EPHESI 5:25 - Pathien Lekhabu Inthieng (BSI)

²⁵ Pasalhai, in nuhmeihai hmangai ro, Kristain kohran a hmangai a, a aia ama ân pêk ang khan,

EPHESI 5:25 ပူးပေါင်းရင်းမြစ်များ

INṬANNA 2:24

Chuleiin, pasalin a nu le pa mâksan a ta, a nuhmei chel a tih, chuongchun, tisa pumkhat hung ni tâng an tih.

INṬANNA 24:67

Isak chun Rebeka chu a nu Sara puon ina chun a ṭhuoi lût a; chun, Rebeka chu a nei a, a nuhmei a hung ni ta a; chun, ama chu a hmangai hle a, chuongchun, Isak chu a nu thi thua khawm chun a hung thlamuong thei ta a.

2 SAMUEL 12:3

mi pasie ruok khan chu berâmte alâ chiterek pakhat ân châwk, a ivai pakhat bak naw chu iengkhawm a nei naw a, a kuoma a nauhai le khawsa an na, a thlêng awtpui le a no inṭâwmpui, a ângsûnga um, a naunuhmei ang chiea a ngai a nih.

HLAHAI HLA 1:11

Rângkachak ṭhi hrui, Tangkaraw sûngphûm nei siempêk kan ti che.

MATTHAI 20:28

Mihriem Naupa hi rawngbâwlpêka um dinga hung a ni naw a, rawngbâwl ding le mi tamtak intlanna dinga, a hringna pe lem dinga a hung ang hin,” a ta.

JOHAN 6:51

Kei hi vâna inthawka bei hring hung ṭum chu ka nih, tûkhawmin hi bei hi a fâk chun chatuonin hring zing a tih, anih, khawvêl hringna dinga ka ipêk ding bei chu, ka taksa hi a nih,” a ta.

THILTHAWHAI 20:28

Pathien kohran ama thisena a inchâwk chu, châwm dingin, nangni le inrawihai po po chunga chun fimkhur ro, Thlarau Inthiengin an chunga hotuin a siem cheu hi.

GALATI 1:4

ama chun ei Pathien le ei Pa remtizâwngin tulai khawvêl suoltaka a mi san suok theina dingin, ei suolhai aiin ama ân pêk ta si a;

GALATI 2:20

Krista kuomah hemdein ka um tah. Nisienlakhawm, ka hring a nih, kei ruok chu ka ni ta naw a, Krista chu keimaah a hring lem a nih; chun, tuta taksaa ka hring hi ringnaa hring ka nih, Pathien Naupa, mi lunginsiettu, ka aia inpetu ringnaa chun.

EPHESI 5:2

Chun, Kristain a hmangai cheu a, riminhnik dinga Pathien kuoma thil inhlâna ding le, inthâwinaa ei aia ân pêk ang bawk khan, hmangainaah um ro.

EPHESI 5:24

Chuongchun, kohran chu Krista kuoma ân tuklût ang bawkin, nuhmeihai chu iengkimah an pasalhai kuomah intuklût raw hai se.

EPHESI 5:28

Chuong ang bawkin pasalhai khawmin mani taksa angin mani nuhmeihai chu an hmangai ding a nih. Mani nuhmei hmangaitu chu mani inhmangai a nih.

EPHESI 5:33

Iengkhawm ni sien la, nangni laia mi tûkhawmin mani ân hmangai ang bawkin, mani nuhmei hmangai seng raw hai se; nuhmei khawm chu a pasal ṭi dêk dingin fimkhur raw se.

KOLOSSA 3:19

Pasalhai, in nuhmeihai hmangai unla, an kuomah vîn naw ro.

1 TIMOTHE 2:6

mi po po intlanna dinga inpe chu a nih; chu chu a hun tak peia inhriettirin a um ding a nih;

1 PETER 3:7

Nangni pasalhai, chuong ang bawkin, nuhmei hi bêl kawi awl lem an ni lei le, lunginsietna hringna chu changpuitu an ni hre zingin, chawimawi pumin in nuhmeihai kuomah um ro, in ṭawngṭainahai hluoa a um nâwna dingin.

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,

THUPUONGSUO 5:9

Chun, hla thar an sak a, “Nang lekhabu chu laa, A închiknahai sût tlâk i nih; Thatin i um ta a, Chi tina mi dâm, ṭawng tina mi dâm, Mi tina mi dâm, hnam tina mi dâm, Pathien ta dingin i thisenin închâwk a,