ESTHER 7:7 - Pathien Lekhabu Inthieng (BSI)

⁷ Chun, lal chu a lunginsen chun uoin dâwn lai chu a tho a, lal in huona chun a va fe ta a; chun, lalnu Esther kuoma a hringna ta dinga ngên dingin Haman khawm chu a ngîr ta a; a chunga chun thiltum ṭha nawtak lal chun a nei ti a hmu ta si a.

ESTHER 7:7 ပူးပေါင်းရင်းမြစ်များ

ESTHER 1:12

Nisienlakhawm, mi tillâkhai kuoma lal thupêk chu lalnu Vasti chun a sêl a, a hung nuom naw a; chuleiin, lal chu a lunginsen ta êm êm el a, a lunginsen chu a chawk hin a chawk ta a.

ESTHER 1:5

Chun, chuong nihai chu a hung tlungkim chun, lal in huon sûng tuollaia chun, ni sari sûng zet, lal in Susaa um mi lien le mi chinhai po po kuoma chun lal chun ruoi a ṭhe ta a;

ESTHER 7:10

Chun, lal chun, “Chutaka chun ama kha khai hlum ro,” a ta. Chuongchun, Mordekai ta dinga khaihlumna a buotsaia chun Haman chu an khai hlum ta a. Chun, lal lunginsen chu a hung dam ta a.

INPÂKNA HLABU 112:10

Mi rilo chun chu chu hmûng a ta, lunginsen a tih, A ha râwt a ta, intuihmang a tih: Mi rilohai dit zâwng chu bohmang a tih.

THUVARHAI 14:19

Mi suol chu mi ṭha hmaa chun a kûn a, Mi khawhlo chu mi fel daikawtkhârhaia chun a kûn bawk a.

THUVARHAI 14:35

Siehlaw vartaka thawtu chunga chun lal ditsakna chu a um a, Ama sukzaktu chunga ruok chun a lunginsenna um a tih.

THUVARHAI 16:14

Lal lunginsenna chu thina thangkohai an nih; Mi var ruok chun sukdei a tih.

THUVARHAI 19:12

Lal lunginsenna chu sakeibaknei inrûm ri ang a na, A ditsakna ruok chu hlohna chunga daidaw ang a nih.

ISAI 60:14

Chun, nangma sukrimsituhai naupasalhai chu kûnin i kuomah hung an ta; nangma hmusittuhai po po chu chibai bûkin i kepha hnuoiah kûn an tih; nang chu, “Lalpa khawpui, Israelhai Mi Inthieng Zion,” tîng an ti che.

DANIEL 3:19

Chun, Nebukadnezzar chu lunginsennain a sip a, a hmêl umzie chu Sadrak, Mesak le Abednego chunga chun a hung danglam ta a; chuleiin, a hril a, meithuk chu a lum hlak ang let saria suklum dingin thu a pêk ta a.

THUPUONGSUO 3:9

Ngai ta, Setan inkhâwmna inhai laia mi, Juda tak ni lova, khêl hrila Juda intihai laia mi chu, ka tir ding a nih, ngai ta, i ke bulah chibai hung inbûktir ka ta, ka hmangai che ti inhriettir bawk ka tih.

1 SAMUEL 20:7

‘A ṭha chu,’ a ti chun, i siehlaw chu a lung muong a ta, amiruokchu, a lung a sen chun thil ṭha naw thaw a tum a nih ti hre el rawh.

1 SAMUEL 20:9

Chun, Jonathan chun, “That lo e a, i chunga thil ṭha naw thaw ka pain a tum ka hriet phawt chun ka hril naw ding che am a nih?” a ta.

1 SAMUEL 25:17

Chuleiin, ieng am a na i thaw ding, nguntakin ngaituo ta khai, kan pu sûngkuo le ama chunga hin thil ṭha naw thaw tumna a um a nih; ama hlak hi Belial naupa a ni ringawt el a, tu ibiek thei khawm a ni si naw a,” a ta.