EPHESI 6:5 - Pathien Lekhabu Inthieng (BSI)

⁵ Suokhai, Krista thu zâwm angin, ṭidêk le inthina, lungril sakhat putin, hnuoia in hotuhai thu zâwm ro.

EPHESI 6:5 ပူးပေါင်းရင်းမြစ်များ

INṬANNA 16:9

Lalpa vântirko chun a kuomah, “I pi kuomah kîr nâwk la, a thu thuin um rawh,” a ta.

1 CHANCHIN SUINA 29:17

Ka Pathien, nang chun lungril chu i fie hlak a, felnaa chun lâwmna i nei ti khawm ka hriet a. Keia ngai chun, keia lungril tluongtakin hieng thilhai po po hi ka lo inhlân ta a; tuhin, i mihai hitaka umhai hin phaltaka i kuoma inhlân dingin anni chu hlimtakin ka hmu a nih.

INPÂKNA HLABU 123:2

Ngai ta, siehlawhai mitin an pu kut tieng a en hlak ang le, Siehlawnu mitin a pi kut tieng a en hlak angin, Keini mit khawma Lalpa kan Pathien kuom tieng a en zing a nih, Keini a mi lunginsiet hmakhat chun.

INPÂKNA HLABU 86:11

Aw Lalpa, i lampui chu mîn chûktir la, i thutaka chun um ka tih, I hming ṭi dingin lungril sakhat mîn puttir rawh.

MALAKI 1:6

Sipaihai Lalpa chun in kuomah a hril a, “Aw thiempu, ka hming hmusittuhai, naupa chun a pa ân za a, siehlaw chun a hotu: chuonga pa ka ni chun, khâw lai am inza ka nina? Hotu ka ni chun, khâwlai am ṭi ka nina? Nangni chun, ‘Khâwlai am i hming chu kan hmusit a?’ in ti a.

MATTHAI 6:22

“Taksa khâwnvar chu mit hi a nih; i mit a var chun i taksa a rêngin var suok a tih.

MATTHAI 6:24

“Tukhawmin hotu pahni rawng bâwl kawp thei naw ni hai; pakhat theidain pakhat dit an tih, annawleh, pakhat ṭanin pakhat hmusit an tih. Pathien le sum rawng bâwl kawp thei naw ti niu.

MATTHAI 8:9

Kei khawm mi thua um ka na, ka hnuoiah sipaihai an um a; chu mipa kha mipa chu, ‘Fe rawh,’ ka ti leh a fe hlak; mi dang kuoma khawm, ‘Hung rawh,’ ka ti leh a hung hlak, ka suok kuoma khawm, ‘Ahi thaw rawh,’ ka ti leh a thaw hlak,” tiin a dawn a.

THILTHAWHAI 2:46

Ni tin lungril hmunkhatin Pathien biekina chun ṭhahnemngaitakin an um hlak a, an in tieng khawm bei an khawi a, hlimtak le lungawitakin bu an fâk hlak a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:3

Ka unauhai, taksa tienga ka chipuihai aiin, kei hi Krista kuoma inthawka ṭhe thlâk khawp hiela thusie phurin um lang ka ti lem a nih,

1 KORINTH 2:3

Chun, hrâtnaw le ṭiin, nasataka inthin pumin in kuomah ka um a.

1 KORINTH 7:22

Suoka um Lalpaa ko chu Lalpa insuoktir suok a ni si a, chuong ang bawk chun suok ni lova koa um chu Krista suok a nih.

2 KORINTH 1:12

Kan isuong chu hi hi a nih: kan sie le ṭha hrietna thu inhriettir chu, inthiengna le Pathien indikna neiin, tisa varnaah ni lovin, Pathien lunginsietna lemin, khawvêla hin kan châng kha, nangni tiengah kan châng ṭha nâwk zuol a.

2 KORINTH 7:15

Chun, in rênga thu in awizie dâm, ṭi le inthin puma ama in lo lâwmzie dâm chu hre zingin a lungril chu nangni tieng nasatakin ân lâwm nâwk zuol a nih.

EPHESI 5:22

Nuhmeihai, Lalpa kuoma in intuklût ang hin mani pasalhai kuomah intuklût seng ro.

EPHESI 6:24

Ei Lalpa Isu Krista chuoilova hmangaituhai po po kuomah lunginsietna um raw se.

PHILIPPI 2:12

Chuongchun, ka idittakhai, thu in zâwm rawp ang khan, ka um lai chau ni lovin, tûta ka um naw kâr hin nasa lem hmanin, ṭi le inthin pumin in sandamna thaw suok ro,

PHILEMON 1:16

ama chu suok ang ni lova, suok nêka ṭha, unau dittak ang lemin ka ta dingin dittak a ni bîk a, nanga ta ding lem chun tisaa le Lalpaa chun a va ni nâwk zuol âwm de!

JOSUA 24:14

Chuleiin, Lalpa chu ṭi unla, titakzet le indiktakin a rawng bâwl unla, in thlatuhaiin Vadung râl le Aiguptaa a rawng an bâwl hlak pathienhai kha pei vawng unla, Lalpa rawng chu bâwl ro.

1 PETER 3:2

in chângze inthieng le inzaumtak an hmu pha chun.