ESTHER 5:9 - Pathien Lekhabu Inthieng (BSI)

⁹ Chu ni chun Haman chu lungril lâwmtak le hlimtak chun a fe suok ta a; nisienlakhawm, lal kul kawtkhâra chun ama ta dinga châng lova, a ngîr khawm lo ngîr lo Mordekai a hmu chun, Mordekai chungah nasatakin a lunginsen ta a.

ESTHER 5:9 ပူးပေါင်းရင်းမြစ်များ

1 LALHAI 21:4

Chun, Jezreel mi Naboth chun a kuoma chuong ang thu chu a hril lei chun Ahab chu ngûitak le lungâwi nawtakin a inah a lût ta a, “Ka puhai ro pe thei naw ning che,” a ti tlat si a. Chuongchun, a khuma chun a zâl a, khingtieng a ngha a, bu hrim hrim khawm a fâk nuom ta naw a.

1 LALHAI 21:6

Ama chun a kuomah, “Jezreel mi Naboth chu ka va biek a, a kuomah, ‘I grêp huon hi min châwktir rawh, annawleh i dit lem chun a aiah grêp huon dang pêng ka ti che,’ ka ti a, ama chun, ‘Ka grêp huon chu pe thei naw ning che,’ tiin a mi dawna a nih,” a ta.

ESTHER 2:19

Nunghâkhai an hung inkhâwm a vawihninaa chun Mordekai chu lal kul kawtkhâra chun a ṭhung a,

ESTHER 3:2

Chuongchun, lal siehlaw, lal kul kawtkhâra um hlakhai po po chun Haman chu chibai an bûk a, an inza êm êm hlak a; ama chungthua chun lal chun chuong ang ding chun thu a pêk hrim a ni si a. Amiruokchu, Mordekai chun chibai a bûk naw a, ama chu inzâ khawm ân zâ bawk naw a.

ESTHER 3:5

Chun, Hamanin Mordekai chun ama chu chibai a bûk naw a, inza khawm ân za nawh ti a hriet chun, Haman chu a lunginsen ta êm êm el a.

ESTHER 5:13

Anachu lal kul kawtkhâra Juda mi Mordekai ṭhunga ka hmu sûng phawt chu hieng thilhai po po hin a mi sukhawi chuong nawh,” a ta.

JOB LEKHABU (THE BOOK OF JOB) 20:5

Mi rilohai hnêna chu a tâwi hlak a, Pathien ngaisak lohai hlimna khawm chu mitkhapkâr chau a ni hlak ti hi?

JOB LEKHABU (THE BOOK OF JOB) 31:31

Ka puon ina mihai chun, ‘A bu le bâla insukkhawp lo tûm an um a ?’ an ti naw chun,

INPÂKNA HLABU 15:4

Hnâwla umhai chu hmusit a, Lalpa ṭituhai ruok chu chawimawi hlak a, Mâni ta dinga pawi ding khawm inkhâma tiem ta chu sukdanglam ngailo;

INPÂKNA HLABU 27:3

Sipai pâwlhai chun mi thaw tumin mi ep zing hai sienla khawm, Ka lungril hin ṭi naw ni; Ka chungah indona hung suok sienla khawm, Chuong ang a khawm chun ring tlat ka tih.

DANIEL 3:13

Chun, Nebukadnezzar chun a lungsenna le a ṭitumna chun Sadrak, Mesak le Abednego hai chu hung ṭhuoi dingin thu a pêk a. Chun, chuong mihai chu lal hmaa chun an hung ṭhuoi ta a.

MATTHAI 10:28

“Chun, taksa sukhluma thlarau sukhlum thei nawhai chu ṭi naw unla, Hremhmuna thlarau le taksa sukbo thei ruok chu ṭi ro.

MATTHAI 2:16

Chun, Herodin mi varhai hlêmin a um ti ân hriet phingin a lung a sen bêk bêk a, mi a tir a, a hun laitak thu mi varhai nguntaka ân dawn suo ang khan, Bethlehem le a vêl po poa pasal naupang kum hnia inthawka hnuoitieng po po chu an rêngin a that ta vawng a.

LUKA 6:25

“Nangni tuta khawphai, in chung a rik ie; in phîng a la ṭâm ding a ni si a. “Nang ni tuta innuihai, in chung a rik ie; lungngaiin in la ṭap ding a ni si a.

JOHAN 16:20

Titakzetin, ka hril cheu hi, nangni in mitthli tlâng a ta, ṭap rak bawk in ta, khawvêl ruok chu lâwm an tih, nangni lungngai in ta, nisienlakhawm, in lungngai chu lâwmin inchang a tih.

THILTHAWHAI 7:54

Chun, chuong thu chu an hrietin an lungril a khei ta a, Stephan chunga chun an ha an râwt a.

JAKOB 4:9

Rimsi unla, lungngai unla, ṭap ro; in innui chu lungngaiah inchang sienla, in hlim nguiah inchang raw se.