EPHESI 5:15 - Pathien Lekhabu Inthieng (BSI)

¹⁵ Chuongchun, mi varnawhai anga um lovin, mi varhai anga um lemin, in um dânah fîmkhur ro.

EPHESI 5:15 ပူးပေါင်းရင်းမြစ်များ

2 SAMUEL 24:10

Chun, mihriem an hang tiem zo chun David lungril chu a na ta hle el a. David chun Lalpa kuomah, “Ka thilthawa hin nasatakin ka lo suol tah a nih; nisienlakhawm, tuhin aw Lalpa, i siehlaw rîtlona hi sie hmang dingin ka ngên che, invêttakin ka lo thaw tah a nih,” a ta.

JOB LEKHABU (THE BOOK OF JOB) 2:10

Nisienlakhawm, ama chun a kuomah, “Nuhmei invêt thuhril angin thu i hril a nih. Pathien kuta inthawka thil ṭha ei hmu chun, thil ṭha naw khawm ei hmu naw ding am a nih?” a ta. Hieng thilhai po poa khawm hin Job chun a hmûrhai khawmin thil a suksuol naw a.

INPÂKNA HLABU 73:22

Mi mâwl le iengkhawm hre lo ka na, I kuoma chun sa ang el ka ni hiel hlak kha.

FESUOKNA 23:13

I kuoma ka hril ta po po hi pawisa la, pathien danghai hming hrim chu lam naw la, i baua inthawkin hriet khawm ni bawk naw raw se.

THUVARHAI 14:8

Mi var varna chu a lampui hrietthiem chu a na, Mi invêt invêtna ruok chu khêlthu chu a nih.

THUVARHAI 15:21

Mi lungril bo ta ding chun invêtna hi hlimum a na, Mi hrietthiemna nei mi ruok chun a fena chu a suktlûn hlak.

MATTHAI 10:16

“Ngai ta u, satenehai laia berâm um angin ka tir cheu hi; chuongchun, rûl anga vara, vaṭhu anga pawi tâwklovin um unla.

MATTHAI 25:2

Anni lai chun panga an var a, panga an invêt a.

MATTHAI 27:24

Chuongchun, Pilatin iengkhawm thaw thei loa buoi tieu tieu ding a nih ti a hrietin, tui a lâk a, mipui hmaa chun a kut a sâwp a, “Hi mi fel thisena hin kân thieng; nangnîn in thaw thawin thaw ro,” a ta.

MATTHAI 27:4

“Mi thiem thisen kân mantir kha thil ka suksuol a nih,” a ta. Anni ruok chun, “Chu chu kan ta dingin ieng am pawi a ta? Nangin i thaw thawin thaw rawh,” an ti san a.

MATTHAI 8:4

Chun, Isûn a kuomah, “Tukhawm hril lo dingin fîmkhur raw aw; amiruokchu, thiempu kuomah vân entir la, Mosiein pêk dinga a ruothai kha inhlân rawh, an hriet felna dingin,” a ta.

LUKA 24:25

Chun, ama chun an kuomah, “Mi invêthai, zâwlneihai thu hril po po awi kawnga ngawnghai!

1 KORINTH 14:20

Unauhai, lungril tieng naupang naw ro; nisienlakhawm, suol kawnga chu nautê ang ni unla, lungril tienga chun puitling ro.

GALATI 3:1

Aw, nangni Galati mi invêthai, tûin am a dâwi cheu a, in mithmu ngeiah Isu Krista chu hemdein chiengtaka inlangtir a ni vei leh?

GALATI 3:3

Thlaraua ṭan ta siin tisain in zo ding a ni maw?

EPHESI 5:2

Chun, Kristain a hmangai cheu a, riminhnik dinga Pathien kuoma thil inhlâna ding le, inthâwinaa ei aia ân pêk ang bawk khan, hmangainaah um ro.

EPHESI 5:33

Iengkhawm ni sien la, nangni laia mi tûkhawmin mani ân hmangai ang bawkin, mani nuhmei hmangai seng raw hai se; nuhmei khawm chu a pasal ṭi dêk dingin fimkhur raw se.

PHILIPPI 1:27

Iengkhawm ni sienla, in um dân chu Krista Chanchin Ṭha leh inmawi phawt raw se. Chuongchun, nangni hung kan inla cheu khawm, in kuomah um naw lang khawm, thlarau hmunkhata ngîr tlatin, lungril hmunkhata Chanchin Ṭha ringna thu ṭana thâtak sangin in um ti in chanchin lo hre thei ka tih.

KOLOSSA 1:9

Chuleichun, Thlarau tieng varna le hriet theina po poa a dit zâwng hrietnaa chun in hung sip theina dingin, kan hriet nia inthawk chu keini khawma ṭawngṭai le hnipêk cheu kan ma nawh.

KOLOSSA 4:5

Remchângna inchaw peiin puotienga mihai lai chun vartakin um ro.

1 THESSALONIKA 5:15

Tûkhawmin tu suol khawm suola thung lo dingin fîmkhur ro; thil in inthawpêk tuona tieng le, mi po po chunga in thawpêkna tienga khawm a ṭha taphawt chu hnawt lem rawp ro.

1 TIMOTHE 6:9

Amiruokchu, hausak tumtuhai chu thlêmnaa dâm, chânga dâm, invêtthlâk le sukkhawhlo thei inhâwkna tamtaka dâm an tlu lût a, chuong inhâwknahai chun sietna le bohmangnaah mi a suktlum hlak.

HEBRAIHAI 12:25

Thu hriltu chu lo dit naw rawi in tih, fimkhur ro. Hnuoia anni kâwk hmasatu kha an dit naw hmana, hremna an pumpel si naw chun, eini vâna inthawka mi kâwktu nghatsantuhai hin pumpel naw nâwkzuol ei tih.

JAKOB 3:13

Nangni lai tû am vara, thu hre thei a um a? Thuhnuoirawltak le vartakin a thilthawhai a um dân ṭhain inentir raw se.

1 PETER 1:22

Unauhai hmangai taktak dingin, thutak zâwma in thlarau in sukthieng ta leiin lungrila ṭhahnemngaitakin inhmangai tuo ro.

THUPUONGSUO 19:10

Chuongchun, Pathien chibai bûka bûk dingin a ke bulah ka bawkkhup a. Chun, ama chun ka kuomah, “Hienghin thaw naw raw khai, kei chu nangma le i unau, Isu inhriettirna thu pawmhai suok chanpui ka ni annâwm; Pathien chibai bûk lem rawh; Isu inhriettirna thu chu thu hrilna thlarau a ni si a,” a ta.