ESTHER 8:1 - Pathien Lekhabu Inthieng (BSI)

¹ Chu ni chun lal Ahasuer chun Judahai hmêlmapa Haman in chu lalnu Esther kuoma chun a pêk ta a. Chun, Mordekai khawm chu lal hmaa chun a hung ta a; Esther chun ama chu a ieng am a ni chu a lo hril ta si a.

ESTHER 8:1 ပူးပေါင်းရင်းမြစ်များ

ESTHER 1:14

ama dawta chun Media le Persia mi lien pasari, lal hmêl chu hmu hlak a, lalrama khawm chun a ṭhung hmasatuhai Karsena, Sethar, Admatha, Tarsis, Meres, Marsena le Memukan hai chu an nih.)

ESTHER 2:15

Chuongchun, a naunu dinga ama enkawltu Mordekai pami Abihail naunu Esther ta dinga lal kuoma lût hun a hung tlung chun, iengkhawm a ngên naw a, nuhmeihai enkawltu, lal mitillâk Hegaiin a ruotpêkhai chau naw chu.

ESTHER 2:7

Ama chun a pami naunu Hadassa, chu chu Esther a nih, chu a châwmlien a, amanu chun nu amanih, pa amani khawm a nei si naw a; chu nunghâk chu hmêl ṭha ditumtak a na; chuongchun, a nu le a pa an thi chun Mordekai chun ama naunu dingin a lâk a nih.

ESTHER 7:6

Esther chun, “Hmêlma le khingpui chu hi mi rilotak Haman hi a nih,” a ta. Chuongchun, Haman chu lal le lalnu hmaa chun a ṭi ta a.

ESTHER 8:7

Chun, lal Ahasuer chun lalnu Esther kuoma le Mordekai Juda mi kuoma chun, “Ngai ta u, Haman in hi Esther kuoma chun ka pêk ta a, ama chu khaihlumnaa chun an khai hlum ta bawk a; Juda mihai chunga a kut ân let leiin.

INPÂKNA HLABU 39:6

Mi tin hi hlim angin an lêng takmeu a, An buoi thlâwn takmeu a nih. Ro ân khâwl khâwm hlak a, a hluotu ding a hriet si naw a.

THUVARHAI 13:22

Mi ṭha chun a tuhai ta ding chenin rohluo ding a mâkpêk hlak a, Mi suol hausakna chu mi fel ta dinga siekhâwl chau a nih.

THUVARHAI 28:8

Sum duâmna le hlâwkna dinga a thuomhnaw sukpungtu chun, Mi pase chunga lunginsietna neitu ta dingin a khâwlkhâwm a nih.

LUKA 12:20

Nisienlakhawm, Pathienin a kuomah, ‘Invêt, vawizân hin i thlarau an hni ding che a nih; i thil suksuokhai kha tû ta am ni tâng a ta le?’ ” a ta.