EPHESI 5:29 - Pathien Lekhabu Inthieng (BSI)

²⁹ Tukhawmin, mani taksa a theida ngai si naw a, a châwmin a duot lem hlak a nih.

EPHESI 5:29 ပူးပေါင်းရင်းမြစ်များ

INṬANNA 2:23

Chun, mihriem chun, “Hi zet hi chu ka ru ang ru neia, ka tisa ang tisa nei ngei chu a nih; Pasala inthawka lâk suok a ni leiin, ‘Nuhmei’ ti ding nîng a tih,” a ta.

THUVARHAI 11:17

Mi zainêmtak chun a lungril ta ding ngeiin thil ṭha a thaw a, Mi rilo ruok chun ama tisa ngei a sukbuoi.

THUHRILTU 4:5

Mi invêt chun a kuthai a kuo a, ama taksa ngei chu a fâk a.

ISAI 40:11

Ama chun berâm vêngtu angin a pâwl chu châwm a ta, berâmtehai chu a bânin pawm khâwm a tih, a ângsûnga siein fepui a ta, te ṭhuoi laihai chu damtêin ṭhuoi diel diel a tih,” ti rawh.

EZEKIEL 34:27

Loa thinghai chun ra hung insuong an ta, leihnuoi khawma a hlâwkna hung insuo bawk a tih; chun, an ram sûnga chun him an ta, an rîngkawl thîrtluonhai ka suktliek a, an rawng an bâwlpêkhai kuta inthawka ka sansuok pha chun Lalpa chu ka nih ti mi hre tâng an tih.

MATTHAI 23:37

“Aw Jerusalem, Jerusalem! zâwlneihai thattu, i kuoma an hung tirhai lunga lo dêng hlumtu, ârpuiin a têhai a thla hnuoia a awp khâwm angin, i nauhai vawi iengzât am awp khâwm ka tum a! Nisienlakhawm, in nuom si nawh.

MATTHAI 6:26

“Chunglêng vatehai hi en ta u; bu an tu naw a, an sîk bawk naw a; bu ina khawm an sêklût bawk nawh, nisienlakhawm, in Pa vâna mi chun a châwm si a. Nangni chu anni nêkin nasatakin in hlu lem a ni naw am a nih?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:31

hrietthiemna bo, thu tiem bawsietuhai, piengpui lunginsietna nei naw mihai, lunginsietna nei naw mihai an lo ni ta a;

EPHESI 5:28

Chuong ang bawkin pasalhai khawmin mani taksa angin mani nuhmeihai chu an hmangai ding a nih. Mani nuhmei hmangaitu chu mani inhmangai a nih.

EPHESI 5:30

Kristain kohran a châwma a duot ang hin; a taksa pênghai ei ni si a.

EPHESI 5:31

“Chuleiin, pasalin a nu le pa mâksanin a nuhmei chel a ta, chun, an pahni chun tisa pumkhat hung ni tâng an tih.”