EPHESI 5:8 - Pathien Lekhabu Inthieng (BSI)

⁸ Inhma khan inthim in na, tu ruok hin chu Lalpaa chun var in hung ni ta hi, var nauhai angin um ro,

EPHESI 5:8 ပူးပေါင်းရင်းမြစ်များ

INPÂKNA HLABU 74:20

Thuthlung kha hung pawisa la, Hnuoi hmun inthim lai chu nunsietnain a sip si a.

ISAI 2:5

Aw Jakob sûnghai, hung unla, Lalpa vara hin lêng ei tiu khai.

ISAI 42:16

Mitdelhai chu an hriet ngai naw lampuiah ṭhuoi ka ta, an hriet ngai naw lampuiahai chun ṭhuoi ka tih; an hmaa chun inthim chu varah siem ka ta; lampui kâwi laihai chu suktlûn bawk ka tih. Chuong thil chu thâwng ka ta, anni khawm thlathlam naw ningah.

ISAI 49:6

ama chun, “Jakobhai hnam tungdingna ding le Israelhai laia humhima umhai chu inumtir nâwkna dinga, ka siehlawa i um hi, thil chiterek a la na; Jentailhai sukvartua khawm ruot bawk ka ti che; kâwlkawdawng chena ka sandamna chu a tlung theina dingin,” a ta.

ISAI 49:9

mi intânghai kuomah, ‘Suok ro,’ inthima umhai kuomah, ‘Hung inlang ro,’ titu dingin. Lampuiahai chun fa pei an ta, tlâng insâng kawl vel vulahai po chun an tlatna hmun chu um a tih.

ISAI 50:10

Nangni laia Lalpa chu ṭi a, a siehlaw thuawi chu, tu am a na? Inthima lênga var hrim hrim nei naw chun Lalpa hming chu ring sienla, a Pathien chungah innghat raw se.

ISAI 9:2

Mi inthim hnuoia fehai chun var nasatak an hmu ta a; thina hlim rama umhai chunga ngei chun var a hung var ta a.

JEREMIA 13:16

Tlâng inthimhai chunga in kehai chu ân sui hmain le, inthim ân umtir hma hin Lalpa in Pathien chu chawimawina pe ro; chun, a var in zawng lai chun, ama chun thina hlimah ân changtir a, inthim nasatak el chu a siem ta a.

MATTHAI 3:8

Chuongchun, sim hming input tlâkin ra ro.

MATTHAI 4:16

Inthim hnuoia ṭhunghai chun var nasatak an hmu a, Thina hmun le a hlima ṭhunghai chunga chun, Var a hung suok ta a,” tia a hril kha a hung tlung theina dingin.

LUKA 1:79

Inthim lai le thina hlima inṭhunghai ên ding le, Thlamuongna lampuia ei kehai mîn pêntir dingin,” tiin.

LUKA 16:8

Chun, a pu chun, sum enkawltu fel naw chu a rem hriet leiin ân pâk ta a; var nauhai nêkin khawvêl nauhai hi an tulai dâna hin an var lem a nih.

JOHAN 1:9

Var indik tak mi tin sukvar hlak kha a um a, khawvêlah a hung zing a nih.

JOHAN 12:35

Chun, Isûn an kuomah, “Var hi nangni lai sâwt nawte a la um hri hi, var in nei sûng hin lêng ro, inthimin a nang nawna ding cheuin; tûkhawm inthima lêng chun a fena chin a hriet ngai nawh.

JOHAN 12:36

Var in nei sûng hin var hi ring ro, var nauhai in hung ni theina dingin,” a ta. Chuong thu chu Isûn a hril a, chun, a fe a, an hmu naw dingin ân bihmang a.

JOHAN 12:46

êntu dinga khawvêla hung ka nih, a mi ring taphawt chu inthima an um zing nawna dingin.

JOHAN 8:12

Chun, Isûn an kuomah thu a hril nâwk a, “Kei khawvêl êntu ka nih, tûkhawm a mi zui chu inthimah lêng tawp naw ni; hringna var nei lem a tih,” a ta.

THILTHAWHAI 17:30

Chuongchun, Pathienin ei hriet naw laihai kha hriet naw tehlêm a thaw hlak a; nisienlakhawm, tuhin chu ram tina mi po po sim ding thu a pêk tah a nih, ni a tiem leiin;

THILTHAWHAI 26:18

An mit sukvar dingin an kuomah ka tir che hi, chuongchun, inthim chu var tieng nghatsan an ta, Setan thuneina chu Pathien tieng nghatsan an tih, suol ngaidamna an hmuna dingin le an mi ringna leia inthieng tahai kuomah ro chan an nei ve theina dingin,’ a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:21

Pathien hre zing siin Pathien angin an chawimawi naw a, lâwmthu khawm an hril bawk si nawh. Teplo mei mei an ngaituo lem ta a, an lungril invêt chu a hung inthim ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:12

Zân hi a bo vâng vâng ta a, khuo a var ding a ni tah, chuleiin inthimna thilthawhai chu pei inla, var thuomin inthuom ei tiu khai.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:19

nang ngei chu mitdelhai ṭhuoitu, inthima umhai êntu;

1 KORINTH 1:30

Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.

2 KORINTH 3:18

Chuongchun, keini chu kan rêngin hmai inkhum lovin, hlimen anga Lalpa ropuina sunvarin, ropuinaa inthawka ropui peiin, chu angpui ngeia um dingin, sukdanglamin kan um hlak, Lalpaa (Thlaraua) inthawka kan hmu ang peiin.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.

2 KORINTH 6:14

Awinawhai leh inruolnawtaka rîngkawl bât hmunkhatin um naw ro; rîtlona le felnain ieng am inṭawmna an nei a? Annawleh, inthim le varin ieng am inpâwlna an nei a?

GALATI 5:25

Thlaraua hring ei ni chun, Thlaraua ṭhuoi ang peiin um ei tiu.

EPHESI 2:2

chuongahai chun inhma khan hi khawvêl dân angin in um kha, boruoka thuneina lal, tuta awinaw nauhai sûnga sin thaw zingtu thlarau dân ang hin.

EPHESI 4:18

hrietnawna anniah a um, chu hrietnawna lei chun Pathien hringnaa inthawka ṭhea hung umin, an hrietnaa chun an hung inthim a nih; an lungril a ngawng leiin,

EPHESI 5:2

Chun, Kristain a hmangai cheu a, riminhnik dinga Pathien kuoma thil inhlâna ding le, inthâwinaa ei aia ân pêk ang bawk khan, hmangainaah um ro.

EPHESI 6:12

Ei ibuonhai hi taksa le thisen an ni si naw a; inlalnahai le thuneinahai le, hi inthim chunga khawvêl rorêltuhai le, vân hmunhaia thlarau suol umhai chu an ni lem.

KOLOSSA 1:12

Pa, vara mi inthienghai ro chu inṭâwmpui tlâka mi hung siemtu, kuoma chun lâwmthu hril pei bawkin.

KOLOSSA 1:13

Ama chun inthim thuneinaa inthawka mi sansuokin, a Naupa hmangaitak rama chun a mîn kai tir ta a,

TITA 3:3

Eini khawm inhma khan invêt tak dâm, thu awi naw dâm, hlêma um dâm, châkna le lâwmna tinrêng rawng bâwl dâm, suol le îtthîk hmanga um dâm, tirdakum dâm, intheida tuo dâm ei ni si a.

1 JOHAN 1:7

Amiruokchu, ama chu vara a um angin eini khawm vara um ei ni chun, ei inpâwl tlâng a nih, chun, a Naupa Isu thisenin ei suol po po a mi sâwpfai pêk hlak a nih.