EPHESI 5:20 - Pathien Lekhabu Inthieng (BSI)

²⁰ Ei Lalpa Isu Krista hmingin, Pathien, Pa ngei kuoma chun, iengkim chungah lâwmthu hril ro.

EPHESI 5:20 ပူးပေါင်းရင်းမြစ်များ

JOB LEKHABU (THE BOOK OF JOB) 1:21

“Ka nu phîng sûnga inthawkin saruokin ka hung suok a, saruok bawkin kîr nâwk ka tih; Lalpa chun a pêk a, Lalpa chun a lâk hmang nâwk tah a ni chu; Lalpa hming chu inpâkin um raw se,” a ta.

INPÂKNA HLABU 34:1

Ienglai khawmin Lalpa chu inpâk ka ta, Ama inpâkna chu ka bauah suok rawp a tih.

ISAI 63:7

Lalpain thil iengkima a mi vur ang peiin Lalpa zainêmzie thuhai le Lalpa inpâkna thuhai chu hril ka tih; a lunginsietnahai ang pei le a zainêmna nasatzie ang peia Israel sûnghai chunga a ṭhatna nasataka an chunga a vur thu khawm kha hril bawk ka tih.

JOHAN 15:16

Nangnîn in mi thlang naw a, keiin ka thlang lem cheu a nih. Fea, ra insuo ding le in ra chu um zing dingin ka ruot cheu a nih, ka hminga Pa kuoma in hni taphawt a pêk theina ding cheuin.

THILTHAWHAI 5:41

Chuongchun, rorêltuhai laia inthawk chun an suok a, chu hming leia muolphona tuor tlâka ruot an ni leiin an lâwm hle a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:8

A hmasatakin, khawvêl po poah in ringna thu ân thang leiin in rênga chunga ka lâwm thu, Isu Krista zârah ka Pathien kuomah ka hril a nih.

1 KORINTH 1:4

Krista Isua Pathien lunginsietna in kuoma pêka um lei khan in chungthuah Pathien kuomah lâwmthu ka hril rawp hlak a nih.

1 KORINTH 15:24

Chu hnunga chun a tâwp chu la hung tlung a tih, chu pha chun rorêlnahai po po le thuneina thilthawtheina po pohai a sukbo hnungin, Pathien kuomah, Pa kuoma ngei chun ram chu pêng a tih;

EPHESI 5:4

zâmaw dâm, thu teplo dâm, fiemthu dâm khawm, chuong chu a mawi naw a nih; chuong ti nêk chun lâwmthu hril lem ro.

PHILIPPI 1:3

Ka hrietsuok po cheu leh ka Pathien kuomah lâwm thu ka hril hlak a,

PHILIPPI 4:6

Iengkimah ṭawngṭaina le hninain, lâwmthu hrilsa peiin in dithai chu Pathien kuomah inhriettirin um lem raw se.

KOLOSSA 3:17

Chun, in thaw taphawt chu, thu hril amanih, thil thaw amanih, ama zârah Pa Pathien kuomah lâwmthu hril pumin Lalpa Isu hmingin thaw vawng ro.

1 THESSALONIKA 3:9

Ei Pathien hmaah in chunga kan hlimna po po lei hin, nangni tieng thuah ieng lâwmthu am Pathien kuomah hril ve thei kan ti aw?

1 THESSALONIKA 5:18

iengkimah lâwmthu hril rawp ro; chu chu nangni tieng thuah Krista Isua chun Pathien dit zâwng a ni si a.

2 THESSALONIKA 1:3

Unauhai, nangni chungthua hin Pathien kuomah lâwmthu hril rawp ding hi kan ni hrim a; chu chu a âwm hrim a nih, in ringna chu nasataka inṭhang lienin, in rênga in inhmangai tuo sengna chu a pung nâwk zuol si a.

2 THESSALONIKA 2:13

Unau, Lalpa idittakhai, Thlarau isukthiengnaa le thutak ring leia sandama um dingin a tîra inthawka Pathienin a thlang cheu leiin, in chungthua hin Pathien kuomah lâwmthu hril rawp ding hrim kan nih.

HEBRAIHAI 13:15

Chuongchun, ama zâra chun inpâka inthawina hi Pathien kuomah inhlân rawp ei tiu; chu chu a hming ṭanna hmûr rahai chu a nih.

1 PETER 2:5

ama kuoma chun hungin, nangni khawm lung hringhai angin thlarau tieng ina remin in um, Isu Krista zâra Pathien lâwm zâwng thlarau tieng inthâwina inhlân dinga, thiempu inthienghai in hung nina dingin.

1 PETER 4:11

Mi tûkhawmin thu a hril chun Pathien thuhai angin hril raw se; mi tûkhawmin rawng a bâwl chun Pathienin hrâtna a pêk ang peiin bâwl raw se; chuongchun, Isu Krista leiin Pathien chu thil iengkimah chawimawiin um thei a tih, ropuina le rorêlna chu chatuona ama ta a ni si a. Amen.