ESTHER 6:4 - Pathien Lekhabu Inthieng (BSI)

⁴ Lal chun, “Tu am a na tuollaia um saw?” a ta. Chulaitak chun, Haman chu ama ta dinga a buotsai khaihlumnaa Mordekai chu khaihlum ding thu hril dingin, lal tuollai puo lema chun a hung lût a.

ESTHER 6:4 ပူးပေါင်းရင်းမြစ်များ

ESTHER 4:11

“Tukhawm, nuhmei ni sien, pasal ni sien khawm, ko ni si lova, lal tuollai sûnghnung lema hung lût ta ding chun, ama chu hring a tih, tia lalin a rângkachak hmawl chu a lo lâk kâng si naw chun dân pakhat chau, ama chu that ngei nîng a tih, ti dân hi a um a nih ti lal siehlawhai po po le, lal rambunga mihai po po chun an hriet chieng hle a; nisienlakhawm, kei chu hieng ni sâwmthum sûng hin lal kuoma lût dinga koin ka um dêr naw a,” tiin.

ESTHER 5:1

A ni thum ni chun, Esther chu a lal puonin ân thuom a, lal in zâwn tak, lal in tuollai sûnghnung lema chun a ngîr ta a; lal khawm chu in lûtna zâwn takah, lal ina lalṭhungphaa chun a ṭhung a.

ESTHER 5:14

Chun, a nuhmei Zeres le a ruolhai po po chun a kuomah, “Khaihlumna tawng sâwmngaa insâng inphuntir la, chun a zinga chun, chutaka chun Mordekai chu khai hlum ni raw se, tiin lal chu hril la; chuongchun, lal le chun thlaithlêng awtnaa chun hlimtakin um el la a ni el annâwm,” an ti a. Chun, chu thil chun Haman chu a suklâwm ta a; chun, khaihlumna chu ân phuntir ta a.

ESTHER 6:3

Chun, lal chun, “Hi hi ding hin Mordekai chunga chun ieng chawimawina le insângna am siem a ni ta a?” a ta. Chun, lal siehlaw, ama rawngbâwltuhai chun, “Ama ta dingin iengkhawm thaw a ni nawh,” an ta.

ESTHER 6:5

Chun, lal siehlawhai chun a kuomah, “Ngai ta, Haman chu tuollaia saw a ngîr zing ie,” an ta. Lal chun, “Hung inlûttir ro,” a ta.

ESTHER 7:9

Chun, lal hmaa um hlak, mi tillâkhai laia mi pakhat Harbona chun, “Ngai ta, lal ta dinga thu ṭha hriltu Mordekai ta dinga khaihlumna tawng sâwmngaa insâng Hamanin a siem chu, Haman ina khun ân phun a nih,” a ta.

JOB LEKHABU (THE BOOK OF JOB) 5:13

Mi varhai chu an var vervêknain a âwk a; Mi vervêkhai inrâwnna chu a letlingin a siem hlak.

INPÂKNA HLABU 2:4

Vâna ṭhungpa chu innui a ta: Lalpa chun anni chu nuisan a tih.

INPÂKNA HLABU 33:19

An hringna thinaa inthawka sanhim ding le, Ṭâm tlâk phaa anni tungnung dingin.

THUHRILTU 9:10

I kutin sinthaw ding a hmu phawt chu i theitâwpin thaw la, i fêna ding thlâna chun varna amanih, hrietthiemna amanih, hlêmna amanih, sinthawna amanih a um ta si naw a.