EPHESI 6:19 - Pathien Lekhabu Inthieng (BSI)

¹⁹ Chanchin Ṭha thurûk huoitaka puong dinga ka bau ka ka a, thu inhriltira ka um theina dingin ka ta ding khawmin mi hnipêk ro:

EPHESI 6:19 ပူးပေါင်းရင်းမြစ်များ

THILTHAWHAI 13:46

Chun, Paula le Barnaba chun huoitakin an hril dawk a, “Pathien thu hi nangni kuoma hril hmasak hrim ding a nih; nisienlakhawm, in lo dang kîr a, chatuona hring tlâk lova in inruot ta hnung chu, hre ro, Jentailhai kuom tieng ngha vê tâng kan tih.

THILTHAWHAI 14:3

Chuleiin, Lalpa thu huoitaka hrilin chutaka chun sâwt rei an um a, ama chun, inchikna le thilmakhai an kuta inthawtirin, a lunginsiet thu ân hriettir hlak a.

THILTHAWHAI 18:26

Chun, inkhâwmna inah huoitakin thu a hril ṭan ta a. Chuongchun, Priskilla le Akuila chun a thu hril an hrietin; an inah an ṭhuoi a, a kuomah Pathien Lam thu fel nâwk zuolin an hrilfie ta a.

THILTHAWHAI 19:8

Chun, Paula chu inkhâwmna inah a lût hlak a, thla thum lai huoitakin thu a hril a, Pathien ram kawng thua chun a sêl a, mi ân hmin hlak a.

THILTHAWHAI 2:4

Chun, an chungah a chuong seng a, an rêngin Thlarau Inthiengin an sip ta vawng a, Thlarauin ân ṭawngtir ang peiin ṭawng danghaiin an hung ṭawng ta a.

THILTHAWHAI 28:31

Pathien ram thu a hril a, Lal Isu Krista thu khawm huoitakin ân chûktir hlak, tukhawmin ama an khap si naw a.

THILTHAWHAI 4:13

Chun, Peter le Johan huoizie chu an hmu chun lekha thiemnaw le mi narân el an nih ti an hrietin, mak an ti hle a; Isu kuomah an um tah ti an hriet ta a.

THILTHAWHAI 4:29

Chuongchun, tuhin Lalpa, an mi vauzie hi ngai ta; i suokhai hi huoitakin i thu inhriltir la,

THILTHAWHAI 4:31

Chun, an ṭawngṭai zo chun an umna in chu a hung inhnîng a, an rêngin Thlarau Inthiengin an hung sip a, huoitakin Pathien thu an hril ta a.

THILTHAWHAI 9:27

Barnaba ruok chun ama chu a ṭhuoi a, tirkohai kuoma chun a hungpui a, lampuia Lalpa a hmua a biekzie dâm, Damaskaa Isu hminga huoitaka a thu a hrilzie dâm khawm chu an kuomah a hril ta a.

THILTHAWHAI 9:29

Chun, Grik ṭawng hmang Judahai lai thu a hril a, a sêl a; anni ruok chun ama chu sukhlum an tum a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:30

Unauhai, tuhin, in mi ṭawngṭai pêknaa chun ṭhahnemngaitaka mi ṭawngṭai pêk dingin Lalpa Isu Krista le Thlarau Inthieng hmangainain ka ngên cheu a nih:

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:25

Tuhin ama chun, ka Chanchin Ṭha hril le, Krista thuhril le, kumkhuoa thurûk inthup suklanga um anga chun nangni a sukhrât thei cheu a.

1 KORINTH 1:5

Iengkimah, thu hril tinrêng le hrietna tinrêngah amaa chun sukhausaa in um thua khan;

1 KORINTH 2:7

Pathien thu var thurûk chu kan hril lem hlak a nih, thu var inthup, ei ropuina dinga Pathienin khawvêl um hmaa a ruot lâwk ta chu.

1 KORINTH 4:1

Keinirawi hi Krista rawngbâwltu le Pathien thurûk enkawltuah miin mi ngai raw hai se.

2 KORINTH 1:11

ṭawngṭaina tamtak dawnnaa malsâwmna kan dawnghai leiin mi tamtakin kan aia lâwmthu hrilna an nei theina dingin nangni khawma ṭawngṭainain mi ṭhangruolpui tlat ro.

2 KORINTH 3:12

Chuongchun, chuong ang beiseina chu kan nei leiin iengkim kan hril suok hlak a nih;

2 KORINTH 6:11

Aw, Korintha mihai, in kuomah kan bau kan ka a, kan lungril kan hawng lien pêk cheu,

2 KORINTH 7:4

Nangni tienga chu ka ṭawng ngamzie hi a nasa a, ka suongzie cheu hi a nasa a nih; thlamuongnain ka sip a, kan rinumna po poa chun hlimin ka sip liem a nih.

2 KORINTH 8:7

Chuongchun, iengkim ringna dâm, thu hril thiemna dâm, hrietna dâm, ṭhahnemngaina po po dâm, in mi hmangaina dâm, in hau ang hin, chu lunginsietna khawm chu in hau theina dingin taimâk suo ro.

EPHESI 1:9

a ditzâwng thurûk, a lungnizâwngtaka amaa thaw a itum chu eini kuomah mîn hriettirin,

EPHESI 3:9

thurûk chatuona inthawka Pathien iengkim siemtua inthupa um enkawlna chu ieng am a ni ti mi po po inhriettir dingin.

KOLOSSA 2:2

An lungrilah thlamuongna nei a, hmangainaa insuikhâwma, kawng tinrêngah hrietchiengna hau a, Pathien thurûk, Krista ngei chu an hrietchieng thei ka nuom a nih.

KOLOSSA 4:3

Khuopa ka umna san, Krista thurûk chu hril dinga Pathienin thu ta dinga kawt a mi hawngpêk theina dingin, kei ngei khawm mi ṭawngṭai pêk ro;

1 THESSALONIKA 2:2

thlâwn nêk hmanin, in hriet ta angin, kha hma khan Philippia chun rinum tuor le inzaktaka siemin lo um ta inlang khawm, Pathien Chanchin Ṭha chu, kan Pathiena huoina neiin, dodâlna nasatak kârah, in kuomah kan puong ta lem kha.

1 THESSALONIKA 5:25

Unauhai, mi ṭawngṭaipêk ro.

2 THESSALONIKA 3:1

A tâwp taka chun,unauhai, kan ta dingin mi ṭawngṭaipêk ro; Lalpa thu hi nangni laia a um ang khan, hrâttaka indara chawimawia a um theina ding le,

1 TIMOTHE 3:16

Chun, Pathien ngaisakna thurûk chu sêl ruol lovin a ropui a nih: “Ama, taksaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

PHILEMON 1:22

Iengkhawm ni sienla, chu chau chu thaw lovin, tlungin ding khawm mi lo buotsaipêk bawk la, in ṭawngṭainahai leiin in kuomah pêk ka ni ding a nih ti ka ring si a.

HEBRAIHAI 13:18

Kan ta dingin mi ṭawngṭaipêk ro, iengkimah feltaka um tumin, sie le ṭha hrietna inthiengtak kan nei ti indiktakin kan inhriet si a.