EPHESI 4:21 - Pathien Lekhabu Inthieng (BSI)

²¹ a rawl chu in ngai ta a, ama inchûktirhai in ni angin Isua thutak um chu inchûktirin in um ta a.

EPHESI 4:21 ပူးပေါင်းရင်းမြစ်များ

INPÂKNA HLABU 45:4

Thutak le thuhnuoirawlna le felna leiin, I mawina inbelin, aitluongtakin sakawr chunga chuongin fe pei rawh. Chuongchun, i kut changtieng chun thil râpthlâktakhai ân chûktir ding che a nih.

MATTHAI 17:5

A la hril lai zingin ngai ta, sûm vârtakin anni a hung hlie ta a; chun, ngai ta, sûma inthawk râwlin, “Hi hi ka Naupa dittak, ka ilâwm bêk bêk chu a nih, ama thu ngai ro,” a ta.

LUKA 10:16

“Tûkhawm nangni thu ngai chu keima thu ngai a nih; tûkhawm a dit naw cheu chu kei a mi dit naw a nih; tûkhawm kei mi dit naw chu a mi tirtu dit naw a nih,” a ta.

JOHAN 1:17

Dân chu Mosie hmanga pêk a na, lunginsietna le thutak chu Isu Krista leiin a hung um.

JOHAN 10:27

Ka berâmhaiin ka râwl an hriet hlak, kei khawmin anni chu ka hriet, anni chun an mi zui hlak.

JOHAN 14:17

chu chu Thlarau indiktak a nih; khawvêlin chu chu an nei thei nawh, ama an hmu naw a, an hriet bawk naw leiin. Nangnîn ama chu in hriet, in kuomah a um zing lei le, nangniah a um ding leiin.

JOHAN 14:6

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:14

Anleh, an awi naw chu iengtin am lam an ta? A thu an hriet naw chu iengtin am awi an ta? Thuhriltu um lovin iengtin am hrieng an ta?

2 KORINTH 1:20

Pathien thutiem chu iengzât khawm ni sien la, amaa chun, “A nih,” ti chu a um si a. Chuongchun, ama lei khawmin, “Amen,” ti chu a um a nih, keinihai leia Pathien ropuina dingin.

2 KORINTH 11:10

Krista thutak keimaa a um ang hin Akaia ram tienga hi ka suongna hi tûkhawma mi sukbo pêk naw ni hai.

EPHESI 1:13

Amaa chun nangni khawm thutak thu, in sandamna Chanchin Ṭha chu, in ngaia ring khawm in ring hnungin, amaa chun a ta in nih ti Thlarau Inthieng tiem chun inchika in um kha.

EPHESI 2:17

Chun, a hungin nangni hlataka umhai kuomah inremna Chanchin Ṭha a hril cheu a, hnaitaka umhai kuoma khawm Chanchin Ṭha a hril bawk a.

KOLOSSA 1:5

vâna in ta dinga beiseina siepêka in um leiin a ni a; Chanchin Ṭha thutak thua in lo hriet ta lei khan a nih.

KOLOSSA 1:6

Chu Chanchin Ṭha chu, khawvêl pumpuiah malsâwmna hung intlunin a pung pei a; chuong ang takin in kuoma khawm a hung tlung a; titakzeta Pathien lunginsietna chu ngaia in hriet ni chena inthawk khan chu nangnia khawm rain a pung pei a ni kha.

KOLOSSA 2:7

Amaa zung kei le, rem sâng deu deua umin, an inchûktir ang cheu khan, lâwmthu hrilna hauin, in ringnaa chun dettakin um ro.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.