EPHESI 4:28 - Pathien Lekhabu Inthieng (BSI)

²⁸ Inruhmang chun inru ta naw sien la, a tlasam kuoma pêk ding a nei theina dingin a kuta thil ṭha thawin inrim lem raw se.

EPHESI 4:28 ပူးပေါင်းရင်းမြစ်များ

JOB LEKHABU (THE BOOK OF JOB) 34:32

Ka hmu nawhai chu nangin mîn chûktir la, Suolna lo thaw tah ka ni chun, thaw ta ngai naw ning,’ tiin.

FESUOKNA 20:15

În rûk ding a ni nawh.

FESUOKNA 20:17

I vênghai in în hnar ding a ni nawh; i vênghai nuhmei amanih, a siehlawpa amanih, a siehlawnu amanih, a bâwngchal amanih, a sabengtung amanih, i vênghai thil nei hrim hrim chu în hnar ding a ni nawh,” tiin.

FESUOKNA 21:16

“Tukhawm mihriem inru chu, a zawr khawmin, amain a umpui a ni khawmin, ama chu sukhlum ngei ding a nih.

THUVARHAI 13:11

Teplo mei meia hausakna hmu chu kiem a ta, Sininrima la khâwmtu chun a pung hmûng a tih.

THUVARHAI 14:23

Sininrimna po poa hin hlâwkna a um a, Hmûrhaia a hrila hril ngawt el hi chu tlâksamnaah ân nghat.

THUVARHAI 21:26

Sûnnithlâk thlâk ela duâmtaka inhnar hlak chu a um a, Mi fel ruok chun a pêk a, ân ro ngai nawh.

THUVARHAI 28:13

Mi a bawsietna inkhumtu chu hlawtling naw ni a, Thupha chawia, nghatsan hlaktu ruok chun zângaina hmûng a tih.

THUVARHAI 30:9

Ka hung tlai hin inphat ka ti che a “Lalpa chu tu am a na?” ti hlau rawi ka tih, Annawleh, ka hung pasiet hin inru rawi ka ta, Ka Pathien hming hi hrilsietnain hmang rawi ka tih.

THUVARHAI 31:20

Mi pasiehai tienga chun a kut chu a phar a; Anih, mi tlasamhai chu a kuthai chu ân tlungtir hlak.

JEREMIA 7:9

Inruin, tuolthatin, uirein, khêla inkhâmin, Baal hmaa chun riminhnik rawin pathien in hriet nawhai chu zuiin,

HOSEA 4:2

Inkhâm dâm, inhlêm dâm, inthat dâm, inrûk dâm. Uiret chîng dâm a pung a, tuolthatna hlak chu ân phaman a.

ZEKARIA 5:3

Chun, ka kuoma chun, “Hi hi ṭawngsie ram pumpui chunga fe suok hlak chu a nih, tukhawm inru taphawt chu phêk khingkhata ziek anga pei thlâk nîng a ta, tukhawm inkhâm taphawt chu phêk khingtienga ziek anga pei thlâk a ni ding a ni si a,” a ta.

LUKA 19:8

Chun, Zakai chu a ngir a, Lalpa kuoma chun, “Ngai ta, Lalpa, ka sum zâtve pasiehai kuomah pêng ka ta; chun, tu chunga khawm thil ieng khawm lo hlêpru ka ni chun a lêt liin thung nâwk ka tih,” a ta.

LUKA 3:8

Chuongchun, sim hming put tlâkin ra ro, ‘Abraham kan thlatu a nih annâwm,’ in lungrilin ti el naw ro; Pathienin hieng lunghai hi Abraham thlaahai ân ngîrtir thei ti ka hril cheu hi.

JOHAN 12:6

(Pasiehai a ngaisak leia chu thu chu hril a ni nawh; inru a na, tangka ip a kawl a, a sûnga um chu a lâk hlak lei a ni lem a).

JOHAN 13:29

Ṭhenkhatin “Juda chun tangka ip a kawl leiin, Isûn ‘Ruoiṭhenaa ding thil ei mamawhai inchaw rawh,’ a ti amanih, ‘Pasiehai kuoma iengkhat pêk ding,’ a ti amanih,” an ti a nih.)

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:13

Mi inthienghai tlâksamnaa chun sawmdâwl unla, mikhuolhai lâwm hlak mi ni ro.

1 KORINTH 4:12

mâni kuta sin thawin kan inrim hle hlak a, miin an mi halin mal kan sâwmpêk a, miin an mi suknawmna leh kan tuor fan fan a;

2 KORINTH 8:12

Inzona chu a um phawt chun, mi a nei naw sa ni lovin, a neizie ang peia a pêk chu lâwm tlâk a ni si a.

2 KORINTH 8:2

khânga rinuma fiena nasatak puma an hlimna a liem le an rimsikna nasatak chu an tiktlaina nasataka ân chang tâkzie kha.

GALATI 6:10

Chuongchun, remchâng hun ei nei ang peiin mi po po kuomah thil ṭha chu thâwng ei tiu, ringna sûnghai laia mi chungah thaw bîk tak ei tiu.

1 TIMOTHE 6:18

Thil ṭha thaw dingin, thil ṭha thaw hau dingin, tiktlaia thâwlâwm pe pei dingin,

TITA 3:14

Ei mipuihai chu an ni tin mamawhai hmu theina dingin thilṭha thaw pei dingin inchûktir la, râ insuo thei lova an um nawna dingin.

TITA 3:8

“Pathien ring tahai chun thil ṭha thaw pei dingin ngaituo rawhai se,” ti thu hi ring a um a nih, chuong thu chanchin chu huoitaka i hril tlat ka nuom a nih. Chuong thu chu mihriemhai ta dingin a ṭhain a ṭhahnem a nih.