ESTHER 2:9 - Pathien Lekhabu Inthieng (BSI)

⁹ Chu nunghâk chun ama chu a suklâwm a, a lungsietna chu a hlaw ta a; lal chun incheimawina hmangruohai le a fâk ding chanpuol chu lal ina mi nunghâk thlang suok pasari leh inhmawtakin a pêk a; nuhmeihai in hmun ṭhatna taka chun ama le a nunghâkhai chu a sie ta a.

ESTHER 2:9 ပူးပေါင်းရင်းမြစ်များ

INṬANNA 39:21

Nisienlakhawm, Lalpa chu Josef kuomah a um pei a, a chungah za a ngai a, intângna in vêngtu khawm ân lunginsiettir a.

INṬANNA 39:4

Chuongchun, Josef chun a pu lunginsietna a hlaw a, ama rawngbâwltuah a um a; chun, ama chu a sûnghai chunga hotuah a siem a, a nei po po a kutah a sie ta vawng a.

1 LALHAI 8:50

chun, i mi i chunga thil suksuoltuhai le nanga chunga an bawsietna kawnga an bawsietnahai po po chu ngaidam la; sala ṭhuoituhai chun anni an lunginsiet theina dingin lunginsietna inneitir la;

EZRA 7:6

hi Ezra hi Babulona inthawk chun a hang fe a: Israel Pathien Lalpain a pêk Mosie dân ziek thiem mi a na; chun, lal khawm chun a Pathien Lalpa kut a chunga a um ang pei chun a hni taphawt chu a phalpêk a.

NEHEMIA 2:8

chun, lal ramhâk vêngtu Asaph inhmutir dingin invêngna kulbîng kawtkhâr kal ding le, khawpui kul ding dâmin, ka va hluo ding ina hmang ding dâmin thing a mi pêk theina dingin lekha mi pe bawk rawh,” ka ti a. Chun, ka Pathien mi ditsakna ang peiin lal chun a mi pêk ta a.

ESTHER 2:12

Nunghâk chu lal Ahasuer kuoma a lût hun a tlung hma chun nuhmeihai ta dinga incheimawina hun ruot thla sâwmpahni a hmang zo ding a na, thla ruk sûng chu mura hriek leh, thla ruk dang chu riminhnik danghai leh.

ESTHER 2:3

Susa khawpuia nuhmeihai inah hieng nunghâk tleirawl hmêl ṭhahai po po hung ṭhuoi khâwm dingin lal hin a rambung sûng po poa dingin hotuhai ruot bawk sien. Anni chu nuhmeihai kawltu, lal mitillâk Hegai enkawlna hnuoiah sie ni hai sien; chun, incheimawina hmangruohai pêk ni bawk hai sien.

ESTHER 5:2

Chun, lalnu Esther chu tuollaia ngîr a hmu chun, a mithmua chun ditsakna a hlaw ta a; chuongchun, lal chun rângkachak hmawl a kuta a chawi chu Esther kuoma chun a lâk kâng ta a. Chuongchun, Esther chu a hung hnai a, rângkachak hmawl hmawr chu a them ta a.

INPÂKNA HLABU 106:46

Sala ṭhuoituhai po po chu, Anni a lunginsiettir a.

THUVARHAI 16:7

Mi a um dânin Lalpa a suklawm chun, A hmêlmahai ngei khawm ama le inrem dingin a siem.

DANIEL 1:9

Chun, Pathien chun Daniel chu mitillâkhai hotu mithmua lunginsietna le ditsakna hlaw thei dingin a siem a.

THILTHAWHAI 7:10

A rinum tuor po poah a san suok pei a, Aigupta ram lal Pharao khawm ân lunginsiettir a, mi vartak a ni ti ân hriettir bawk a. Chuongchun, ama chun Aigupta ram le a ina mi po po chungah hotuin a siem ta a.