ESTHER 7:9 - Pathien Lekhabu Inthieng (BSI)

⁹ Chun, lal hmaa um hlak, mi tillâkhai laia mi pakhat Harbona chun, “Ngai ta, lal ta dinga thu ṭha hriltu Mordekai ta dinga khaihlumna tawng sâwmngaa insâng Hamanin a siem chu, Haman ina khun ân phun a nih,” a ta.

ESTHER 7:9 ပူးပေါင်းရင်းမြစ်များ

2 LALHAI 9:32

Chun, ama chu tukver tieng ngha chun a hung dâk a, “Tu am ka tienga ṭhanghai chu? Tuhai am?” a ta. Mi tillâk pahni amanih, pathum amani hi ama tieng ngha chun an hung dâk a.

ESTHER 1:10

Ni sari niha, uoin leia lal lungril chu a hung hlim hle phing chun, Mehuman, Biztha, Harbona, Bigtha, Abagtha, Zethar le Karkas, lal Ahasuer hmaa rawngbâwl hlakhai, mi tillâk pasari chu,

ESTHER 5:14

Chun, a nuhmei Zeres le a ruolhai po po chun a kuomah, “Khaihlumna tawng sâwmngaa insâng inphuntir la, chun a zinga chun, chutaka chun Mordekai chu khai hlum ni raw se, tiin lal chu hril la; chuongchun, lal le chun thlaithlêng awtnaa chun hlimtakin um el la a ni el annâwm,” an ti a. Chun, chu thil chun Haman chu a suklâwm ta a; chun, khaihlumna chu ân phuntir ta a.

ESTHER 6:14

Chuonga ama an biek zing lai chun, lal vêngtuhai chu an hung a, Estherin a buotsai thlaithlêng awt ding chun Haman chu an ṭhuoi ta a.

ESTHER 6:2

Lal Ahasuer chunga kut thlâkna zawngtuhai, kawtkhâr vêngtu, lal vêngtu pahni Teres le Bigthan chanchin chu Mordekaiin a hril a nih tia hmu suok a ni ta a.

ESTHER 8:7

Chun, lal Ahasuer chun lalnu Esther kuoma le Mordekai Juda mi kuoma chun, “Ngai ta u, Haman in hi Esther kuoma chun ka pêk ta a, ama chu khaihlumnaa chun an khai hlum ta bawk a; Juda mihai chunga a kut ân let leiin.

ESTHER 9:14

Chun, lal chun chuong anga thaw ding chun thu a pêk a, Susaa inthawk chun thupêk chu pêk suok a ni ta a; chuongchun, Haman naupasal sâwmhai chu an khâi kâng ta a.

ESTHER 9:25

amiruokchu, chu thil chu lal kuom a hung tlung chun, a dawhâ ṭha lotak, Judahai chunga dawhâ a nei chu, ama lu chung ngeiah a tla lem ding a nih tiin lekha ziekin thu a pêk a, ama le a naupasalhai ngei khawm chu khaihlumnahaia chun khai kâng an ni ding a nih, tiin.

INPÂKNA HLABU 141:10

Keiin ka fe khêl laitakin, Mi rilohai chu anni lênahai chun tlulût raw se.

INPÂKNA HLABU 35:8

Ân ringnaw kârin sietna a chungah tlung sienla; A lên pha rûka khan ama ngei âwk bawk sienla: Chutaka chun tla se dêr raw se.

INPÂKNA HLABU 73:19

Iengtiziea mitkhapkâr chaua an rêm el am a ni aw! Thil râpthlâktakhaia sukbohmang daiin an um ta a ni hi.

DANIEL 6:24

Chun, lal chun thu a pêk a, chuong Daniel hêktuhai chu an hung ṭhuoi a; anni leh, an nauhai leh, an nuhmeihai le chun sakeibakneihai pûka chun an pei tah a; anni chu sakeibakneihai chun an lo thaw tah a, an ruhai chu a nawi nawiin an suktliek vawng a, pûk ṭuong chu an tlung hman naw hiel lem a nih.

DANIEL 6:7

Hi rama hotuhai, ram awptuhai, biel awptuhai, sipai hotuhai le rorêltuhai po po kan inkhâwm a, aw lalpa, ni sâwmthum sûng chu nangma kuoma chau naw chu tukhawmin mi dang amanih, pathien amani kuoma hnina a siem hrim hrim chu, ama chu sakeibakneihai pûka pei lût ni raw se tia dân dettak siem dingin kan inbiekthlûk tah a nih.

1 SAMUEL 17:51

Chuongchun, David chu a tlân a, Philistin mi kâwla chun a va ngîr a, a kâwlhnâm chu a lâk a, a bâwma inthawk chu a phawi a, chu chun a that a, a lu a tan ta a. Chun, Philistin mihai chun an mi hrât chu a thi ti an hriet chun an tlânse ta a.