ESTHER 1:2 - Pathien Lekhabu Inthieng (BSI)

² chuong nihaia, lal Ahasuer chu Susa khawpuia, a lalram lalṭhungphaa a ṭhung laiin,

ESTHER 1:2 ပူးပေါင်းရင်းမြစ်များ

2 SAMUEL 7:1

Chun, lal chu a inah a um a, Lalpain an vêla a hmêlmahai po poa inthawka râlmuonga ân umtir hnung chun,

1 LALHAI 1:46

Chun, Solomon chu hi ram lalṭhungphaa chun a ṭhung ta bawk a.

NEHEMIA 1:1

Hakalia naupa Nehemia thuhai chu: Hieng ang hi a hung na, kum sâwmhnina, Kisleu thlaa, Susa khawpuia ka um laiin,

ESTHER 2:3

Susa khawpuia nuhmeihai inah hieng nunghâk tleirawl hmêl ṭhahai po po hung ṭhuoi khâwm dingin lal hin a rambung sûng po poa dingin hotuhai ruot bawk sien. Anni chu nuhmeihai kawltu, lal mitillâk Hegai enkawlna hnuoiah sie ni hai sien; chun, incheimawina hmangruohai pêk ni bawk hai sien.

ESTHER 2:5

Susa khawpuia chun Juda mi, a hming Mordekai, Benjamin mi Kis naupa, Simei naupa, Jair naupa chu a um a;

ESTHER 3:15

Lekhathawn phurnahai chu lal thupêkin inhmâwtakin a fe suok ta a; chun, thupêk chu Susa khawpuia inthawka siem a ni bawk a: chun, lal le Haman chu zu dâwn dingin an ṭhung a, Susa khawpui sûng ruok chu buoi namênin a buoi naw a.

ESTHER 4:16

“Fe la, Susaa Juda mi umhai po po chu kei khâwm rawh; chun, ka ta dingin bu nghei unla; sûn le zânah, ni thum sûng chu fain dâwn hlek naw ro, ka nunghâkhai le kei khawma chuong ang bawk chun nghei kan ta; chuongchun, dân lo ang ni sien khawm lal kuoma chun lût el ka ta; ka bohmang leh ka bohmang ni el raw se,” tiin.

DANIEL 4:4

Kei Nebukadnezzar hi ka ina chun inhawitakin ka um a, ka lal ina chun chênghnâwngtakin ka um a.

DANIEL 8:2

Chun, thil hmulâwka chun ka hmu a; Hieng ang hi a lo ni a, thilhmulâwk ka hmu lai chun, Elam rama lal in, Susaa chun ka lo um a; thil hmulâwka chun ka hmu a; Ulai vadung kâwlah ka lo um a.