EPHESI 5:2 - Pathien Lekhabu Inthieng (BSI)

² Chun, Kristain a hmangai cheu a, riminhnik dinga Pathien kuoma thil inhlâna ding le, inthâwinaa ei aia ân pêk ang bawk khan, hmangainaah um ro.

EPHESI 5:2 ပူးပေါင်းရင်းမြစ်များ

INṬANNA 8:21

Chun, Lalpain riminhnik chu a hriet a; chun, Lalpa chun a lungrilin, “Hnuoi chu mihriem lei chun ṭawngsie inphur nâwk ta naw ning, mihriem lungril ngaituonahai chu an chîntea inthawkin a suol si a; tuta ka hrem ang hin thilsiem hringna nei tinrêng chu hrem nâwk ta ngai nâwng ka tih.

FESUOKNA 29:18

berâmchal chu a pumin maichâm chunga chun rawng i tih: Lalpa kuoma pumrawhmang thilinhlân a na, Lalpa kuoma meia thil inhlân riminhnik a nih.

FESUOKNA 29:25

Chun, chuong chu an kuthaia inthawkin lâng i ta, Lalpa hmaa riminhnik dingin, maichâm chunga chun pumrawhmang thilinhlânin raw hmang i tih: Lalpa kuoma meia thilinhlân a nih.

LEVI DÂN 1:13

a sûnghai le a kehai ruok chu tuiin sâwp a ta, a pumin thiempu chun inhlân a ta, maichâma chun a raw ding a nih; Lalpa ta dinga riminhniktak, mei hmanga pumrawhmang thilinhlân a nih.

LEVI DÂN 1:17

A thla le a thla inkârah thlêr a ta, a puma thlêr suok ruok chu ni lovin; chun, thiempu chun maichâmah, mei chunga thinga chun a raw ding a nih; chu chu Lalpa ta dinga riminhniktak, mei hmanga thilinhlân, pumrawhmang thilinhlân a nih.

LEVI DÂN 1:9

a sûnghai le a kehai ruok chu tuiin sâwp an ta; thiempu chun Lalpa ta dinga rim inhniktak, mei hmanga thilinhlân pumrawhmang thilinhlân dingin a pum chun maichâma chun a raw ding a nih.

LEVI DÂN 3:16

Chun, thiempu chun chuonghai chu, riminhnik dingin, mei hmanga thilinhlânin maichâma chun a raw ding a nih. A thâu po po chu Lalpa chanpuol a nih.

AMOS 5:21

In ruoiṭhehai ka theidain ka hmusit a, in inkhâwmpui ursûnahai chun lâwm bawk naw ning.

NAMBAR 7:21

pumrâwhmang thilinhlâna dingin bâwngchal tuoi pakhat, berâmchal pakhat, berâmte a chal kum khat mi pakhat;

MATTHAI 20:28

Mihriem Naupa hi rawngbâwlpêka um dinga hung a ni naw a, rawngbâwl ding le mi tamtak intlanna dinga, a hringna pe lem dinga a hung ang hin,” a ta.

JOHAN 13:34

“Thupêk thar ka pêk cheu hi, inhmangai tuo unla; keiin ka hmangai ang cheu hin, nangni khawm inhmangai tuo ro.

JOHAN 6:51

Kei hi vâna inthawka bei hring hung ṭum chu ka nih, tûkhawmin hi bei hi a fâk chun chatuonin hring zing a tih, anih, khawvêl hringna dinga ka ipêk ding bei chu, ka taksa hi a nih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:16

Jentailhai inhlânna chu, Thlarau Inthieng sukthienga lâwmtlâk an ni theina dingin Pathien Chanchin Ṭha kawngah thiempu sin ka thaw a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:25

Chu Isu chu ei suolna leiin inmantirin a um a, thiem ei changna dingin keithoin a um bawk a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:3

Tisa leiin Dân chu a hrât naw a, a thaw thei ruol naw chu Pathienin ama Naupa ngei tisa suol ang putin suol thawina dinga hung tirin, tisaa suolna um chu thiemnaw ân changtir tah a nih,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:37

Ṭhe lo e! chuong po poa chun, a mi hmangaitu lei chun ropuitaka hnetu ei nih.

1 KORINTH 16:14

In thaw taphawt chu hmangainaa thaw ni raw se.

1 KORINTH 5:7

Chawlṭhanglo in ni ang bawkin bei tlang thar in ni theina dingin chawl hlui chu zenfai ro. Ei Fekân Ruoiṭhena ding khawm an that ta si a, Krista ngei chu;

2 KORINTH 2:14

Nisienlakhawm, Kristaa hnênaa mi ṭhuoi rawptu le keini hmanga hmun tina ama hrietna rim inhriettirtu Pathien kuoma chun lâwmthu um raw se.

2 KORINTH 2:15

Sandam mêkhaia le, bohmang mêkhaia chun, Pathien ta dingin Krista rim inhnik kan ni si a,

2 KORINTH 8:9

Ei Lalpa Isu Krista lunginsietna chu, a rimsik leia in hung hausak theina dingin, hausa sienla khawm nangni lei ngeiin a lo rimsi ta kha in hriet si a.

GALATI 1:4

ama chun ei Pathien le ei Pa remtizâwngin tulai khawvêl suoltaka a mi san suok theina dingin, ei suolhai aiin ama ân pêk ta si a;

GALATI 2:20

Krista kuomah hemdein ka um tah. Nisienlakhawm, ka hring a nih, kei ruok chu ka ni ta naw a, Krista chu keimaah a hring lem a nih; chun, tuta taksaa ka hring hi ringnaa hring ka nih, Pathien Naupa, mi lunginsiettu, ka aia inpetu ringnaa chun.

EPHESI 1:4

Hmangainaa inthieng le, sawisêlboa ama hmaa ei um theina dingin leilung insieng hmain Kristaa chun a mi thlang a.

EPHESI 3:17

Krista chu ringna leia in lungril sûnga a chêng theina dingin; chuongchun, hmangainaa zung kei le, innghatna neia umin,

EPHESI 3:19

Krista hmangaina hriet phâk lo hriet theina nei a, Pathien famkimna tinrênga suksipa in um theina dingin.

EPHESI 4:15

hmangaia thu diktak hrilin, iengkimah amaah inṭhang lien thei lem ei tih; ama chu Lu a na, Krista chu.

EPHESI 4:2

inngaitlâwmna le thuhnuoirawlna po po neia, hmangainaa indâwtuo puma dâwtheina neia,

EPHESI 5:15

Chuongchun, mi varnawhai anga um lovin, mi varhai anga um lemin, in um dânah fîmkhur ro.

EPHESI 5:25

Pasalhai, in nuhmeihai hmangai ro, Kristain kohran a hmangai a, a aia ama ân pêk ang khan,

DÂN PAHNINA 27:6

Lalpa in Pathien maichâm chu lung sut lovin in siem ding a nih; chutaka chun Lalpa in Pathien ta dingin pumrawhmang thilinhlânhai dâm inhlân in ta; inremna thilinhlân dâmin inthâwi in tih;

PHILIPPI 4:18

Nisienlakhawm, iengkim ka nei a, ka hau a nih: Epaphrodita kuta in iengkhat hung inphurhai kha ka lo hmu a, ka phuiinsui tah. Chuongchu thil riminhnik rim, inthâwina dawn tlâk, Pathien lâwm zâwng a nih.

KOLOSSA 3:14

Chun, chuong po po chunga chun hmangaina inbel ro, chu chu khuop famkimna a nih.

1 THESSALONIKA 4:9

Amiruokchu, unauhai, hmangai kawng thu chu ziek pêk cheu in ngai nawh, inhmangai tuo dingin nangni ngei Pathien inchûktirin in um si a.

1 TIMOTHE 2:6

mi po po intlanna dinga inpe chu a nih; chu chu a hun tak peia inhriettirin a um ding a nih;

1 TIMOTHE 4:12

I naupangna tûkhawmin ngainêp naw raw hai seh, thu hril kawnga dâm, chângzie kawnga dâm, hmangaina kawnga dâm, ringna kawnga dâm, inthiengna kawnga dâm, ringtuhai sukhmutu ni lem raw khai.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.

HEBRAIHAI 8:3

Thiempu Laltak taphawthai chu thilpêk le inthawinahai inhlân dinga ruot an ni si a; chuongchun, hi Thiempu Laltak khawm hin ieng amani bêk inhlân ding nei a ngai a nih.

HEBRAIHAI 9:14

Krista, chatuona Thlarau hmêlhem lova Pathien kuoma inhlân thisen chun Pathien hring rawng bâwl dingin in sie le ṭha hrietna chu thilthaw thihaia inthawk chun a va sukthieng nasa âwm de!

HEBRAIHAI 9:23

Chuongchun, vâna thil um anghai chu sukthiengin a um hrim ding a nih, vân thil taktakhai ruok chu chuong nêka inthawina ṭha lem haiin sukthiengin a um ding a nih.

HEBRAIHAI 9:26

chuongchu ni naw sienla leilung insieng tira inthawk vawi tamtak a tuor ta ding a na; nisienlakhawm, tulai hun tâwpa hin inthâwina dinga inhmang fâwmin, suol sukbona dingin vawi khatah a hung inlang ta nghâl a nih.

1 PETER 4:8

Ieng dang nêkin, ṭhahnemngaitakin inhmangai tuo lem ro; hmangaina chun suol tamtak ân khum hlak si a.

1 JOHAN 3:16

Hitaka hin hmangaina chu ieng am a ni ei hriet, ama chun ei ta dingin a hringna a pêk ta leiin, eini khawmin unauhai ta dingin ei hringna ei pêk ve ding a nih.

1 JOHAN 3:23

A thupêk chu hi a nih, a Naupa Isu Krista hming awi inla, amain thu a mi pêk angin inhmangai tuo bawk inla.

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,

THUPUONGSUO 5:9

Chun, hla thar an sak a, “Nang lekhabu chu laa, A închiknahai sût tlâk i nih; Thatin i um ta a, Chi tina mi dâm, ṭawng tina mi dâm, Mi tina mi dâm, hnam tina mi dâm, Pathien ta dingin i thisenin închâwk a,