ESTHER 2:5 - Pathien Lekhabu Inthieng (BSI)

⁵ Susa khawpuia chun Juda mi, a hming Mordekai, Benjamin mi Kis naupa, Simei naupa, Jair naupa chu a um a;

ESTHER 2:5 ပူးပေါင်းရင်းမြစ်များ

2 SAMUEL 16:5

Chun, lal Davidin Bahurim a tlung chun, ngai ta, Saula sûnghai laia mi Gera naupa a hming Simei a hung suok a, ṭawngsie inphur pum peiin a hung suok a.

2 LALHAI 24:12

chuongchun, Juda lal Jehoiakin chu a nu hai dâm, a mihai dâm, a milienhai dâm, a upahai le chun Babulon lal kuomah an va suok a, chun, ân lal kum riet kumin Babulon lal chun a man ta a.

2 LALHAI 24:15

Chun, Jehoiakin chu Babulonah a ṭhuoi a; chun, lal nu hai, lal nuhmei hai, a upahai dâm, chu rama mihrâthai chu Jerusalema inthawkin Babulonah salah a ṭhuoi a.

ESTHER 1:2

chuong nihaia, lal Ahasuer chu Susa khawpuia, a lalram lalṭhungphaa a ṭhung laiin,

ESTHER 10:3

A chipuihai laia chun thlamuongna thu hrilin, a mihai ta ding thil ṭha zawngin, a unau mi tamtakhai ilâwm le Juda mihai laia ropuitak le lal Ahasuer dawttu, Juda mi Mordekai chu a ni si a.

ESTHER 2:3

Susa khawpuia nuhmeihai inah hieng nunghâk tleirawl hmêl ṭhahai po po hung ṭhuoi khâwm dingin lal hin a rambung sûng po poa dingin hotuhai ruot bawk sien. Anni chu nuhmeihai kawltu, lal mitillâk Hegai enkawlna hnuoiah sie ni hai sien; chun, incheimawina hmangruohai pêk ni bawk hai sien.

ESTHER 2:4

Chun, nunghâk lal suklungâwitu chu Vasti aiah lalnu hung ni raw se,” tiin. Chu thil chun lal chu a suklâwm a, chuong ang tak chun a thaw ta a.

ESTHER 5:1

A ni thum ni chun, Esther chu a lal puonin ân thuom a, lal in zâwn tak, lal in tuollai sûnghnung lema chun a ngîr ta a; lal khawm chu in lûtna zâwn takah, lal ina lalṭhungphaa chun a ṭhung a.

1 SAMUEL 9:1

Benjamin rama Benjamin thlaa mi mi pakhat mi hrât huoisen a um a, a hming chu Kis a nih; ama chu Abiel naupa a na, ama chu Zeror naupa a na, ama chu Bekorath naupa a na, ama chu Aphia naupa a nih.