ESTHER 3:2 - Pathien Lekhabu Inthieng (BSI)

² Chuongchun, lal siehlaw, lal kul kawtkhâra um hlakhai po po chun Haman chu chibai an bûk a, an inza êm êm hlak a; ama chungthua chun lal chun chuong ang ding chun thu a pêk hrim a ni si a. Amiruokchu, Mordekai chun chibai a bûk naw a, ama chu inzâ khawm ân zâ bawk naw a.

ESTHER 3:2 ပူးပေါင်းရင်းမြစ်များ

INṬANNA 41:43

Chun, a tawlailîr nei pahninaa chun ân chuongtir a, a hmaa chun, “Dingṭhaṭhuon ro,” tiin an khêk pei a; chuongchun, Aigupta ram po po chunga chun hotuah a siem ta a.

ESTHER 2:19

Nunghâkhai an hung inkhâwm a vawihninaa chun Mordekai chu lal kul kawtkhâra chun a ṭhung a,

ESTHER 2:21

Chuong nihaia Mordekai chu lal in kawtkhâra a ṭhung lai chun, mi tillâk pahni, Bigthan le Teres, kawtkhâr vêngtuhai chu an lunginsen a, lal Ahasuer chunga kut thlâkna ding an zawng a.

ESTHER 2:5

Susa khawpuia chun Juda mi, a hming Mordekai, Benjamin mi Kis naupa, Simei naupa, Jair naupa chu a um a;

ESTHER 3:1

Hieng thil hnunga hin lal Ahasuer chun Agag mi Hammedatha naupa Haman chu ân kaisângtir a, ama chu a siesâng a, a ṭhunghmun chu ama ruolpui milienhai po po chunga chun a sie a.

ESTHER 3:3

Chuongchun, lal siehlaw, lal kul kawtkhâra umhai chun Mordekai kuoma chun, “Iengdinga lal thupêk i bawsiet am a na?” an ta.

ESTHER 3:5

Chun, Hamanin Mordekai chun ama chu chibai a bûk naw a, inza khawm ân za nawh ti a hriet chun, Haman chu a lunginsen ta êm êm el a.

ESTHER 5:9

Chu ni chun Haman chu lungril lâwmtak le hlimtak chun a fe suok ta a; nisienlakhawm, lal kul kawtkhâra chun ama ta dinga châng lova, a ngîr khawm lo ngîr lo Mordekai a hmu chun, Mordekai chungah nasatakin a lunginsen ta a.

INPÂKNA HLABU 15:4

Hnâwla umhai chu hmusit a, Lalpa ṭituhai ruok chu chawimawi hlak a, Mâni ta dinga pawi ding khawm inkhâma tiem ta chu sukdanglam ngailo;

FESUOKNA 17:14

Chun, Lalpa chun Mosie kuomah, “Lekhabuah hi hi hriet zingna dingin ziek la, vân hnuoi po poa inthawkin Amalek hriet zingna hi thai hmang dêr ka tih ti Joshua naa chun inhriettir rawh,” a ti a.

FESUOKNA 17:16

“Lalpa chu ka puonzâr a nih” tiin. “Lalpa chu ân khâm ta a, Lalpa chun a thlahai thla nâwksâwng chen khawmin Amalek chunga hin dona nei hlak a tih,” tiin

DANIEL 2:49

Chun, Daniel chun lal chu a hni a, ama chun Sadrak hai, Mesak hai, Abednego hai chu Babulon chungchâng thuha hotu dingin a ruot a. Daniel ruok chu lal rorêlna ina chun a um ta lem a.

DÂN PAHNINA 25:19

Chuleiin, Lalpa in Pathienin hluo dinga ram a pêk pha cheua in vêla in hmêlmahai po po laia inthawka Lalpa in Pathienin râlmuongna a pêk pha cheu chun vânkhuphnuoia Amalek mihai hriet zingna chu in sukbo dêr ding a nih; in theinghil dêr ding a ni nawh.

PHILIPPI 2:10

Isu hminga mi tin, vâna mihai, hnuoia mihai, hnuoi hnuoia mihai leh, an dingṭhaṭhuonna ding le,

1 SAMUEL 15:3

Amalek mihai do dingin fe la, an thil nei po po hla hrim hrim nei dêr lovin sukbohmang vawng rawh; nuhmei le pasal, naute khawm, nêne ne laihai dâm, bâwngchal le berâm dâm, sanghâwngsei le sabengtung dâm leh sukhlum vawng rawh,’ a ti a nih,” a ta.