ESTHER 7:4 - Pathien Lekhabu Inthieng (BSI)

⁴ sukchimit ding le, that ding le, sukbohmang ding sa, kei le ka chipuihai hi zawr kan ni ta si a. Amiruokchu, siehlawpahai, siehlawnuhai ding ang dâma zawr ni inlang chu, lal sietna ding chu hmêlma chun a thung zo naw ding khawma, ka to ṭawk ṭawk ding a na,” a ta.

ESTHER 7:4 ပူးပေါင်းရင်းမြစ်များ

NEHEMIA 5:5

Ei taksa chu ei unauhai taksa ang bawk a na; ei nauhai khawm an nauhai ang bawk an ni si a; nisienlakhawm, hi, ei naunuhmeihai, ei naupasalhai hi siehlawa um dingin suokah ei inlûttir takngiel ding a ni hi; ei naunuhmei ṭhenkhat lem chu suokah an lût ta nghe nghe a, san ngaina hre nghâl lo me; mihaiin ei huonhai le ei grêp huonhai chu an nei ta si a,” ti dâm an um nuol bawk a.

ESTHER 3:13

Adar thla, thla sâwmpahnina, ni sâwmpathum ni ngeia, ni khat sûnga, Juda mi po po, naupang le upa, nuhmei le, naupangtehai khawm, sukchimit vawng ding le, sukhlum ding le sukbohmang vawng ding le annia inthawka râllâk sum chu lâk el dingin, lal rambung po poa chun lekhahai chu dâka thawn a ni ta a.

ESTHER 3:9

Lal remti zâwng a ni chun, anni chu sukbohmang ding an nih tia ziek hi ni el raw se; chun, keiin lal sum inhaia an hung sie dingin lal sinthawnaa enkawltuhai kuta chun tangka talent sîng khat pêng ka tih,” a ta.

ESTHER 7:5

Chun, lal Ahasuer chun a biek a, lalnu Esther kuoma chun, “Chuong ang thil a lungrila thaw ngam chu khawlai am a um a? Ama chu tu am a na?” a ta.

ESTHER 7:6

Esther chun, “Hmêlma le khingpui chu hi mi rilotak Haman hi a nih,” a ta. Chuongchun, Haman chu lal le lalnu hmaa chun a ṭi ta a.

ESTHER 8:11

chutaka chun lal chun Juda mihai khaw tina umhai chu inkei khâwma, lo invêng him dingin a ti a. Khâwlai rambung le mihai thilthawtheina khawm, anni sukse tumtuhai po po chu, lo thaw ve a, an nau le têhai le an nuhmeihai khawm lo sukbohmang ding le, that ding le sukchimit dingin le, annia inthawka râllâk sumhai khawm lo la ve el dingin a phalpêk a.

ESTHER 8:6

ka chipuihai chunga chuong thil ṭha naw hung tlung ding chu iengtin am tuor thei ka ta? Annawleh, ka chi le kuonghai suksieta an umna chu ka en ngam ding am a nih?” a ta.

ESTHER 9:25

amiruokchu, chu thil chu lal kuom a hung tlung chun, a dawhâ ṭha lotak, Judahai chunga dawhâ a nei chu, ama lu chung ngeiah a tla lem ding a nih tiin lekha ziekin thu a pêk a, ama le a naupasalhai ngei khawm chu khaihlumnahaia chun khai kâng an ni ding a nih, tiin.

DANIEL 6:2

an chunga chun hotu pathum, a pakhat chu Daniel chu ni dingin ti chu ṭha a ti a; chun, hieng biel awptuhai hin anni kuoma chun sum sêng dân chanchin chu pêng an ta; chuongchun, lal chun sietna a tuok nawna dingin.

JOEL 3:6

Juda nauhai le Jerusalem nauhai khawm an ramria inthawka hlataka in sawn hmang theina dingin Grik naupasalhai kuomah in zawr el si a;

AMOS 2:6

Lalpain hieng ang hin a tih, “Israel bawsietna pathum leiin, anih, pali leiin, a hremna sukbo naw ning; tangka mana mi fel an zawr lei le kekawk bun khat mana mi tlasam an zawr leiin;

LUKA 12:45

Amiruokchu, chu suok chun, a lungrilin ‘Ka pu hung vak naw ni,’ tiin suoknuhai, suokpahai lo vaw sienla, fain dâwnin lo inrui ta sienla;

DÂN PAHNINA 28:68

‘Hmu nâwk ta naw ti niu,’ in kuoma ka ti lampuia chun lawngin Aigupta ramah Lalpain ṭhuoi nâwk a ti cheu; chun, chutaka chun in hmêlmahai suokpa ni ding dâmin, suoknu ni ding dâmin inzawr in ta, tukhawmin an dit naw ding cheu a nih,” tiin.

JOSUA 9:23

Chuleiin, ṭawngsephur in hung ni a ni ta hi, ieng lai khawmin nangni laia mi ṭhenkhat hi suok ni zing an ta, kan Pathien ta dinga thing inkhâwmtua le tui chawituah um zing an tih,” tiin a hril a.

1 SAMUEL 22:23

Nang chu ka kuomah um la ṭi naw rawh; kei mi that tum chun nang khawm that tum ngei an ti che; ka kuoma i um ruok chun chu him i tih,” a ta.