EPHESI 6:4 - Pathien Lekhabu Inthieng (BSI)

⁴ Chun, nangni pahai, in nauhai suklungsen naw unla, Lalpa thununna le kâwknaa chun enkawl lem ro.

EPHESI 6:4 ပူးပေါင်းရင်းမြစ်များ

INṬANNA 18:19

Lalpa lampui an hraw theina dingin, a hnunga a nauhai le a sûnghai, thil feltaka thaw ding le rorêl anga thaw dinga thu a pêk theina dingin ama chu ka ruot ta si a, a chungchâng thu a hril chu Lalpain Abraham chunga ân tlungtir theina dingin,” a ta.

1 CHANCHIN SUINA 28:20

Chun, David chun a naupa Solomon kuoma chun, “Insukhrât la, insukhuoi la, thaw el rawh; ṭi naw la, beidawng bawk naw rawh; Lalpa Pathien, ka Pathien ngei chu i kuomah a um si a; Lalpa ina rawngbâwlna sin po pohai chu zo a ni vawng hmakhat chun inhlawsamtir naw ni che a, nghatsan bawk naw ni che.

1 CHANCHIN SUINA 29:19

ka naupa Solomon kuoma khawm, i thupêkhai le, i thu inhriettirhai le, i thuruothai chu zâwm dingin le, hieng thilhai po po hi thaw a, a châkkhai ka lo sielâwk tahai chun lalin bâwl dingin lungril ṭha famkim pe bawk rawh,” a ta.

THUVARHAI 19:18

Beiseina a la um laiin i naupa chu thunun la, A sietna ding êm chun lungril nei naw rawh.

THUVARHAI 22:15

Invêtna hi naupang lungrila chun khuopdein a um a, Amiruokchu, sukdikna hmawl chun amaa inthawka hlatakah hnawthmang a tih.

THUVARHAI 22:6

Naupang chu a hraw ding lampuiah chun inchûktir la, A hung upat hnung khawma chutaka inthawk chu pêt ngai naw nih.

THUVARHAI 29:15

Hmawl le kâwkna hin varna a pêk a, Amiruokchu, naupang a khâta mâksan el hin a nu chu a sukzak hlak.

THUVARHAI 29:17

I naupa chu sukdik la, sâwldamna pêng a ti che, Anih, i lungrila chun lâwmna pêng a ti che.

ISAI 38:19

Mi hringin, mi hringin, anni ngei chun vawisûna ka thaw ang hin inpâk an ti che; Pa chun a nauhai kuomah i thutak chu inhriettir a tih.

EPHESI 6:3

“Chuongchun, i ta dingin ṭhâng a ta, hnuoiah dam sâwt i tih.”

DÂN PAHNINA 4:9

Chuleiin, fîmkhur unla, nguntakin inenkawl phawt el ro, chuong naw chun, in mita in thil hmuhai chu theinghil in ta, in dam sûngin in lungrila inthawk chun bo hlau rawi a tih; in nauhai le in tuhai chen khawm inchûktir hlak ro.

DÂN PAHNINA 6:7

in nauhai ṭhahnemngaitakin inchûktir in ta, in ina in ṭhung lai dâm, lampuia in fe lai dâm, in zâl lai dâm, in tho huna khawm in hril hlak ding a nih.

KOLOSSA 3:21

Pahai, in nauhai suknuor naw ro, chuong naw chun, an bei dawng rawi a tih.

2 TIMOTHE 1:5

Ringna tak tak nangmaa um chu ka hriet zing si a, chu ringna chu a tîrin i pi Loisiah a um a, i nu Eunikiah a um bawk a, nangmaa khawm a um ti indiktakin ka hriet.

2 TIMOTHE 3:15

Krista Isua ringna um lei chun sandamna hmu khawpa sukvar thei che Lekha Inthienghai chu i naupang laia inthawka hre tah i ni kha.

JOSUA 24:15

Chun, Lalpa rawng bâwl hi ṭha awm nawa in hriet chun vawisûn hin tu rawng am a na in bâwl ding thlang el ro; in thlatuhaiin Vadung râla a rawng an bâwl hlak pathienhai kha am a ni, in ihluo ram Amor mihai pathienhai kha? Kei le ka sûnghai ruok hin chu Lalpa rawng a nih kan bâwl ding chu,” a ta.

RORELTUHAI 13:12

Chun, Manoa chun, “I thu ang pei chun hung tlung raw se, naupang umdân ding chu iengtin am nîng a ta, ieng am nîng a ta a thaw ding chu?” a ti a.