ESTHER 10:2 - Pathien Lekhabu Inthieng (BSI)

² Chuongchun, a thilthawtheizie le a hrâtna thilthawhai po po le, Mordekai ropuizie chanchin famkim, lalin ama ân kaisângtir nasatzie chu Media le Persia lalhai chanchin ziekna bua chun a chuong a ni naw am a nih?

ESTHER 10:2 ပူးပေါင်းရင်းမြစ်များ

1 LALHAI 11:41

Solomon chanchin danghai le a thilthaw po pohai le a varna dâm chu Solomon thilthawhai ziekna buah a chuong a ni naw am a nih?

1 LALHAI 14:19

Jeroboam chanchin dang, a râl do thu le a rorêl thu chu, ngai ta, Israelhai lalhai inlal lai thu ziekna bua chun a chuong a.

1 LALHAI 22:39

Chuongchun, Ahab chanchin danghai, a thilthaw po pohai, a saiha in bâwl dâm, a khaw siemhai po po chu Israel lalhai inlal lai thu ziekna buah a chuong a ni naw am a nih?

ESTHER 2:23

Chuonga chu thu chu dâwpsuokna siem a hung ni chun, chuong ang ngei chu a ni ti hmusuok a ni ta a, anni chu thinga khai hlum an ni ve ve ta a; chun, lal hmaa chun lal chanchin ziekna bua chun ziek a ni nghe nghe a.

ESTHER 6:1

Chu zân chun lal chu a in thei ta naw a; lal chanchin hriet zing dinga ziekna lekhabu chu hung la dingin thu a pêk a; chuongchun, lal hmaa chun tiem an ni ta a.

ESTHER 8:15

Chun, Mordekai chu lal puon dumpâwl zai inhmi leh, rângkachak lallukhum ropuitak leh, lal silfên dumpâwl le vâra inthuomin lal hmaihmaa chu a fe suok ta a; chuongchun, Susa khawpui chu lâwmin a khêk ta a.

ESTHER 8:2

Chun, lal chun Hamana inthawka a lâk, a kutsebi chu a lâk thlâk a, Mordekai kuoma chun a pêk ta a. Chun, Esther chun Haman in chu Mordekai chu ân enkawltir ta a.

ESTHER 9:4

Mordekai chu lal ina chun ropuitak a ni si a, a chanchin chu rambung po poa chun ân thang a; chu Mordekai chu a hung inṭhang lien tiel tiel el si a.

INPÂKNA HLABU 18:35

Nangin i sandamna phaw chu i mi pêk bawk a: I kut changtiengin i mi kei a, I inngaitlâwmna chun a mi siem lien ta a.

DANIEL 2:48

Chun, lal chun Daniel chu ropuitakin a siem a, thilpêk ropuitakhai a pêk a, Babulon rama mi var po po chunga hotu tak le Babulon biel sûng po poa rorêl dingin a siem ta a.