EPHESI 6:10 - Pathien Lekhabu Inthieng (BSI)

¹⁰ A tâwp taka chun Lalpaa le a hrâtna thahruia chun thilthawtheina neiin um ro.

EPHESI 6:10 ပူးပေါင်းရင်းမြစ်များ

1 CHANCHIN SUINA 28:10

Tuhin fîmkhur la; hmun inthieng ta dinga in bâwl dingin Lalpa chun a ruot ta si che a; insukhrât la thaw nghâl rawh,” tiin.

1 CHANCHIN SUINA 28:20

Chun, David chun a naupa Solomon kuoma chun, “Insukhrât la, insukhuoi la, thaw el rawh; ṭi naw la, beidawng bawk naw rawh; Lalpa Pathien, ka Pathien ngei chu i kuomah a um si a; Lalpa ina rawngbâwlna sin po pohai chu zo a ni vawng hmakhat chun inhlawsamtir naw ni che a, nghatsan bawk naw ni che.

2 CHANCHIN SUINA 15:7

Amiruokchu, insukhrât unla; inthlada naw ro, in sinthaw chu lâwmman pêk in ni ding a ni si a,” tiin.

INPÂKNA HLABU 138:3

Ka ko ni che khan nangin i mi dawn a, Ka hringna sukhrâtin i mîn fui a,

ISAI 40:28

In lungrilin in hriet zing hlak nâwm a nih? In nain in hriet ngai nâwm a nih? Kumkhaw Pathien, Lalpa, kâwlkawdawng chen Siemtu chu, a châu ngai naw a, a sâwl ngai bawk nawzie hi; a hrietthiemzie chu zawng suok ruol a ni nawh.

ISAI 40:31

Lalpa nghâktuhai ruok chun an hrâtna chu siem ṭha nâwk an ta, mupuihai angin thlain hang vuong an ta, sâwl lovin tlân an ta; châu lovin kein fêng an tih.

HAGGAI 2:4

Anachu, Aw Zerubbabel, tuhin insukhrât rawh,’ Lalpa chun a ti a nih; Lalpa chun, ‘Aw Josua, nang Jehozadak naupa thiempu lal, insukhrât la, a rama mi po pohai, insukhrât unla, sin chu thaw ro,’ a tih, nangni lai ka um si a, mipuihai Lalpa chun a tih:

ZEKARIA 8:13

Chun, hnam tinhai laia ṭawngsephur in ni ang khan, aw Juda sûngkuo le Israel sûngkuo, hung sanhim ka ti cheu a, malsâwmna hung ni tâng in tih: ṭi naw unla, in kuthai chu sukhrât phawt phawt el ro,” tiin.

ZEKARIA 8:9

Sipaihai Lalpa chun hieng hin a tih, “Lalpa in, biekin ngei chu, bâwl a ni theina dinga lungphûm phûma a um nia, zâwlnei lo um tahai baua inthawka thuhai vawisûn nia hretuhai, in kuthai chu sukhrât ro.

1 KORINTH 16:13

Invêng unla, ringnaa chun ngîr det unla, insukhuoi unla, hrâttakin um ro,

2 KORINTH 13:11

A tâwp taka chun, unauhai, lâwmtakin um ro. Sukṭhat famkimin um unla, lungmuongtakin um unla, lungril hmunkhat put unla, lunginruoltakin um ro; chuongchun, hmangaina le inremna Pathien chu in kuomah a um ding a nih.

EPHESI 1:19

ama kona beiseina dâm, mi inthienghaia chun a ro hluo ding ropui hauzie dâm, a thahrui hrâtna thaw zie ang peia, keini a ringtuhai tienga a thilthawtheina inkhi ruollova lien Krista chunga a thaw

EPHESI 3:16

A ropuina hauzie ang peiin, a Thlarau zârah mihriem sûngril tienga chun thilthawtheinaa sukhrâta ân umtir theina ding cheu le,

DÂN PAHNINA 31:23

Lalpa chun, Nun naupa, Josua chu ân fui a, “Seltak le huoitakin um rawh khai, Israel mihai chu an kuomah inkhâma ka tiem rama chun i ṭhuoi lût ding a nih; chun, i kuomah um pei ka tih,” a ti a.

PHILIPPI 3:1

A tâwp taka chun, unauhai, Lalpaa chun lâwm ro. Thu pângngai in kuoma ziek rawp hi keia ta ding chun nghawkum a ni nawh, nangni ta dingin a ṭhahnem bawk si a.

PHILIPPI 4:13

A mi sukhrâttu Krista zâra chun iengkim ka thaw thei a nih.

PHILIPPI 4:8

A tâwp taka chun, unauhai, ân dik taphawt dâm, ân zâum taphawt dâm, a fel taphawt dâm, ân thieng taphawt dâm, a ditum taphawt dâm, ân thang mawi taphawt dâm, ṭhatna hrim hrim a um a, inpâkna hrim hrim a um chun, chuong chu ngaituo ro.

KOLOSSA 1:11

hlimtaka selna le dawtheina tinrêng nei dinga a ropuina hrâtzie ang peia hrâtna tinrênga sukhrâta in um theina dingin kan ngênpêk cheu.

2 TIMOTHE 2:1

Chuongchun, nang, ka nau, Krista Isua lunginsietna uma hin suknghetin um rawh.

2 TIMOTHE 4:17

Chanchin Ṭha keima leia hril kima a um theina ding le, Jentailhai po poin an hriet theina dingin, Lalpa chun a mi ṭan a, a mi sukhrât ta lem a nih; chun sakeibaknei baua inthawk kha sansuokin ka lo um ta a nih.

JOSUA 1:9

Hrâttak le huoitakin um rawh; ṭi naw la, zâm bawk naw rawh, Lalpa i Pathien chu i fena taphawtah i kuomah a um pei ding annâwm,”tiin, a hril a.

1 PETER 3:8

A tâwp taka chun, in rêngin lungril hmunkhatin um unla, inlainat tuo unla, unau angin inhmangai unla, lunginsietna nei unla, thuhnuoirawlin um ro.

1 PETER 4:11

Mi tûkhawmin thu a hril chun Pathien thuhai angin hril raw se; mi tûkhawmin rawng a bâwl chun Pathienin hrâtna a pêk ang peiin bâwl raw se; chuongchun, Isu Krista leiin Pathien chu thil iengkimah chawimawiin um thei a tih, ropuina le rorêlna chu chatuona ama ta a ni si a. Amen.

1 PETER 5:10

Chun, lunginsietna po po Pathien, a chatuon ropuina chang dinga Kristaa kotu cheu chun, sâwt nawtê in tuor hnungin siemṭha famkimin, sukdetin, sukhrât a ti cheu.

1 JOHAN 2:14

Nauhai, Pa chu in hriet leiin in kuomah ka ziek a ni kha. Pahai, ama a tîra inthawka um zing chu in hriet leiin in kuomah ka ziek a ni kha. Ruoltharhai, in hrât a, Pathien thu nangniah a um zing a, mi suol chu in hne tâk leiin in kuomah ka ziek a ni kha.

1 SAMUEL 23:16

Chun, Saula naupa Jonathan chu a tho a, Horeshah David kuoma chun a fe a. Pathienah a kut chu a sukhrâtpêk a.