:24

Chun, a ke bula chun a bawkkhup a, “Keimân, pu, keima ngeiin khawhlona chu phur el ka tih, chun, i siehlawnu hin i na hrietah thu hril sienla, i siehlawnu thuhril chu ngai dingin ka hni che a nih.