EPHESI 5:14 - Pathien Lekhabu Inthieng (BSI)

¹⁴ suklanga um taphawt chu var a ni si a. Chuleiin, “Nang a in! meng la, Mithi laia inthawkin tho rawh. Chuongchun, Krista chun, Hung ên var a ti che,” a ti kha.

EPHESI 5:14 ပူးပေါင်းရင်းမြစ်များ

ISAI 26:19

I mithihai chu hring nâwk an ta, an ruonghai chu tho nâwk an tih. Pilvuta umhai, har unla, hlimtakin hla sak ro, i daidâw chu thlaihai daidâw ang a na, hnuoi hin mithihai chu a pei suok ding a ni si a,” ti hi.

ISAI 51:17

Aw Jerusalem, Lalpa kuta inthawka a lunginsenna noa mi dâwntunu, har la, har la, tho rawh, nang chun pêm pêmna no berbua mi chu i dâwn a, i dâwn fai rêt a.

ISAI 52:1

Aw Zion, har la, har la, i hrâtna inbel rawh; aw Jerusalem, khawpui inthieng, i silfên mawitakhai chu inbel rawh; tuta chen chu sertanlo le mi pawrche chu i sûngah an lût ta âwm si naw a.

ISAI 60:1

Tho la, var rawh, i var chu a hung tlung a; Lalpa ropuina chu i chungah a hung suok ta hi.

LUKA 1:78

Ei Pathien lunginsietna leiin, Chungtienga inthawkin nisa suokin mi hung sir a ta,

LUKA 15:24

hi ka naupa hi a thi a, a hung hring nâwk tah a ni hi; ân hmang a, ei hmu nâwk tah a ni hi,’ a ta. Chuongchun, hlimtakin an um ṭan ta a.

JOHAN 8:12

Chun, Isûn an kuomah thu a hril nâwk a, “Kei khawvêl êntu ka nih, tûkhawm a mi zui chu inthimah lêng tawp naw ni; hringna var nei lem a tih,” a ta.

JOHAN 9:5

Khawvêla ka um sûngin khawvêl êntu ka nih,” a ta, a dawn a.

THILTHAWHAI 13:47

Chuong ang chun Lalpain thu a mi pêk a nih. ‘Jentailhai sukvartuah ka ruot che, Kâwlkawdawng chena sandamna in tlun theina dingin,’ ti ziek ang khan,” an ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:13

In taksa pênghai khawm fel nawna hriemhrei dingin suolna kuomah pe phal bawk naw ro; nisienlakhawm, mithi laia inthawka hring nâwk angin Pathien kuomah inpe unla, in taksa pênghai khawm chu felna hriemhrei dingin Pathien kuomah pe phal lem ro.

1 KORINTH 15:34

Feltakin har unla, suksuol naw ro; ṭhenkhat chun Pathien hrietna hrim in nei naw hi; hi hi in inzakna dinga ka hril a nih.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.

EPHESI 2:1

Nangni khawm in bawsiet le in suolhai leia thi in ni lai khan, a sukhring cheu a nih,

EPHESI 2:5

ei bawsietna leia thi ei ni lai meu khawmin, Krista ruolin a mi sukhring ve a, (lunginsietnaa sandam in ni tah),

KOLOSSA 3:1

Chuongchun, Krista kuomah keithoin in um ve ta chun, chung tieng, Pathien changtienga ṭhung Krista umnaa thil umhai chu zawng ro;

1 THESSALONIKA 5:6

Chuleichun, mi danghai angin in ta nâwng ei tiu khai! Meng ei tiu a, fîmkhurin ngaiven lem ei tiu.

2 TIMOTHE 1:10

chu chu a mi sandamtu Isu Krista inlârna leiin, tuhin suklangin a um tah. Ama chun thina chu sukbohmangin, Chanchin Ṭhain hringna le bohmang thei nawna a suklang tah;

2 TIMOTHE 2:26

Pathien dit zâwng thaw dingin Lalpa suoka manin, Diebol chânga inthawkin an suok thei hlau rawi mawh.