ESTHER 4:16 - Pathien Lekhabu Inthieng (BSI)

¹⁶ “Fe la, Susaa Juda mi umhai po po chu kei khâwm rawh; chun, ka ta dingin bu nghei unla; sûn le zânah, ni thum sûng chu fain dâwn hlek naw ro, ka nunghâkhai le kei khawma chuong ang bawk chun nghei kan ta; chuongchun, dân lo ang ni sien khawm lal kuoma chun lût el ka ta; ka bohmang leh ka bohmang ni el raw se,” tiin.

ESTHER 4:16 ပူးပေါင်းရင်းမြစ်များ

INṬANNA 18:19

Lalpa lampui an hraw theina dingin, a hnunga a nauhai le a sûnghai, thil feltaka thaw ding le rorêl anga thaw dinga thu a pêk theina dingin ama chu ka ruot ta si a, a chungchâng thu a hril chu Lalpain Abraham chunga ân tlungtir theina dingin,” a ta.

INṬANNA 43:14

in sangpa pakhat le Benjamin hi ân suo pêkna ding cheuin, Pathien Iengkimthawthei chun ama chu inlunginsiettir raw se cheu. Ka nauhai chu chân a ni leh ka chân ding ni el a tih,” a ta.

2 SAMUEL 10:12

Huoitakin um unla, ei mihai le ei Pathien khuohai sanin insuk pasal ei tiu; chun, Lalpa chun ṭha a ti ang peiin thaw raw se,” a ta.

2 LALHAI 7:4

‘Khaw sûnga hin lût ei tiu khai,’ ti ding ni inla, khaw sûng an ṭâm a, ei va thi el âwm si a; chun, hitaka hin ṭhung zing inla, ei thi tho tho bawk âwm si a. Chuleiin, thaw ta u, Suria sipaihai tieng hin tlu lût rawk el ei tiu, an mi hla leh ei hring nîng a ta, an mi that le hlak ei thi nîng a ta,” tiin an inbiek a.

2 CHANCHIN SUINA 20:3

Chuongchun, Jehosaphat chu a ṭi ta a; Lalpa chu a zawng a, Juda ram po poa bunghei a rawt ta a.

EZRA 8:21

Chun, kan thuomhnawhai po po le kan nau-le-têhai le keini ta dinga lampui tluong mi zawngpêk dinga, kan Pathien hmaa chun kan insukhnuoi theina dingin, Ahava vadunga chun bunghei ka rawt ta a.

ESTHER 4:15

Chun, Esther chun Mordekai kuomah a dawnna chu ân phurkîr nâwk a.

ESTHER 4:17

Chuongchun, Mordekai chu a fe a, Estherin thu a pêk ang pei chun a thaw ta a.

ESTHER 4:3

Chun, rambung tin elah, lal thupêk le a thu sukthlûk a tlungna taphawta chun, Judahai laia chun lungngaina nasatak el le bungheina dâm le, ṭapna le inrûmna dâm chu a um ta a; tamtak lem chu saiip puon silin pilvut chungah an zâl a.

ESTHER 5:1

A ni thum ni chun, Esther chu a lal puonin ân thuom a, lal in zâwn tak, lal in tuollai sûnghnung lema chun a ngîr ta a; lal khawm chu in lûtna zâwn takah, lal ina lalṭhungphaa chun a ṭhung a.

ESTHER 9:31

Juda mi Mordekai le lalnu Estherin anni an ruotpêk ang le, an ṭap khêk râwl le an bungheina chungthua an thlahai le anni ta dinga an ruotpêk ang ngeia, hieng Purim nihai hi a hun ruothaia sukdet dingin.

ISAI 22:12

Chu nia chun Lalpa, sipaihai Lalpa chun, ṭap ding le, âwm inchum ding le, lu sukkawl ding le, saiip puon dierkei dingin a ko a;

JEREMIA 36:9

Chun, Juda ram lal Josia naupa Jehoiakim inlal kum ngana, thla kuonaa chun Jerusalema mi po pohai, Juda ram khawpuihaia inthawka Jerusalema mipui hung po pohai chun Lalpa hmaa bunghei chu an phuong ta a.

DANIEL 2:18

Babulona mi var danghai lai chun Daniel le a ruolhai chu an thi ve nawna dinga, hi thurûk chungchâng thua hin vâna Pathien zângaina chu an ngên theina dingin.

MATTHAI 12:40

Jona chu ni thum le zân thum ngapui phîng sûnga a um ang khan, Mihriem Naupa hi ni thum le zân thum hnuoi khur sûngah a um bawk ding a nih.

LUKA 9:24

Tûkhawm a nun humhim nuom phawt chun chân a ta; tûkhawm keia leia nun chân taphawt chun, ama ngei chun humhim a tih.

JOHAN 19:22

Pilat chun, “Ka ziek kha ka ziek zo tah,” a ta, a dawn a.

THILTHAWHAI 10:7

Chun, vântirko a betu chu a fe phingleh, Korneli chun, a siehlawhai laia mi pahni le a rawngbâwl rawphai laia Pathien ngaisak sipai pakhat a ko a;

THILTHAWHAI 20:24

Nisienlakhawm, kân tlânsiekna lam ka hmabâk suo ding le, Pathien lunginsietzie Chanchin Ṭha inhriettir ding, Lalpa Isua inthawka kha rawngbâwl sin ka hmu kha, thaw zo phawt lang chu, ka hringna khawm thlâkhlâ tlâkah ka ruot nawh.

THILTHAWHAI 21:13

Paula chun a dawn a, “Iem a ta, in ṭap in ṭap a, ka thla in suksie ie! Lalpa Isu hming lei chun Jerusalema khuop chau ni lovin, thi khawm ka huom in sawnnaw,” a ta.

THILTHAWHAI 27:33

Chun, khawvar tâwm chun Paulain mi po po chu bu fa dingin a tir a, “Vawisûn hi ni sâwmpali a ni tah, iengkhawm fa lovin in nghâk a, in nghei zing a nih.

THILTHAWHAI 9:9

Ni thum khaw hmu lovin a um a, iengkhawm a fâkin a dâwn naw a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:4

Kei chau ni lovin Jentail kohran po poin anni kuoma chun lâwmthu an hril a nih.

PHILIPPI 2:30

In mi sawmdâwlna tlin bâk chu sunzawm dingin thi huoma thâtak suoin, Krista sinthawna leiin thi vângin a lo um ta si a.

JOSUA 24:15

Chun, Lalpa rawng bâwl hi ṭha awm nawa in hriet chun vawisûn hin tu rawng am a na in bâwl ding thlang el ro; in thlatuhaiin Vadung râla a rawng an bâwl hlak pathienhai kha am a ni, in ihluo ram Amor mihai pathienhai kha? Kei le ka sûnghai ruok hin chu Lalpa rawng a nih kan bâwl ding chu,” a ta.

1 SAMUEL 19:5

thi dâwn lovin Philistin mi kha a thaw a, chun Lalpain Israel mihai po po sandamna ropuitak a thawsuokpêk a, chu chu nang khawma i hmu a, lâwm khawm i lâwm hle kha; chuleiin, a san iengkhawm um loa David chu thatin, ieng dingin am thisen pawi tâwklo chunga chun thil suksuol el i ta?” a ta.