EPHESI 6:9 - Pathien Lekhabu Inthieng (BSI)

⁹ Chun, nangni hotuhai, chuong ang bawkin, anni le nangni hotu chu vânah a um ti le, ama chun mi ditsak bîk a nei nawh ti hrein, vau lovin an chungah thaw ve ro.

EPHESI 6:9 ပူးပေါင်းရင်းမြစ်များ

NEHEMIA 5:5

Ei taksa chu ei unauhai taksa ang bawk a na; ei nauhai khawm an nauhai ang bawk an ni si a; nisienlakhawm, hi, ei naunuhmeihai, ei naupasalhai hi siehlawa um dingin suokah ei inlûttir takngiel ding a ni hi; ei naunuhmei ṭhenkhat lem chu suokah an lût ta nghe nghe a, san ngaina hre nghâl lo me; mihaiin ei huonhai le ei grêp huonhai chu an nei ta si a,” ti dâm an um nuol bawk a.

JOB LEKHABU (THE BOOK OF JOB) 34:19

Lalnauhai khawm inza biklo, Hausahai khawm mi rimsi nêka ngaisâng chuong lotu chu? An rêngin a kutsuokhai an ni si a.

INPÂKNA HLABU 140:12

Lalpa chun rinum tuorhai chu an thuah ṭan a tih ti ka hriet, Pasiehai ro chu indiktakin a rêlpêk hlak.

THUHRILTU 5:8

Mi rimsi chu nêksâwra a um a, rambunga thawluina chun rorêlna le indikna chu lâk hmang i hmu chun, chu thila chun makti naw rawh, hotu insâng chu a nêka insâng lem chun a enthlit zing si a, anni nêka insâng lem khawm chu an la um pei a nih.

ISAI 47:6

Ka mihai chungah ka lunginsen a, ka rochan chu ka sukpawrche a, i kutah pêng ka ti che a, nang chun an chungah lunginsietna hrim hrim în langtir naw a, tarhai chung chena khawm i rîngkawl riktak chu în nghat a.

DANIEL 3:15

tuhin tawtawrâwt dâm, theihle dâm, ṭingṭang dâm, rawsem dâm, perkhuong dâm, baza le rimawi tinrêng ri chu in hriet pha pha, in bawkkhupa milim ka siem chu chibai in bûk ding chun a ṭha; amiruokchu, chibai in bûk naw chun, chu dârkâr sûng ngeia chun meithuk chawklai râpthlâktaka chun peiin um in tih; ka kuta inthawka sansuok ding cheu pathien chu tu am a ni leh?” a ta.

DANIEL 3:6

tukhawm bawkkhup lo a, chibai bûk lo chu, chu dârkâr sûng ngei chun meithuk chawklai râpthlâktaka peilût nîng a tih,” a ti a.

LEVI DÂN 19:13

“I tuolbâwmhai i hnawchêp ding a ni naw a, în rûkpêk ding a ni bawk nawh. Inhlawfa hlaw chu zânkhuoin a zînga chen i hrênpêk ding a ni nawh.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlinhliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai Lalpa chun a tih.

MATTHAI 22:10

Chuongchun, chu suokhai chu an suok a, lampuihaia chun an va fe a, an hmu taphawt, mi suol le mi ṭhahai khawm an ṭhuoi khâwm ta vawng a; chuongchun, inneina ruoi pindan chu mi fiel haiin an lo sip ta a.

MATTHAI 22:8

“Chun, a suokhai kuoma chun, ‘Inneina ruoi inzo a ni tah; fielhai ruok kha chu fa tlâk an ni nawh.

MATTHAI 24:48

Amiruokchu, suok suol chun a lungrilin, ‘Ka pu a hung vak naw ding a nih,’ tiin,

MATTHAI 24:51

tum hni hung insuong a ta, mi vervêkhai chan ang hung inchangtir a tih; chutaka chun ṭap le harâwt chu um a tih.

MATTHAI 7:12

“Chuongchun, thil tinrêng mîn in chunga an thaw dinga in dit ding ang peiin, mi chunga khawm thaw ve ro; chu chu Dân le zâwlneihai thu a ni hrim a nih.

LUKA 6:31

“Chun, mîn in chunga an thaw dinga in dit ang peiin mi chunga khawm thaw ve ro.

JOHAN 13:13

Nangnîn Inchûktirtu le Lalpa in mi ti hlak; in ti indik hle, ka ni ngei hrim a.

THILTHAWHAI 10:34

Peter chun a hril a, “Pathienin mi ditsak bîk a nei nawh ti indiktakin ka hriet;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:11

Pathienin mi ditsak bîk a nei si naw a.

1 KORINTH 1:2

Korintha Pathien kohran umhai, Krista Isua sukthieng, mi inthieng ni dinga kohai kuomah, ram tina ei Lalpa (anni le eini Lalpa) Isu Krista hming lamtuhai po po kuoma leh.

1 KORINTH 7:22

Suoka um Lalpaa ko chu Lalpa insuoktir suok a ni si a, chuong ang bawk chun suok ni lova koa um chu Krista suok a nih.

DÂN PAHNINA 10:17

Lalpa in Pathien chu pathien-hai Pathien, hotuhai Hotu, Pathien ropuitak, hrâttak, ṭiumtak el, tukhawm ditsak bîk nei lo, thamna khawm la ngai lo a ni si a.

KOLOSSA 3:25

Thil indik naw thawtu chun a thil indik naw thaw man hmûng a tih, mi thlier bîkna hrim a um si naw a.

KOLOSSA 4:1

Hotuhai, nangni khawm vânah hotu in nei ti hrein, in suokhai chungah a fel le a mâwitâwk chu thaw ro.

JAKOB 2:13

Mi chunga lunginsietna nei naw chu, lunginsietna ṭhang lova rorêl pêkin um a tih, lunginsietna chu rorêlna chunga chun ân suong hlak a nih.

JAKOB 2:8

Nisienlakhawm, Pathien Lekha thu, “Nang în hmangai angin i vênghai i hmangai ding a nih,” ti lal dân hi in zâwm chun, in thaw ṭha;

JAKOB 5:4

Ngai ta u, in lova bu sîka inhlawfahai hlaw, hlêma in pêk naw kha, a khêk a, a sîktuhai lunginzing khêk ri khawm chu Mipuihai Lalpa naah a hung lût ta a.

1 SAMUEL 15:17

Chun, Samuel chun, “Nanga ngaia chun mi chîntak ni la khawm, Israelhai hotu dinga siem i ni a ni naw am a nih? Chun, Lalpa chun Israelhai lal dingin hriek a nâl che a;