ESTHER 3:12 - Pathien Lekhabu Inthieng (BSI)

¹² Chun, thla khatna, ni sâwmpathum ni chun lal lekhaziektuhai chu ko an ni ta a, chi tinhai lalhai kuoma le, rambung tina rorêltuhai kuoma le, lal ram awptuhai kuoma chun Hamanin thu a pêk ang taphawt chun lekha chu ziek a ni ta a, rambung tinah chutaka inziek ang tak le, chi tin kuomah an ṭawng ang ngeiin; lal Ahasuer hminga ziek a na, lal kutsebi ngeia namdet a ni bawk a.

ESTHER 3:12 ပူးပေါင်းရင်းမြစ်များ

1 LALHAI 21:8

Chuongchun, Ahab hming chun lekha a ziek a, a namna chun a nam a; chun, lekha chu a umna khuoa Naboth tuolbâwm upahai le mi ṭhahai kuomah ân phur a.

ESTHER 1:22

a rambung po poa chun lekha a thawn a, rambung tinah ziek ang tak le, mi chi tin kuomah an ṭawng ang ngei le, pasalin mâni insûng ro chu a phurna ding le, a mihai ṭawng ang ngeia a hrildar theina dingin.

DANIEL 6:15

Chun, chuong mihai chu lal kuomah an hung inkhâwm a, lal kuoma chun, “Aw lalpa, thupêk amanih, dân amanih lalin a siem ta chu sukdanglam thieng lo a nih ti hi Media le Persia mihai dân a nih ti hi hre rawh,” an ta.

DANIEL 6:12

Chun, an hung hnai a, lal hmaa chun lal thupêk chungchang thu chu an hril ta a; “Aw lalpa, nangma kuomah ti chau lo chu, ni sâwmthum sûng mi tukhawmin mi dang amani, pathien kuoma mani hnina siem chu sakeibakneihai pûka pei lût ding ti thupêka khan i hming i ziek an nâwm a nih?” an ta. Lal chun a dawn a, “Media mihai le Persia mihai dân sukdanglam thieng lo ang tak chun chu chu ân dik a nih,” a ta.

DANIEL 6:8

Tuhin, aw lalpa, chu dân chu sukdet la, Media le Persia mihai dâna sukdanglam a ni nâwk nawna dingin i hming ziek rawh,” an ta.

ESTHER 9:27

Judahai chun, anni le an thlahai le anni hung sûngkhattuhai po po chunga chun belin, an namdet ta a; kum tinin chutaka a ni ruot ang tak le, chutaka ziek ang taka chu ni hnihai chu insera bâwpel ngai hlek lo dingin;

ESTHER 8:2

Chun, lal chun Hamana inthawka a lâk, a kutsebi chu a lâk thlâk a, Mordekai kuoma chun a pêk ta a. Chun, Esther chun Haman in chu Mordekai chu ân enkawltir ta a.

EZRA 8:36

Chun, lal thupêkhai chu vadung râla lal ram awptuhai le rorêltuhai kuoma chun an pêk suok ta a; chun, Pathien in le mipuihai chu ṭhangpuina an pêk ta a.

ESTHER 3:11

Chun, lal chun Haman kuoma chun, “Nangin an chunga ṭha i ti ang anga thaw dingin mihai le tangka khawm chu i kuoma pêk a nih,” a ta.

DANIEL 3:10

Aw lalpa, nang chun thupêk i siem a: tawtawrâwt dâm, theihle dâm, ṭingṭang dâm, rawsem dâm, perkhuong dâm le rimawi tinrêng an hriet pha chun mi tin chu bawkkhup an ta, rângkachak milim chu chibai an bûk ding a na;

DANIEL 6:25

Chun, lal Daria chun hnuoi chung po poa chêng mi po po le ṭawng tinrênghai kuoma chun lekha a ziek tah a, “In kuomah inremna sukpungin um raw se.