EPHESI 6:20 - Pathien Lekhabu Inthieng (BSI)

²⁰ chu kawnga chun ka thu hril ding ang chu huoitaka ka hril theina dingin. Chu Chanchin Ṭha palai khaidiet bun ka nih.

EPHESI 6:20 ပူးပေါင်းရင်းမြစ်များ

THUVARHAI 13:17

Thangko khawhlo chu thil suolah a tlu hlak a, Aiawtu ringum ruok chu a hrisêl a nih.

ISAI 33:7

Ngai ta, an pasalṭhahai chu tuoltieng an khêk a, inremna palaihai chu an ṭap an ṭap a.

ISAI 58:1

“Inringtakin khêk rawh, indawi naw rawh, tawtawrâwt angin i râwl insuo tuor tuor la, ka mihai kuomah an bawsietna chu hril la, Jakob sûnghai kuoma chun an suolnahai chu hril bawk rawh.

JEREMIA 1:17

Chuleiin, nang chun i dier kei la, tho la, thu ka pêkhai po po che kha an kuomah hril rawh; annia chun beidawng naw la, chuong naw chun, an hmaa chun sukbeidawng rawi ka ti che.

JEREMIA 40:1

Nebuzaradan, vêngtu pâwl hotuin ama chu Ramaa inthawka ân fetir a, Juda rama mi le Jerusalema sal intânghai Babulon tienga sala ṭhuoihai laia khaidieta khuopa ama a ṭhuoi hnunga Lalpa kuoma inthawka Jeremia kuoma thu hung tlung chu.

THILTHAWHAI 21:33

Chun, hotu laltak chun a hung hnai a, Paula a chel a, khaidiet pahni inbuntir ding thu a pêk a; tû am a ni, ieng am a thaw ân dawn a.

THILTHAWHAI 26:29

Paula chun, “Sâwt sienla, sâwt naw sienla, nang chau ka ti naw a, vawisûna ka thu hretuhai po po khawm hi, keia ang bawka um dingin Pathien kuomah ka hni a nih, kawlhai ruok hi chu bun ve lovin,” a ta.

THILTHAWHAI 28:20

Chuong kawnga chun nangni inhmupui ding cheuin le inbiekpui ding cheuin ka ko cheu a nih; Israelhai beisei kân ṭâwmpui leia hi khaidiet hi bun ka ni si a,” a ta.

THILTHAWHAI 28:31

Pathien ram thu a hril a, Lal Isu Krista thu khawm huoitakin ân chûktir hlak, tukhawmin ama an khap si naw a.

THILTHAWHAI 5:29

Nisienlakhawm, Peter le tirkohai chun, “Mihriem thu nêkin Pathien thu kan zâwm lem ding a nih.

2 KORINTH 3:12

Chuongchun, chuong ang beiseina chu kan nei leiin iengkim kan hril suok hlak a nih;

2 KORINTH 5:20

Chuongchun, Krista aia palai kan na, Pathienin keini hmangin a ngên cheu ti thei a nih. “Pathien leh hung inrem ro,” tiin Krista aiin kan ngên cheu a nih.

EPHESI 3:1

Chuleichun, kei Paula, nangni Jentailhai leia Krista Isu mi intâng hin.

EPHESI 4:1

Chuongchun, kei Lalpaa mi intâng hin ka ngên cheu, a kona cheu chu phua um dingin,

EPHESI 6:19

Chanchin Ṭha thurûk huoitaka puong dinga ka bau ka ka a, thu inhriltira ka um theina dingin ka ta ding khawmin mi hnipêk ro:

PHILIPPI 1:20

Ka beiseina le ka înhâwkna ang peiin ienga khawm sukmuolphoin um naw ningah a, huoitakin, ka um pângngai ang rawpin, tu khawm hin, hringna leiin amanih, thina leiin amanih, ka taksaa hin Krista chu chawimawiin a um ding a nih.

PHILIPPI 1:7

Nangni po po tienga chuong ang lungril put chu keia ta ding chun a âwm hrim a nih, lungrila ka vawn cheu leiin; ka kawl bunnahai, Chanchin Ṭha thiemna thu ka hrilna le ka sukdetnahaia khawm in rêngin lunginsietna chu a mîn ṭâwmpuituhai in ni si a.

KOLOSSA 4:3

Khuopa ka umna san, Krista thurûk chu hril dinga Pathienin thu ta dinga kawt a mi hawngpêk theina dingin, kei ngei khawm mi ṭawngṭai pêk ro;

KOLOSSA 4:4

ka hril ding ang taka ka puong theina dingin.

1 THESSALONIKA 2:2

thlâwn nêk hmanin, in hriet ta angin, kha hma khan Philippia chun rinum tuor le inzaktaka siemin lo um ta inlang khawm, Pathien Chanchin Ṭha chu, kan Pathiena huoina neiin, dodâlna nasatak kârah, in kuomah kan puong ta lem kha.

2 TIMOTHE 1:16

Lalpa chun Onesiphora sûnghai kuomah zângaina pe raw se; ama chun a mi sukhar rawp a, ka khaidiet bun khawm a mîn zâpui si naw a.

2 TIMOTHE 2:9

Chu Chanchin Ṭha lei chun thil suksuoltu angin khuop hiel khawpin rinumhai ka tuor hlak a nih; nisienlakhawm, Pathien thu chu khuopin a um si nawh.

PHILEMON 1:10

ka nau Onesima, kawl bun puma ka inei ta ding hin i kuomah ka ngênpêk a nih.

PHILEMON 1:9

hmangaina leiin (Paula tarsie rau lo ni tah, tuta Krista mi intâng ni bawk hin) a ngênin ka ngên lem che,

1 JOHAN 3:16

Hitaka hin hmangaina chu ieng am a ni ei hriet, ama chun ei ta dingin a hringna a pêk ta leiin, eini khawmin unauhai ta dingin ei hringna ei pêk ve ding a nih.

JUDA 1:3

Dittakhai, ei ichang tlâng sandamna thu in kuoma ziek ka tum hrâm laiin, mi inthienghai kuoma ringna ṭum khata inkawltira um ta chu hum dinga ṭhahnemngai taka thaw dinga infui ding cheuin, in kuomah lekha ziek a ṭul ti ka lo hriet a.