ESTHER 7:8 - Pathien Lekhabu Inthieng (BSI)

⁸ Chun, lal chu lal in huona inthawk chun uoin dâwnna hmuna chun a hung kîr nâwk a; Esther umna ṭhungpha chunga chun Haman chu a bawkkhup a. Chun, lal chun, “Ina hin ka hmaa ngei khawm lalnu chu a sukpawrche ding a ni maw?” a ta. Lal baua inthawka thu a hung suok ta lei chun, Haman hmai chu an inkhum ta a.

ESTHER 7:8 ပူးပေါင်းရင်းမြစ်များ

ESTHER 1:5

Chun, chuong nihai chu a hung tlungkim chun, lal in huon sûng tuollaia chun, ni sari sûng zet, lal in Susaa um mi lien le mi chinhai po po kuoma chun lal chun ruoi a ṭhe ta a;

ESTHER 1:6

puon a vâr, a dum le dumpâwl chu sailungvâr banhaia tangkaruo suonkuola puon zai inhmi a êma khitdea khâiin a um a; sailungvâr sen le a dumpâwl le a vâr le a dum phêk chungah, rângkachak le tangkaruo ṭhungphahai chu rem an ni a.

ESTHER 6:12

Chun, Mordekai chu lal kul kawtkhâra chun a hung nâwk a. Haman ruok chu a lu inkhumin, lungngaitakin a in tieng a fe ta a.

ESTHER 7:10

Chun, lal chun, “Chutaka chun ama kha khai hlum ro,” a ta. Chuongchun, Mordekai ta dinga khaihlumna a buotsaia chun Haman chu an khai hlum ta a. Chun, lal lunginsen chu a hung dam ta a.

JOB LEKHABU (THE BOOK OF JOB) 9:24

Hnuoi hi mi khawhlo kuta chun pêk a na, Chu chun rorêltuhai hmaihai chu ama chun ân khum a nih. Ama a ni naw chun, tu am nîng a ta?

ISAI 22:17

Ngai ta, Lalpa chun mi hrâtna a pei angin pei rak a ti che; anih, a fûnin fûn tlat a ti che.

ISAI 49:23

Chun, lalhai chu i nauhai pawmtuhai nîng an ta, an lalnuhai khawm chu i nauhai pawmtunu nîng an tih; anni chun hmaia hnuoi sikin chibai bûk an ti che a; i kea pilvut chu liek an tih; chuongchun, kei hi Lalpa ka ni hung hre el i tih; a mi nghâktuhai chu muolphoin um naw ni hai.

AMOS 3:12

Lalpa chun hieng ang hin a tih. “Berâmpu chun sakeibaknei baua inthawkin ke pahni amanih, nakâwr hlek amanih a sansuok angin, chuong angin Samari khuoa khum kila le khum tuktulungêk puon phan lukham chunga Israel nau umhai chu sansuok a tih.

MARKA 14:65

Chuongchun, ṭhenkhat lem chun chil an sâk khum ṭan ta nghâl a, a hmai an tuom a, an vuok a, a kuomah,“Hril rawh!” an ti a. Chun, manmihai khawm chun chel pumin an ben sawk sawk a.