EPHESI 4:6 - Pathien Lekhabu Inthieng (BSI)

⁶ iengkim Pathien le Pa pakhat chau chu iengkim chungah a um a, iengkim fangsuokin a um a, iengkim sûngah a um bawk a nih.

EPHESI 4:6 ပူးပေါင်းရင်းမြစ်များ

INṬANNA 14:19

Chun, ama chun Abram chu mal a sâwm a, “Abram chu hnuoi le vân neitu, Pathien Chunghnungtak malsâwmin um sien;

INPÂKNA HLABU 95:3

Lalpa chu Pathien ropuitak a ni si a, Pathien po po chungah Lal ropuitak a nih.

ISAI 63:16

Abraham chun mi hre lovin, Israel khawm chun mi ngaisak naw sien khawm, nang chu ka pa i ni si a; nang chu, aw Lalpa, kan pa i na, i hming chu chatuona inthawka keini mîn tlantu a nih.

MALAKI 2:10

Pa hmunkhat seng ei ni naw am a nih? Ei Pathien chun a mi siem seng a ni naw am a nih? Ei thlatuhai thuthlung chu bawsea, iengdinga mi tinin mâni unau chungah khawhlotaka ei thaw am a na?

NAMBAR 16:22

Chuongchun, anni chu an bawkkhup a, “Aw Pathien, tisa po pohai thlarau Pathien, mi pakhat suol leiin mipui po po chungah i lunginsen ding am a nih?” an ti a.

MATTHAI 6:13

Suol dinga thlêmnaa chun mi ṭhuoi lût naw la, Mi suol laka chun mi sanhim lem rawh. “Ramhai, thilthawtheinahai, ropuinahai, chatuona i ta a ni si a, Amen.

MATTHAI 6:9

“Chuongchun, nangni chu hieng ang hin ṭawngṭai ro: Kan Pa vâna mi, I hming inzaum raw se, I ram hung tlung raw se.

JOHAN 14:23

Isûn a dawn a, a kuomah, “Mîn a mi hmangai chun ka thu zâwm a ta; ka Pain ama chu hmangai a ta, a kuomah hung kan ta, a kuomah um zing kan tih.

JOHAN 17:26

Chun, an kuomah i hming kân hriettir a, inhriettir nâwk rawp ka tih; nangin kei i mi hmangaina kha anniah a um a, kei khawm annia ka um theina dingin,” a ta.

JOHAN 20:17

Chun, Isûn a kuomah, “Mi chel naw rawh, tu chen khawmin Pa kuomah ka la hang fe nawh; amiruokchu, ka unauhai kuomah va fe la, an kuomah, ‘Ka pa, in Pa, Ka Pathien, in Pathien kuomah ka lâwn ding a nih,’ a tih, va ti rawh,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:36

Amaa inthawk le ama zâr le, ama ta dinga thil po po a hung um a ni si a; ama kuoma chun chatuonin ropuina chu um raw se. Amen.

1 KORINTH 12:6

Sinthaw dân tum tum khawm a um a, Pathien ruok chu hmunkhat a nih, mi po poa iengkim thawtu chu.

1 KORINTH 8:6

Eini ta ding chun Pathien pakhat chau (Pa chu) a um a, ama kuoma inthawkin tinrêng a suok a, eini khawm ama ta dinga um ei nih; Lalpa pakhat chau (Isu Krista chu) a um bawk a, ama leiin iengkim a um a, eini khawm ama lei bawka um ei nih.

2 KORINTH 6:16

Milimhai le Pathien biekin khawmin ieng am inremna an nei a? Eini chu Pathien hring biekin ei ni si a; Pathienin, “Anniah um ka ta, Anniah lêng bawk ka ta; Chun, an Pathien nîng ka ta, Anni khawm ka mihai nîng an tih”, a ti ang khan.

EPHESI 2:22

nangni khawm amaa chun, Thlaraua Pathien umna dinga rem khâwm in nih.

EPHESI 3:17

Krista chu ringna leia in lungril sûnga a chêng theina dingin; chuongchun, hmangainaa zung kei le, innghatna neia umin,

EPHESI 6:23

Pa Pathien le Lalpa Isu Krista kuoma inthawka inremna le ringna ṭhang hmangaina unauhai kuoma khan um raw se.

DÂN PAHNINA 6:4

“Aw Israel mihai, lo ngai ta u, Lalpa ei Pathien chau chu Lalpa a nih;

1 JOHAN 3:24

A thupêkhai zâwm chu amaah a um zing a, ama khawm chu amaah a um zing bawk a nih. Chun, hitaka hin ama chu einiah a um zing ti ei hriet, Thlarau a mi pêka hin.