ESTHER 5:1 - Pathien Lekhabu Inthieng (BSI)

¹ A ni thum ni chun, Esther chu a lal puonin ân thuom a, lal in zâwn tak, lal in tuollai sûnghnung lema chun a ngîr ta a; lal khawm chu in lûtna zâwn takah, lal ina lalṭhungphaa chun a ṭhung a.

ESTHER 5:1 ပူးပေါင်းရင်းမြစ်များ

ESTHER 1:11

lalnu Vasti chu lallukhum khuma lal hmaa chun hung ṭhuoia, mi ṭhahai le mipuihai chu a hmêl ṭhatzie chu inentir dingin thu a pêk ta a; hang en hin ama hlak chu a hmêl a ṭha hle el bawk si a.

ESTHER 2:5

Susa khawpuia chun Juda mi, a hming Mordekai, Benjamin mi Kis naupa, Simei naupa, Jair naupa chu a um a;

ESTHER 4:11

“Tukhawm, nuhmei ni sien, pasal ni sien khawm, ko ni si lova, lal tuollai sûnghnung lema hung lût ta ding chun, ama chu hring a tih, tia lalin a rângkachak hmawl chu a lo lâk kâng si naw chun dân pakhat chau, ama chu that ngei nîng a tih, ti dân hi a um a nih ti lal siehlawhai po po le, lal rambunga mihai po po chun an hriet chieng hle a; nisienlakhawm, kei chu hieng ni sâwmthum sûng hin lal kuoma lût dinga koin ka um dêr naw a,” tiin.

ESTHER 4:16

“Fe la, Susaa Juda mi umhai po po chu kei khâwm rawh; chun, ka ta dingin bu nghei unla; sûn le zânah, ni thum sûng chu fain dâwn hlek naw ro, ka nunghâkhai le kei khawma chuong ang bawk chun nghei kan ta; chuongchun, dân lo ang ni sien khawm lal kuoma chun lût el ka ta; ka bohmang leh ka bohmang ni el raw se,” tiin.

ESTHER 4:17

Chuongchun, Mordekai chu a fe a, Estherin thu a pêk ang pei chun a thaw ta a.

ESTHER 6:4

Lal chun, “Tu am a na tuollaia um saw?” a ta. Chulaitak chun, Haman chu ama ta dinga a buotsai khaihlumnaa Mordekai chu khaihlum ding thu hril dingin, lal tuollai puo lema chun a hung lût a.

ESTHER 8:15

Chun, Mordekai chu lal puon dumpâwl zai inhmi leh, rângkachak lallukhum ropuitak leh, lal silfên dumpâwl le vâra inthuomin lal hmaihmaa chu a fe suok ta a; chuongchun, Susa khawpui chu lâwmin a khêk ta a.

MATTHAI 10:16

“Ngai ta u, satenehai laia berâm um angin ka tir cheu hi; chuongchun, rûl anga vara, vaṭhu anga pawi tâwklovin um unla.

MATTHAI 11:8

Annawleh, ieng en ding takin am in fe suok kha? Puon innêm sil maw? Ngai ta u, puon innêm silhai chu lal inahai in sawnnaw an um.

MATTHAI 27:64

Chuongchun, thlân chu ni thum ni chen vêng ṭha dingin thu pe rawh, chuong naw chun a inchûktirhai chu hungin, ama chu inru hlau an ta, vântlâng kuomah, ‘Mithi laia inthawkin a thonâwk ta a nih,’ ti rawi an tih; chuongchun, hlêmna nuhnung lem chu a hmasa nêk khan ṭha naw nâwk zuol a tih,” an ta.

LUKA 22:30

chuongchun, ka rama ka dawkâna in fâka in dâwn theina dingin; chuongchun, Israel hnam sâwmpahnihai ro rêlpêkin lalṭhungphaah la ṭhung in tih.

THUPUONGSUO 3:21

A hnetu taphawt chu ka lalṭhungphaah ka kuomah inṭhungtir ka tih; kei khawmin ka hne a, ka pa kuomah lalṭhungphaa ka ṭhung ang khan.