ESTHER 3:8 - Pathien Lekhabu Inthieng (BSI)

⁸ Chun, Haman chun lal Ahasuer kuoma chun, “I ram sûng rambung po poa mihai laia indara umdar chi khat an um a nih; an dânhai chu mi danghai dân hrim hrima inthawkin a danglam bîk rieu a, lal dânhai khawm hi an zâwm chuong bawk naw a; chuleiin, anni ngaithei zing hi lal ta dinga ṭhathnemna a ni nawh.

ESTHER 3:8 ပူးပေါင်းရင်းမြစ်များ

EZRA 4:6

Chuongchun, Ahasuera rorêl lai, a rorêl ṭan hlimin Jerusalem le Juda rama umhai chunga hêkna an ziek ta a.

NEHEMIA 1:8

I siehlaw Mosie kuoma, ‘In bawsiet chun hnam tin laia chun sukdar ka ti cheu a;

ESTHER 3:9

Lal remti zâwng a ni chun, anni chu sukbohmang ding an nih tia ziek hi ni el raw se; chun, keiin lal sum inhaia an hung sie dingin lal sinthawnaa enkawltuhai kuta chun tangka talent sîng khat pêng ka tih,” a ta.

ESTHER 4:1

Mordekaiin chuong thil thawa umhai po po a hriet chun, Mordekai chun a puonhai a keithlêr a, vut laia saiip puon silin, khawpui kawtthlêra chun a fe suok a, râwl inringtaka khêkin, lungsetakin a ṭap a;

JEREMIA 33:24

“Hi mi, Hnam pahni Lalpa thlanghai chu, anni chu a pei thlâk tah, tituhai chu ngaituo naw rawh; chuongchun, anni hmaa hnam hrim an ni ta nawna dingin, anni chun ka mihai chu an hmusit a nih.

JEREMIA 50:17

“Israel chu berâm indar a nih: sakeibakneihai chun ama chu an lo hnawt hmang ta a; a hmasatak chun Assuria lal chun anni chu a fâkzo a; a tâwpah Babulon lal Nebukadnezzar hin a ruhai chu a sukthliek ta a.

EZEKIEL 11:16

chuleiin, hril la, Lalpa Pathien chun hieng hin a tih; ‘Hnamhai laia inthawka hlataka chun ka lo sawn ta de a, ramhai laia chun anni chu ka lo sukdar ta dea chu, an va fena ramhaia chun hun sâwt nawtê sûnga ding chun an ta dingin hmun inthieng la ni ta fan ka tih’ tiin.

EZEKIEL 6:8

Amiruokchu, ṭhenkhat la hlâng ka ta, ramhaia sukdara in um pha chun, hnamhai laia chun ṭhenkhat chun kâwlhnâm chu pumpel in tih.

DANIEL 3:8

Chuongchun, chu lai chun, Kaldai mi ṭhenkhat an hung hnai a, Juda mi- hai chungah hêkna an hung siem ta a.

DANIEL 6:13

Chun, an dawn a, lal kuoma chun, “Kha Daniel Juda ram mi salintângpa khan, aw lalpa, nang a pawisa naw che a, i thupêk i hming ziek khawm kha a pawisa naw a, ni tin hnina vawi thum a siem zie a nih,” an ta.

DANIEL 6:14

Chun, lal chun hieng thu hi a hriet phingleh nasatakin a lungni ta naw a, Daniel chu sansuok dingin a lungril chu a fu ta tlat a; nisa tlâk hmakhat chun sansuok thei dan ding nasatakin a ngaituo a.

LEVI DÂN 26:33

Hnam danghai laia chun sukdar ka ti cheu a, a hnawt ding cheuin kâwlhnâm chu phawi ka ta, chuongchun, in ramhai chu sukrêm nîng a ta, in khuohai chu ṭâwp a tih.

ZEKARIA 7:14

amiruokchu, an la hriet ngailo hnam po po laia chun thlivirin anni ka sukdar ta a. Chuongchun, ram chu râusanin a um ta a, tukhawm an fe thlengin an kîr nâwk ngai ta naw a: ram duthusâm tak chu râusanah an siem ta leiin.

NAMBAR 23:9

Iengtin am Pathien vaukhâwng lo chu vaukhâwng ka ta? Lungpui chunga inthawk dâmin anni chu ka hmu si a, Tlânga inthawk dâmin anni chu ka hmu a; Ngai ta, hnam a tuma um det sa a nih, Hnam danghai le angkhata inngai ngai lo.

JOHAN 7:35

Chun, Judahai an inbiek a, “Ei hmu naw dingin hi mipa hi khâwlai am a fe ding a ni leh? Grikhai laia Inpêmdarhai laia fein Grikhai chu ân chûktir ding am nîng a ti?

THILTHAWHAI 24:5

Hi mipa hi mi theidaumtak, khawvêla Judahai po po chawkbuoitu le, Nazareth pâwla a ṭhuoitu pakhat a nih ti kan hriet a.

THILTHAWHAI 28:22

Nisienlakhawm, hi pâwl hi ram tinah hrilsiet a ni si a, nangin iengtin am i ngai a hriet kan nuom,” an ta.

DÂN PAHNINA 30:3

Lalpa in Pathien chun in sal nina chu sukbo a ta, lunginsiet a ti cheu a, Lalpa in Pathienin hnam tin laia a sukdarna cheua inthawk chun ṭhuoi khâwm nâwk a ti cheu.

DÂN PAHNINA 32:26

‘Sukdar vawng ka ta, Mihriem laia anni hrietzingna chu sukbohmang dai ka tih,’ lo ti hiel tâng ka tih.

DÂN PAHNINA 4:27

Lalpa chun hnam tin lai chun sukdar a ti cheu a, Lalpain ân fe hmangtirna cheu hnamhai lai chun tlâwmte chauin um in tih.

JAKOB 1:1

Jakob, Pathien le Isu Krista suokin, Hnam sâwm le pahni indarhai chu chibai a bûk.

1 PETER 1:1

Peter, Isu Krista tirko chun: Ponto ram dâm, Galati ram dâm, Kappadokia ram dâm, Asia ram dâm, Bethunia ram dâma Indar umhai,